San Mateo 20:23 - Mixteco Metlatónoc

²³ Ra saa ndikaꞌan ra xiꞌin ndia kachi ra saa: ―Ña ndixa kuvi va ña kuchuun ndo koꞌo ndo vaso ña koꞌo yu, ra kuchuun tu ndo kuchi ndo ta kuꞌva kuchi yu; saa chi ndoꞌo ni tu ndoꞌo va xaꞌa ña ndikun ndo yuꞌu. Ndi su ña taxi yu kundee ndo xiin kuaꞌa yu, a xiin ichin tu yu, ra uꞌvi ni va ña kan, saa chin süvi yuꞌu kuvi ra xaꞌndia xaꞌa ña kan, chi Tata va yu kuvi ra xini, yoo kuvi na taxi ra ndiayu ndaꞌa ña kundee na xiin yu nuu kaꞌndia yu chiñu ―kachi ra xiꞌin ndia.

San Mateo 20:23 Referans Kwoze

Apocalipsis 1:9

Yuꞌu, ra Juan, ra kuvi ñani ndo, ra ^ndoꞌo ini xiꞌin ndo xaꞌa ña ndikun yo Jesucristo; ra niniꞌi taꞌvi tu yu ña kuu yu ñuu Ndioxi xiꞌin ndo, ra ^chindiee taꞌan ra xiꞌin yu ña vaꞌa tuun ni ndichi yu ta kuꞌva iyoo ndoꞌo. Chi ra kan kuvi ra ^xa ña vaꞌa xiꞌin yo. Ra xaꞌa ña ndatuꞌun yu tuꞌun Ndioxi, xiꞌin ña ndakani yu xaꞌa ña xa Jesucristo ke tiin na yuꞌu ra ndixaꞌan na ndiaka na yuꞌu, ndia iku loꞌo ña ndikaa niꞌni nuu tiañuꞌu ña nani Patmos.

Hechos 12:2

Ra saa xaꞌndia ra chiñu ña xaꞌndia na sukun ra Jacobo ñani ra Juan xiꞌin ichi.

San Marcos 10:40

Su ndi ña kundee ndo xitia kuaꞌa yu xiꞌin xitia ichin yu, ña kaꞌndia ndo chiñu xiꞌin yu, ra süvi yuꞌu ku ra, ra iyoo ichi taxi ña, chin Ndioxi va ku ra xini yoo ku na kundee yachin xiꞌin yu ―kachi Jesús xiꞌin ndia.

San Mateo 25:34

Ra te ndiꞌi, saa kaꞌan yuꞌu, ra kuu Rey, xiꞌin na chindee yu chi ndaꞌa kuaꞌa yu, ra kachi yu saa xiꞌin na: “Ndoꞌo, na ndiniꞌi ña vaꞌa nuu Tata yu Ndioxi, ra kuayaꞌa ndo vichin, ña ndakiꞌin ndo nuu kundee ndo ndivi yoꞌo, chi yoꞌo ke xa iyoo ndúvi xaꞌa ndoꞌo, te kuvaꞌa ña yuuvi vi.

1 Corintios 2:9

Ndi su ndaꞌa yoo va ke taxi Ndioxi ña, ra saa ke kachi tu mii tuꞌun Ndioxi ña tia̱à na xinaꞌa va: Ñaꞌa ña xïni ndia nii yuvi, xiꞌin ñaꞌa ña täan kuni soꞌo na xaꞌa, ñaꞌa ña täan ndakani ini na xaꞌa, kuvi ña xavaꞌa Ndioxi niꞌi yuvi na kuꞌvi ini xini ñaꞌa, kachi ña.

Romanos 8:17

Ra xaꞌa ña kuu yo seꞌe Ndioxi ke ndiniꞌi taꞌvi tu yo ña ndakiꞌin yo ñaꞌa ña kindoo Ndioxi taxi ra ndaꞌa va yo. Ra ta kuꞌva ndiniꞌi Cristo ña ke niꞌi tu yoo va ña. Ra tu ^xiin yo ndoꞌo yo xaꞌa ra vichin, saa ra niꞌi tu yo ña vaꞌa xiꞌin ra ndivi ninu va.

Hebreos 11:16

Ndi su na kan, ra ña kuni na ke kuꞌun na iin ñuu ña vaꞌa ni ka va, ra ñuu kan, ra ndivi va ke iyoo ña. Ra xaꞌa ña kan ke kuëe kukaꞌan vi nuu Tata yo Ndioxi ña ^kaꞌan ra kuu ra Ndioxi na, saa chi xa xanduvi va ra iin ñuu nuu kuꞌun na koo na.

Colosenses 1:24

Ra kusii va ini yu ña ndóꞌó yu xaꞌa ndóꞌo, na ñani yo, na veꞌe ñuꞌu, vichin, saa chi saa ke kuvi ndundaku ka ini va ndo, ra xa mii va Cristo kuvi ra chituni ña ndoꞌo yu, ña vaꞌa na chindiee taꞌan yu xiꞌin ndoꞌo na veꞌe ñuꞌu, na kuu iki kuñu ra.

2 Corintios 1:7

Ra xaꞌa ña ndoꞌo ini ndo ta kuꞌva ndoꞌo ini nduꞌu, ra kundaa kaxi va ini ndi, ña ndakiꞌin tu ndo tuꞌun ndiee ini xiꞌin va ndi sa Ndioxi.

San Mateo 13:11

Ra saa ndakuiin ra kachi ra saa xiꞌin ndia: ―Ndoꞌo, ra xa mii va Ndioxi kuvi ra ^taxi ndiayu ña na kundaa ini ndo xaꞌa ichi ra nuu xaꞌndia ra chiñu, ña iyoo seꞌé, ndi su na kan, ra täxi ra ña ndaꞌa na ña kundaa ini na.

San Mateo 20:24

Ra te xini soꞌo ndia uxi kan, ña nduku uvi ndia kundee ndia xiin Jesús, saa ra ndisaa ni ndia xiꞌin ndia uvi kan.