San Mateo 21:24 - Mixteco Metlatónoc

²⁴ Ra saa ndakuiin Jesús kachi ra saa xiꞌin ndia: ―Kuni tu yuꞌu va ndakatuꞌun yu iin ña ndoꞌo, ra tu na ndakuiin ndo yuꞌu yu, ra saa ke ndatuꞌun tu yuꞌu va xiꞌin ndo, yoo ko taxi ndiayu ndaꞌa yu ña xa yu ña yoꞌo ―kachi ra xiꞌin ndia.

San Mateo 21:24 Referans Kwoze

San Lucas 6:9

Ra saa ndikaꞌan Jesús xiꞌin ndia fariseo, kachi ra saa: ―Na ndakatuꞌun yu ndoꞌo. ¿Ndia ña ke kuvi sa yo kii ña ndakindiee̱ kachi ña tiaa ra Moisés? ¿A ña vaꞌa ke sa yo, a ña väꞌa? ¿A sakaku yo yuvi, a sandiꞌi yo xaꞌa va na? ―kachi Jesús xiꞌin ndia.

Colosenses 4:6

Ra ta ndatuꞌun ndo xiꞌin yuvi, ra tuꞌun vaꞌa, tuꞌun toꞌo ña kusii ini na xiꞌin va na ndatuꞌun ndo xiꞌin na, ra na kiꞌin tu xini ndo ndia tuꞌun ke kuvi ndakuiin ndo yuꞌu va na.

San Mateo 10:16

Ra saa ndikaꞌan ka Jesús kachi ra saa xiꞌin ndia: ―¡Ra na kundaa ini ndo! Chi yuꞌu kuvi ra tiꞌvi ndoꞌo kuꞌun ndo, ra ta iyoo ndikachi vali ri kuaꞌan tiañu ndivaꞌyu ke iyoo ndo. Ña kan ke ndichi ni na koo ndo iin ta kuꞌva iyoo ko̱o̱ ke, na koo ndo; ra vita ni tu na koo ini va ndo, iin ta kuꞌva iyoo paloma ke, na koo ndo.

San Mateo 21:23

Saa kuu ra ndixaa Jesús ndikiꞌvi ra ini veꞌe ñuꞌu, ra saa xaꞌa ra sañaꞌa ra yuvi kan tuꞌun Ndioxi; ra sakan saa kuu ra sañaꞌa ra na, saa ra ndixaa va sutu ndia kunaꞌnu nuu ndia sutu, xiꞌin ndia xikuaꞌa kunaꞌnu nuu na ñuu, ra nindakatuꞌun ndia ra kachi ndia saa: ―¿Ni ndiayu ku mii kun ña xa kun saa? ¿Ra yoo taxi ndiayu ndaꞌa kun ña xa kun ña yoꞌo? ―kachi ndia xiꞌin ra.

San Mateo 21:25

Saa nindakatuꞌun ra ndia kachi ra saa: ―¿Yoo ko xaꞌndia chiñu nuu ra Juan ña sakuchi ra yuvi? ¿Ndioxi, a na yuuvi va? ―kachi ra xiꞌin ndia. Ra saa xaꞌa ndia kaꞌan ndia xiꞌin taꞌan ndia kachi ndia saa: ―¿Ni ke kachi yo xiꞌin ra? Chi tu na kaꞌan yo: “Ndioxi va kuvi ra taxi ndiayu ndaꞌa ra”, saa ra, kachi ra saa xiꞌin yo: “¿Nichuun ndikandïxa tu ndo ña ndikaꞌan ra tu saa?”, kachi ra xiꞌin yo.