San Mateo 2:12 - Mixteco Metlatónoc

¹² Ra te nandiko na kuanuꞌu ndia, ra nindandïko ka ndia chi ñuu Jerusalén ña ndatuꞌun ndia xiꞌin ra rey Herodes, chi xa inka va ichi nandiko ndia kuaꞌan ndia, saa chin saa kachi Ndioxi xiꞌin ndia ña saxani ra ndia ñuu.

San Mateo 2:12 Referans Kwoze

San Mateo 2:22

Ra te kundaa ini ra José xaꞌa ra Arquelao ña xa ndakiꞌin ra xaꞌndia ra chiñu nuu na ñuu Judea ña ndakundichi ra nuu ra Herodes, iva ra, saa ra ndiyuꞌvi va ra ña kuꞌun ra chi kan; ra saa taxi Ndioxi xani nuu ra, ndia chi ke kuꞌun ra, ra saa ndakiꞌin ra kuaꞌan ra chi Galilea va.

San Mateo 2:19

Ra te xa ndixiꞌi ra rey Herodes, saa ndixaꞌan iin ra tatun Ndioxi saxani ra ra José chi ñuu Egipto, ra ndikaꞌan ra xiꞌin ra kachi ra saa:

San Mateo 2:13

Ra te xa ndakiꞌin na ndichi kan kuanuꞌu ndia, ra saa kixi iin ra tatun Ndioxi saxani ra ra José, ra kachi ra saa xiꞌin ra: ―^Ndakoo, ra ndakiꞌin kun ra loꞌo yoꞌo xiꞌin siꞌi ra, ra kunu kuaꞌan xiꞌin na chi ñuu Egipto, ra ikan koo kun xiꞌin na, ra ndia te na kaꞌan tuku yu xiꞌin kun saa nandiko kun, chi kaka nduku ra rey Herodes ra loꞌo yoꞌo ña kaꞌni ñaꞌa ra ―*kachi ra tatun Ndioxi xiꞌin ra José.

San Mateo 27:19

Ra sakan saa kuu ra Pilato nduꞌu ra tiayu nuu xandaku ra kuachi, ra saa tiꞌvi ña yasiꞌi ra chiñu ndixaa ña nuu ra, ra kachi ña saa: ―Ndia nii ña na sä kun xiꞌin tiaa ñaa, chi ra vaꞌa va kuvi ra, saa chi iin ni ñuu ndaa, ra iyo ni ndixani yu xaꞌa ra ―kachi ña xiꞌin chuun kan.

San Mateo 1:20

Ra saa ndakanduꞌu ra kusun ra, ra xaꞌa ra ndakani ini ra ña ndakoo ra ña ^káꞌán ra, ra saa kixi va iin ra tatun Ndioxi ña saxani ra ra, ra ndikaꞌan ra kachi ra saa xiꞌin ra: ―José, seꞌe xikua ra David, kuayüꞌvi ini kun ña ndakiꞌin kun ña María koo ña yasiꞌi kun, saa chi seꞌe ña, ra xiꞌin ndiee Tachi Yii Ndioxi va ke ndikee ña.

Hebreos 11:7

Ra xaꞌa ña xindiaa ini ra Noé Tata yo Ndioxi kuvi ña kandixa va ra ra te ndikaꞌan ra xiꞌin ra ña kuu iin ña täan kuni na yuuvi yoꞌo, saa ra ndikun xaꞌa va ra xavaꞌa ra iin itun chee tun xika nuu mini, ra ikan ke xindoꞌni na veꞌe ra ña vaꞌa ndixïꞌi na. Ra xaꞌa ña xindiaa ini ra Noé Tata yo Ndioxi kuvi tu ña ndañaꞌa ra na yuuvi yoꞌo ña kuëe iyoo ndaku chiñu ña xa va na, ra ndiꞌi xaꞌa va na, ra taxi Tata yo Ndioxi ña vaꞌa ndaꞌa ra xaꞌa ña xa ra chiñu ndaku.

Hechos 5:29

Ra saa ndakuiin ra Pedro xiꞌin sava ka ndia xitaꞌan xiꞌin Jesús kachi ndia saa: ―Xiꞌna ka va Ndioxi kuvi ra xiniñuꞌu kandixa ndi, ra saa vi ke kandixa ndi na yuuvi yoꞌo.

Hechos 4:19

Ra saa ndakuiin ra Pedro xiꞌin ra Juan kachi ndia saa xiꞌin na: ―Ni ke tuvi ndo, a vaꞌa ka na sa ndi ña kaꞌan ndoꞌo, nuu ña kandixa ndi Ndioxi,

1 Corintios 3:19

Saa chi ña ndichi ña iyoo nuu ña yuuvi yoꞌo, ra ña köo vaꞌa yaꞌvi ndiaa vi kuvi ña nuu Ndioxi. Ra mii saa ke kachi tu tuꞌun Ndioxi ña tiaa na xinaꞌa, ña kachi suꞌva va: “Na ndichi, ra xiꞌin mii ña ndichi ña iyoo nuu na ke koyo na xiꞌin va sa Ndioxi”, kachi ña.

San Lucas 2:26

Chi xa ta yachi vi ke ndikaꞌan Tachi Yii Ndioxi xiꞌin ra, kachi ña saa: “Küvi yachi kun, chi ndia na kuni kun ra ndikaxin Ndioxi sakaku na Israel, saa vi ke kuvi kun”, kachi ña xiꞌin ra.

Hechos 10:22

Ra saa ndakuiin ndia, kachi ndia saa: ―Ra Cornelio ra kuchee nuu iin ciento ndia soldado kuvi ra tiꞌvi nduꞌu vaxi ndi nuu kun, ra iin tiaa ra vaꞌa ni kuvi ra, ra kandixa ni va ra Ndioxi, ra vaꞌa ni tu nduꞌu tuꞌun xaꞌa ra nuu na judío va. Ra iin ra yii ra kuu tatun Ndioxi kuvi ra ndikaꞌan xiꞌin ra ña vaꞌa tiꞌvi ra nduꞌu vaxi ndi nuu kun, saa chi kuni ra ña na kuꞌun kun veꞌe ra, ra kaꞌan kun xiꞌin ra xaꞌa ña xiniñuꞌu kaꞌan kun xiꞌin ra ―kachi ndia xiꞌin ra Pedro.

Hebreos 8:5

Ra chiñu ña xa ndia sutu ndia iyoo nuu ñuꞌú yoꞌo ini veꞌe ñuꞌu, ra veꞌe ñuꞌu ndixa ña iyoo ndivi va kuvi ña ndañaꞌa ndia ña xa ndia saa. Saa chi ta ndixiyo nduvi ra Moisés ña savaꞌa ra veꞌe ñuꞌu, ra suꞌva va kachi Tata yo Ndioxi xiꞌin ra: “Ta kuꞌva iyoo ita niñu veꞌe ñuꞌu ña ndiñaꞌa yu nuu kun iku kan ke na koo ña savaꞌa va kun”, kachi ra.