Kaꞌan ndo xiꞌin na ñuu Jerusalén na kuu ñuu Ndioxi, ra kachi ndo saa xiꞌin na: “Kotoꞌni ndo chi kaa vaxi ra kuu Rey ndo, ña ndakitaꞌan ra xiꞌin ndo, ra iin ra toꞌo ni va kuvi ra, ra yoso ra iin burru loꞌo seꞌe kiti ri ndiso ña vee vaxi ra nuu ndo”, kachi ra ndikaꞌan tuꞌun Ndioxi kan.
Ra saa ndiaka ndixa va ndia burru tiatan loꞌo kan xiꞌin seꞌe loꞌo ri xaa ndia, ra saa tiso ndia tikoto ña isukun ndia sata ri, ra ndakoso Jesús ri kuaꞌan ra xiꞌin ndia.