San Mateo 21:16 - Mixteco Metlatónoc

¹⁶ ra ndikaꞌan ndia xiꞌin Jesús kachi ndia saa: ―¿A xini soꞌo kun ña kuu yuꞌu na kuachi yoꞌo? ―kachi ndia xiꞌin ra. Saa ndakuiin ra yuꞌu ndia kachi ra saa: ―^Xini va soꞌo yu. ¿Ra a ndia nii va ichi täan kaꞌvi ndo tuꞌun Ndioxi ña kaꞌan, kachi suꞌva?: Yuꞌu na kuachi vali, xiꞌin yuꞌu na sakan chichin ke chinduꞌu kun tuꞌun ndaku ña ndixa, ña ndasakaꞌnu na yoꞌo, ^kachi ña ―*kachi Jesús xiꞌin ndia.

San Mateo 21:16 Referans Kwoze

San Mateo 11:25

Saa kuu iin kii ra ndikaꞌan Jesús xiꞌin Ndioxi kachi ra saa: ―Ndasakaꞌnu yu yoꞌo, Tata, chi yoꞌo kuvi ra xaꞌndia chiñu ndivi ra saa tu nuu ñuꞌu yoꞌo va, saa chi chikaa seꞌe va kun ña vaꞌa yoꞌo nuu na ndichi xiꞌin nuu na kundaa ni ini, ra ndañaꞌa kun ña nuu na ndaꞌvi, na kundäa ini, na iyoo ta kuꞌva iyoo na kuachi vali.

San Mateo 19:4

Saa ndakuiin Jesús kachi ra saa xiꞌin ndia: ―¿A täan kaꞌvi ndo tuꞌun Ndioxi ña ndakani kachi suꞌva, te xavaꞌa Ndioxi yuvi kii nuu, “ra xavaꞌa ra tiaa, ra xavaꞌa tu ra ñaꞌa va”?

San Mateo 12:3

Saa ndakuiin Jesús kachi ra saa xiꞌin ndia: ―¿A täan va kaꞌvi ndo tuꞌun Ndioxi ña ndakani xaꞌa ra rey David, ña xa ra te ndikaꞌun ini ra xiꞌin ndia kuaꞌan xiꞌin ra?

San Marcos 2:25

Saa ndakuiin Jesús yuꞌu na kachi ra saa: ¿A ndia nii va ichi täan kaꞌvi ndo tuꞌun Ndioxi ña ndakani xaꞌa ra Rey David, te ninïꞌi ra ña kuxi ra xiꞌin na kuaꞌan xiꞌin ra?

San Mateo 22:31

Ra ña kaꞌan tu ndo a ndixa ke ndatiaku na ndi̱ì, ra nuu ndiayu ña ndakoo ra Moisés va ke ndakani ña xaꞌa ña, ¿ra a käꞌvi va ndo ña tu saa? Ra na kundaa ini ndo chi suꞌva va ke kachi Ndioxi ndikaꞌan ra:

San Marcos 13:17

Ra ndaꞌvi ni na siꞌi na ñuꞌu seꞌe, xiꞌin na iyoo seꞌe vali te na xaa kii kuu ña yoꞌo.

San Lucas 21:23

¡Ra ndaꞌvi ni na siꞌi na ñuꞌu seꞌe, xiꞌin na iyoo seꞌe vali te xa na xaa kii ña kuu ña yoꞌo! Saa chi kii kan ke sandoꞌo ni Ndioxi yuvi, ra sandaku ra kuachi xiꞌin na.