San Mateo 21:41 - Mixteco Metlatónoc

⁴¹ Ra saa ndakuiin na ndee xini soꞌo kan kachi na saa: ―Ña sa ra ke, kaꞌni ndiꞌi va ra yuvi ñaꞌa kan, ra ndia nii na köo kaꞌnu ini ra xiꞌin vi, ra saa satatu ra ñuꞌu nuu yoo teꞌe uva kan inka yuvi na toꞌo, na kuiin chaꞌvi nuu ra, te xa na xinu uva ―kachi na.

San Mateo 21:41 Referans Kwoze

Hechos 18:6

Ndi su na judío kan, ra ndikandïxa vaꞌa vi na ra Pablo chi na ndikañaꞌa va kuvi na xiꞌin ra. Ra saa ndakisi ra Pablo yaka tikoto ra nuu na ña kuꞌun ra, ra ndikaꞌan ra xiꞌin na, kachi ra saa: ―Vichin, ra xa mii va ndo ndiso xiꞌin ña tiaku ndo; ra köo ka kuachi kuu yuꞌu, chi xa ndatuꞌun va yu xiꞌin ndo, ra ndixïn ndo kandixa ndo. Ra vichin kuꞌun yu ndatuꞌun yu xiꞌin na küu judío va ―kachi ra xiꞌin na.

San Mateo 21:43

’Ra ña kan ke kaꞌan yu xiꞌin ndo, ra na kundaa ini ndo: chi kindiaa va Ndioxi ndiayu ndaꞌa ndo ra küvi kiꞌvi ndo nuu xaꞌndia ra chiñu, ra ndataxi ra ña ndaꞌa inka yuvi na xiin sa ña kuni va ra.

Hechos 28:28

Ra saa ndikaꞌan ka ra Pablo xiꞌin ndia, kachi ra saa: ―Na kundaa ini ndo, chi xaꞌa ña ndaku ni ini ndo, ra vaꞌa ka va na kuꞌun yu nuu na küu judío ña ndatuꞌun yu xiꞌin na, xaꞌa ña kuni Ndioxi sakaku ra na, saa chi kuiin va na kan kuni soꞌo na ―kachi ra.

Hebreos 12:25

Ra xaꞌa ña kan ke kuenda ni na koo ndo, ra na kandixa va ndo ña kaꞌan Tata yo Ndioxi xiꞌin ndo. Saa chi tu ndikäku na ñuu Israel xaꞌa ña ndixïin na kandixa na ña ndikaꞌan ra Moisés xiꞌin na, ra ra kan ra iin tiaa taꞌan mii va yo kuvi ra, saa ra ndiee ni ka va kaa tundoꞌo niꞌi yoo tu na kuïin yo kandixa yo tuꞌun ña kaꞌan Tata yo Ndioxi xiꞌin yo.

Hebreos 2:3

Ra tu saa ndoꞌo na kan xaꞌa ña ndikandïxa na, saa ra, ¿ni ke sa tu yoo ña kaku yo tu na kundasi yo ña kaꞌnu ña xa Tata yo Ndioxi xaꞌa yo ña sakaku ra yoo? Ra mii va Tata yo Jesucristo kuvi ra nuu vaꞌa ndikaꞌan ndoso xaꞌa tuꞌun ña sakaku yuvi; ra te ndiꞌi, saa xini soꞌo inka na ña, ra kundaa ini na ña kuu ña ña vaꞌa. Ra ndikaꞌan ndoso tu na ña nuu yoo va.

1 Tesalonicenses 2:16

Saa chi ta ^kuni ndi kaꞌan ndoso ndi tuꞌun Ndioxi nuu yuvi na küu judío ña vaꞌa na kaku na, ra täxi na judío ña kaꞌan ndoso ndi nuu na. Ra ña ^xa na suꞌva kuvi ña ^sakaa vaꞌa ka na kuachi va na. Ndi su vichin, ra xa xaa va tundoꞌo kaꞌnu ña ^taxi Ndioxi nuu na.

Hechos 28:8

Ra saa kuu ndi ndee ndi kan, saa ra kundaa va ini ra Pablo ña ndiee ni ndoꞌo iva ra Publio kan, kueꞌe nii, ra tiaa ni ndikaa kaꞌní ra kanduꞌu ra nuu xito. Ra saa ndixaꞌan ra Pablo xitoꞌni ra ra, ra ndikaꞌan ra xiꞌin Ndioxi xaꞌa ra, ra ta ndiꞌi ndikaꞌan ra xiꞌin Ndioxi xaꞌa ra, ra saa chinduꞌu ra ndaꞌa ra sata ra, ra ndikun nduvaꞌa va tiaa kan.

Hechos 15:7

Ra te xa kuaꞌan kunaꞌa ni ndatuꞌun kuachi ndia xaꞌa chiñu kan, saa ra ndakundichi va ra Pedro ndikaꞌan ra xiꞌin ndia kachi ra saa: ―Ñani yo, xa kundaa ini takundiꞌi va ndo ña ndikaxin Ndioxi yuꞌu tiañu ndo, ña kuꞌun yu kaꞌan ndoso yu tuꞌun vaꞌa xaꞌa Jesús nuu yuvi na küu judío, ña vaꞌa na kandixa na.

San Mateo 3:12

Ra xa ra iyoo tuꞌva va kuvi ra yoꞌo ña vaxi ra, chi xa niꞌi va ra pala, ña ndativi ra nuni trigo, ra ndakiꞌin ra nuni vaꞌa ra ndachi vaꞌa ra ña ini yaka, ra yaa nuni yoꞌo kiꞌin ra koꞌni ra nuu xixi ñuꞌu ña tüꞌva ndaꞌva ra koko va ña ―kachi ra Juan xiꞌin na.

San Mateo 21:34

Ra te nditiandiaa kii ña tiaꞌndia uva, ra saa tiꞌvi ra sava na xachiñu nuu ra kuaꞌan na nuu na tatu too ñuꞌu kan, ña na ndataxi na loꞌo kuenda ra.

San Mateo 21:40

Ra vichin na kundaa ini yo: ¿Ni ke sa ra xitoꞌo uva kan, xiꞌin na tatu too ñuꞌu nuu yoo teꞌe uva, te na ndiko ra, tuvi ndo? ―*kachi Jesús xiꞌin na.

San Lucas 20:16

Su kuꞌun ra tiin ra na, ra kaꞌni ndiꞌi va ra na, ra saa ndataxi ra ñuꞌu ra ndaꞌa inka yuvi ña kondiaa na ña. Saa va ke ndoꞌo na tatu too ñuꞌu kan, kachi tuꞌun ndichi yoꞌo ―kachi Jesús xiꞌin yuvi na ndee xini soꞌo kan. Ra te kundaa ini na ni ke kachi tuꞌun ndichi kan, ra saa ndikaꞌan na, kachi na saa: ―¡Na chindiee taꞌan ndioxi xiꞌin yo ra na ndöꞌo yo ña ndoꞌo na kan! ―kachi na.