San Mateo 2:13 - Mixteco Metlatónoc

¹³ Ra te xa ndakiꞌin na ndichi kan kuanuꞌu ndia, ra saa kixi iin ra tatun Ndioxi saxani ra ra José, ra kachi ra saa xiꞌin ra: ―^Ndakoo, ra ndakiꞌin kun ra loꞌo yoꞌo xiꞌin siꞌi ra, ra kunu kuaꞌan xiꞌin na chi ñuu Egipto, ra ikan koo kun xiꞌin na, ra ndia te na kaꞌan tuku yu xiꞌin kun saa nandiko kun, chi kaka nduku ra rey Herodes ra loꞌo yoꞌo ña kaꞌni ñaꞌa ra ―*kachi ra tatun Ndioxi xiꞌin ra José.

San Mateo 2:13 Referans Kwoze

Hechos 12:11

Ra saa vi ke kundaa kaxi ini ra, ra ndikaꞌan ra kachi ra saa: ―Ña ndixa va ke tiꞌvi tata yo Ndioxi iin tatun ra, ña kixi ra sakaku ra yoo ndaꞌa ra Herodes, ra saa tu nuu na judío taꞌan va yo ―kachi ra.

Hechos 10:7

Ra te xa ndakiꞌin ra tatun kan kuaꞌan ra, ra saa kana ra Cornelio uvi ndia xachiñu nuu ra, ra kana tu ra iin ra soldado ra ndiaa ini ra, ra ndikun ndinuni Ndioxi xiꞌin ra.

Hechos 5:19

Ndi su kixi va iin ra tatun Ndioxi ta ñuu ndakuña ra yeꞌe veꞌe kaa nuu ñuꞌu ndia, ra tava va ra ndia, ra saa ndikaꞌan ra xiꞌin na kachi ra saa:

San Mateo 2:12

Ra te nandiko na kuanuꞌu ndia, ra nindandïko ka ndia chi ñuu Jerusalén ña ndatuꞌun ndia xiꞌin ra rey Herodes, chi xa inka va ichi nandiko ndia kuaꞌan ndia, saa chin saa kachi Ndioxi xiꞌin ndia ña saxani ra ndia ñuu.

San Mateo 1:20

Ra saa ndakanduꞌu ra kusun ra, ra xaꞌa ra ndakani ini ra ña ndakoo ra ña ^káꞌán ra, ra saa kixi va iin ra tatun Ndioxi ña saxani ra ra, ra ndikaꞌan ra kachi ra saa xiꞌin ra: ―José, seꞌe xikua ra David, kuayüꞌvi ini kun ña ndakiꞌin kun ña María koo ña yasiꞌi kun, saa chi seꞌe ña, ra xiꞌin ndiee Tachi Yii Ndioxi va ke ndikee ña.

San Mateo 2:16

Ra te kundaa ini ra Herodes ña sandaꞌvi na ndichi kan ra, saa ra ndiee ni ndisaa ini ra, ra saa xaꞌndia ra chiñu nuu ndia soldado, ra ndixaꞌan ndia xaꞌni ndia takundiꞌi na kuachi vali, na sakan kaku, iin saa ndia na uvi kuiya, na iyoo ñuu Belén xiꞌin takundiꞌi ñuu ña ndoꞌni yachin xiꞌin ña; chi kuꞌva saa ke tava mii ra Herodes kan tiempo xiꞌin tuꞌun ña ndikaꞌan ndia ndichi kan xiꞌin ra, ña kaku Jesús.

Apocalipsis 12:14

Ndi su ñaꞌá kan, ra ta̱xi va Ndioxi uvi ndixin ña naꞌnu ni ndaꞌa ña, ra ta íin ndixin tasu saa íin ña, ña vaꞌa na ndachi ña kuꞌun ña iku yuu, ña koo xika ña nuu koo ñàꞌa kan, ra ikan ke sakuxi Ndioxi ñaꞌá kan, uni kuiya sava.

Hechos 16:36

Ra saa ndikaꞌan ra ndiaa yeꞌe kaa kan xiꞌin ra Pablo xiꞌin ra Silas, kachi ra saa: ―Xa taxi ndia juez ndiayu ndaꞌa yu ña saña yu ndoꞌo, ña kan ke xa kuvi va kuꞌun ndo ndiꞌi ka ini ndo ―kachi ra.

Hechos 10:22

Ra saa ndakuiin ndia, kachi ndia saa: ―Ra Cornelio ra kuchee nuu iin ciento ndia soldado kuvi ra tiꞌvi nduꞌu vaxi ndi nuu kun, ra iin tiaa ra vaꞌa ni kuvi ra, ra kandixa ni va ra Ndioxi, ra vaꞌa ni tu nduꞌu tuꞌun xaꞌa ra nuu na judío va. Ra iin ra yii ra kuu tatun Ndioxi kuvi ra ndikaꞌan xiꞌin ra ña vaꞌa tiꞌvi ra nduꞌu vaxi ndi nuu kun, saa chi kuni ra ña na kuꞌun kun veꞌe ra, ra kaꞌan kun xiꞌin ra xaꞌa ña xiniñuꞌu kaꞌan kun xiꞌin ra ―kachi ndia xiꞌin ra Pedro.

Hechos 7:19

Ra sandaꞌvi ra na xii xikua yo ra kundivaꞌa ni ra xiꞌin na, ra xa nduxa ra xiꞌin na ña ndakoo ndaꞌa na seꞌe vali na, na sakan kaku, ña na kuvi na.

San Mateo 10:23

Ra te na kanitaꞌan na xiꞌin ndo iin ñuu, ra na kee ndo kuꞌun ndo inka ñuu nuu va na, ra ña ndixa ke kaꞌan yu xiꞌin ndo, saa chi ndia nii këe xiyo vi ndo ñuu Israel ña kaka ndo kaꞌan ndoso tuꞌun Ndioxi, saa ra xa nandiko tuku va yu.

Apocalipsis 12:6

Ra saa xinu ñaꞌa kan kuaꞌan ña iin iku yuu nuu tiseꞌe ña, nuu xa xanduvi Ndioxi koo ña, ra ikan ke kondiaa na ña iin mil uvi ciento uni xiko kii.

Apocalipsis 12:4

Ra xiꞌin suꞌma ri kañuꞌu ri iin tiꞌvi loꞌo kimi, ri ndee nuu ndivi, ra sakoyo ri ri ndia nuu ñuꞌú. Ra saa xikundichi ri nuu ña siꞌi ña xa ^numi kaku seꞌe kan, ña ^ndiatu ri kaxi ri seꞌe ña te na kaku suꞌva ña.

San Mateo 2:22

Ra te kundaa ini ra José xaꞌa ra Arquelao ña xa ndakiꞌin ra xaꞌndia ra chiñu nuu na ñuu Judea ña ndakundichi ra nuu ra Herodes, iva ra, saa ra ndiyuꞌvi va ra ña kuꞌun ra chi kan; ra saa taxi Ndioxi xani nuu ra, ndia chi ke kuꞌun ra, ra saa ndakiꞌin ra kuaꞌan ra chi Galilea va.

San Mateo 2:14

Saa ra ndikun ndakoo va ra José, ra ñuu saa ndakiꞌin ra ra loꞌo kan xiꞌin siꞌi ra, ra ndakiꞌin ra na kuaꞌan na xiꞌin ra chi ñuu Egipto va.

Hechos 12:7

Saa ra tuꞌva ndixaa va iin ra tatun ra tiꞌvi Ndioxi, ra iin ndayeꞌe nii va ini veꞌe kàà kan. Ra saa nditandiaa ndaꞌa ra kindika ra Pedro ña sandoto ra ra, ra ndikaꞌan ra xiꞌin ra kachi ra saa: ―Kama ni ndakoo kun ―kachi ra. Saa ra iin nindaxi mii va yoꞌó kaa kan ndaꞌa ra Pedro,