San Mateo 21:28 - Mixteco Metlatónoc

²⁸ Ra saa ndikaꞌan Jesús iin tuꞌun ndichi xiꞌin na kachi ra saa: ―Na ndakani yu ña yoꞌo nuu ndo, ¿ra ndia kuꞌva ke tuvi ndo xiꞌin ña? Ndixiyo iin tiaa, ra ndixiyo uvi tiaa vali seꞌe ra, ra saa ndikaꞌan ra xiꞌin seꞌe ra, ra nuu, kachi ra saa: “Ra loꞌo, naꞌa, ra kuꞌun kun loꞌo kii vichin sachiñu kun xiꞌin teꞌe uva yu”, kachi ra xiꞌin ra.

San Mateo 21:28 Referans Kwoze

1 Corintios 15:58

Ra xaꞌa ña kan ke kuni yu ña ndinuni ni na kaka ndo ichi Ndioxi, ñani mii yu, ra iin takundiꞌi kii va na sachiñu ndo nuu Tata yo Jesucristo; saa chi vichin, ra xa ^kundaa va ini ndo, chi süvi ña uun kuvi ña xachiñu ndo nuu Tata yo Jesucristo.

1 Corintios 10:15

Ra ña kuu ndo yuvi na kundaa ini va ke kaꞌan yu xiꞌin ndo, ra na kotondoso tu mii va ndo ña kaꞌan yu xiꞌin ndo, a ña vaꞌa kuvi ña, ra a ña väꞌa va tu kuvi ña.

San Mateo 20:1

Saa ndikaꞌan ka Jesús iin tuꞌun ndichi xiꞌin na kachi ra saa: ―Kuꞌva ña xachiñu Ndioxi ra inuu va ña xiꞌin chiñu ña xa iin ra tata, ra chiꞌi teꞌe uva nuu iin ñuꞌu ña kuu mii ra, ra saa kuu ñaꞌa ka vi kee ra iin kii kuaꞌan ra, ña nduku ra na sachiñu nuu ra.

San Marcos 13:34

Ta kuꞌva xa iin tiaa ra kuaꞌan inka ñuu xika, ra ndakoo ra veꞌe ra ndaꞌa na xa chuun nuu ra ña na kondiaa na ña, ra taxi ra chuun ndaꞌa ta iin, ta iin na, ña na sa na, ra xaꞌndia tu ra chuun nuu iin ra ña na kondiaa ra yeꞌe va.

San Lucas 13:4

Ra na xaꞌun uni na ndixiꞌi ñuu Jerusalén te nduva torre ña nani Siloé sata na, ¿ra a iyoo ni ka kuachi na kan, nuu takundiꞌi ka na ndee ñuu Jerusalén, tuvi ndo?

San Mateo 21:33

Saa ndikaꞌan Jesús xiꞌin na kachi ra saa: ―Tiaa soꞌo ndo na ndatuꞌun yu inka tuku tuꞌun ndichi xiꞌin ndo kachi ra: Suꞌva ndoꞌo iin tiaa, ra ndataan teꞌe uva iin nuu ñuꞌu kaꞌnu, ra chikaa tu ra korra yuu va nuu ñuꞌu kan, ra kaan tu ra yavi sata kava nuu kuꞌni na uva va, ra saa xavaꞌa tu ra iin veꞌe sukun nuu kundee na kondiaa teꞌe uva kan va. Ra te ndiꞌi, saa satatu ra ña inka yuvi, ra ndakiꞌin ra kuaꞌan ra inka ñuu xika va.

San Mateo 17:25

Saa ndakuiin ra Pedro kachi ra saa xiꞌin ndia: ―Chaꞌvi va ra ña ―kachi ra. Ra te ndikiꞌvi ra Pedro veꞌe, ra xiꞌna ka va mii Jesús ndikaꞌan xiꞌin ra kachi ra saa: ―¿Ndixa tuvi yoꞌo, Pedro? ¿Yoo nuu ke kiꞌin na xaꞌndia chiñu nuu ña yuuvi yoꞌo xuꞌun: nuu na ñuu na, a nuu na kee inka ñuu va? ―kachi Jesús xiꞌin ra.

San Mateo 22:17

Ra kaꞌan xiꞌin ndi vichin, ¿a vaꞌa ña chaꞌvi ndi nuu ra tata chiñu César ñuu Roma, xuꞌun ña nduku ra nuu ndi, a väꞌa? ―kachi ndia xiꞌin Jesús.

San Mateo 21:27

Ra saa ndikaꞌan ndia xiꞌin Jesús kachi ndia saa: ―Xïni ndi yoo kuvi na taxi ndiayu ndaꞌa ra ―kachi ndia. Saa ndakuiin Jesús yuꞌu ndia kachi ra saa: ―Saa ra nii yuꞌu ndatüꞌun tu xiꞌin ndoꞌo va, yoo ko taxi ndiayu ndaꞌa yu ña ^xa yu ña yoꞌo ―kachi ra xiꞌin ndia.

San Mateo 21:29

Ra saa ndakuiin ra loꞌo kan kachi ra saa: “Küꞌun yu”, kachi ra xiꞌin iva ra. Ndi su nduꞌu ra saa, saa ra nandiko ini va ra, ra ndakiꞌin ra ndixaꞌan ra xachiñu va ra.