San Mateo 21:26 - Mixteco Metlatónoc

²⁶ Ra tu na kachi tu yo: “Na yuuvi yoꞌo va kuvi na taxi ndiayu ndaꞌa ra”, saa ra iyo ni va xiꞌin yo, saa chi takundiꞌi na ñuu, ra kandixa va na ra Juan, ña kuu ra, ra ndikaꞌan ndoso tuꞌun Ndioxi ―*kachi ndia xiꞌin taꞌan ndia.

San Mateo 21:26 Referans Kwoze

San Marcos 6:20

Ndi su mii ra Herodes ra iyuꞌvi ini va ra xini ra ra Juan, chi kundaa ini ra ña kuu ra Juan iin tiaa vaꞌa, ra ndaa, ra yii; ña kan ke xindiaa va ra ra, ra nditäxi ra kuvi ra. Ra te xini soꞌo ra Herodes ña kaꞌan ra Juan xiꞌin ra, ra xaꞌa ndataꞌvi ña xi̱ni̱ ra, ra iin sana suꞌva ini ra, ra nii nïꞌi ra ni ke sa ra, ra vaꞌa ni saa ndo̱ꞌo va ra, su ndi kusii ka vi ini ra xini soꞌo ra ña kaꞌan ra Juan.

San Juan 5:35

Ra ra Juan ra ta iyoo iin ñùꞌù ña vaꞌa ni tuun va ke ndixiyo ra kan, ra xiin va ndo kusii ini ndo xiꞌin ñùꞌù yeꞌe ña kuu mii ra iin kani loꞌo.

San Mateo 21:46

Ra saa kuni ndia ña tiin ndia ra, ndi su ndiyuꞌvi va ndia nuu na ñuu, saa chi takundiꞌi na ñuu, ra kandixa va na Jesús, ña kuu ra, ra kaꞌan tuꞌun yuꞌu Ndioxi.

San Mateo 14:5

Ra xaꞌa ña kan ke kuni ra Herodes kan ña kaꞌni ra ra Juan, ndi su ndiyuꞌvi va ra nuu na ñuu; saa chi ^kandixa takundiꞌi va na ra Juan kan, ña kuu ra ra kaꞌan ndoso tuꞌun yuꞌu Ndioxi.

San Mateo 11:9

Ra tu süvi saa kaa ra ndixini ndo, saa ra, ¿ndixaa va ke kaa ra? ¿A xini ndo iin ra kaꞌan tuꞌun yuꞌu Ndioxi va? Ndixa va, chi suvi kuvi va ra; ra chee ka va chiñu ña xa ra Juan nuu takundiꞌi na ndikaꞌan tuꞌun yuꞌu Ndioxi xinaꞌa.

Hechos 5:26

Ra saa kee ra kuchee ndiaa veꞌe ñuꞌu kaꞌnu kan, ndixaꞌan ra xiꞌin ndia kumisio ra ña ndakiꞌin tuku ndia ndia xitaꞌan xiꞌin Jesús, ra ndia iin mani mani va ndikaꞌan ndia kumisio kan xiꞌin ndia xitaꞌan xiꞌin Jesús ña vaxi ndia xiꞌin ndia, saa chi iyuꞌvi ni ndia kumisio kan ña kakin na ñuu yuu ndia.

San Juan 9:22

Ra xaꞌa ña ndiyuꞌvi va na iva siꞌi ra nuu ndia judío kan ke kachi na saa, saa chi xa ndikataꞌan va ndia judío kan ña tava ndia ndia ndia ka yuvi ini veꞌe ñuꞌu, tu na kaꞌan na ña kuu Jesús ra tiꞌvi Ndioxi xaa sakaku na yuuvi.

San Lucas 22:2

ra saa xaꞌa ndia xikuaꞌa kunaꞌnu nuu ndia sutu, xiꞌin ndia maestro sañaꞌa ndiayu Ndioxi, ña xika ndia nduku ndia ndia kuꞌva ke sa ndia ña vaꞌa kaꞌni seꞌe ndia Jesús, saa chi iyuꞌvi ni va ndia nuu na ñuu.

San Lucas 20:19

Ra saa xaꞌa ndia xikuaꞌa kunaꞌnu nuu ndia sutu, xiꞌin ndia maestro sañaꞌa ndiayu Ndioxi, ña xika nduku ndia tiin ndia Jesús, mii hora kan, saa chi kundaa va ini ndia, ña xaꞌa mii va ndia ke ndikaꞌan ra tuꞌun ndichi kan; ndi su nditïin vi ndia ra, saa chi ndiyuꞌvi va ndia nuu na ñuu.

San Lucas 20:6

Ra tu na kachi tu yo: “Na yuuvi yoꞌo va kuvi na taxi ndiayu ndaꞌa ra”, saa ra, iyo ni kaꞌni na yoo xiꞌin yuu. Saa chi takundiꞌi na ñuu, ra kandixa va na ra Juan ña kuu ra, ra ndikaꞌan ndoso tuꞌun yuꞌu Ndioxi ―kachi ndia kunaꞌnu kan xiꞌin taꞌan ndia.

San Marcos 12:12

Ra xaꞌa na xikuaꞌa veꞌe ñuꞌu kuni na tiin na ra, saa chi kundaa ini na ña xaꞌa mii va na ke ndikaꞌan ra tuꞌun ndichi yoꞌo, su ndi nditïin na ra, saa chi ndiyuꞌvi va na nuu na ñuu, na ndee xini soꞌo tuꞌun yoꞌo, ndia saa ra ndakoo na ra, ra ndakiꞌin na kuaꞌan va na.

San Marcos 11:32

Ra tu na kachi tu yo: “Na yuvi yoꞌo va kuvi na taxi ndiayu ndaꞌa ra”, saa ra, iyo ni kaꞌni na yo ―kachi na kunaꞌnu kan xiꞌin taꞌan na. Saa chin iyuꞌvi ni na xikuaꞌa kan xini na na ñuu, chi takundiꞌi na ñuu ra ^kandixa va na ra Juan ña kuu ra, ra ndikaꞌan tuꞌun yuꞌu Ndioxi, chin Ndioxi ku ra tiꞌvi ra ña kixi va ra.

San Mateo 21:11

Saa ndakuiin na kuaꞌan xiꞌin Jesús kachi na saa xiꞌin na: ―Ra yoꞌo kuvi Jesús ra kaꞌan tuꞌun yuꞌu Ndioxi, ra kee ñuu Nazaret ña ndikun ndiaa Galilea ―kachi na xiꞌin na.

San Mateo 21:25

Saa nindakatuꞌun ra ndia kachi ra saa: ―¿Yoo ko xaꞌndia chiñu nuu ra Juan ña sakuchi ra yuvi? ¿Ndioxi, a na yuuvi va? ―kachi ra xiꞌin ndia. Ra saa xaꞌa ndia kaꞌan ndia xiꞌin taꞌan ndia kachi ndia saa: ―¿Ni ke kachi yo xiꞌin ra? Chi tu na kaꞌan yo: “Ndioxi va kuvi ra taxi ndiayu ndaꞌa ra”, saa ra, kachi ra saa xiꞌin yo: “¿Nichuun ndikandïxa tu ndo ña ndikaꞌan ra tu saa?”, kachi ra xiꞌin yo.

San Mateo 21:27

Ra saa ndikaꞌan ndia xiꞌin Jesús kachi ndia saa: ―Xïni ndi yoo kuvi na taxi ndiayu ndaꞌa ra ―kachi ndia. Saa ndakuiin Jesús yuꞌu ndia kachi ra saa: ―Saa ra nii yuꞌu ndatüꞌun tu xiꞌin ndoꞌo va, yoo ko taxi ndiayu ndaꞌa yu ña ^xa yu ña yoꞌo ―kachi ra xiꞌin ndia.