San Mateo 2:11 - Mixteco Metlatónoc

¹¹ Ra saa ndixaa ndia ndikiꞌvi ndia ini veꞌe, ra xini ndia ra loꞌo kan xiꞌin ña María, siꞌi ra ndee na, saa ra ndikun xikusiti ndia nuu ra, ña ndasakaꞌnu ndia ra; ra ndakuiña ndia xatun tu ndixaa xiꞌin ndia nuu ñuꞌu oro, xiꞌin xuxa vaꞌa ña yaꞌvi ni, xiꞌin ndutia xaꞌan tami tia nani “mirra” ra ñaꞌa yoꞌo ke ndisoko ndia nuu ra.

San Mateo 2:11 Referans Kwoze

San Lucas 2:16

Saa ra numi ka vi ndia ndakiꞌin ndia kuaꞌan ndia ñuu Belén. Ra te ndixaa ndia, ra ikan nduꞌu ña María, xiꞌin ra José, ra kanduꞌu ra loꞌo seꞌe ña nuu ñuꞌu iku xaxi kiti xini ndia.

San Mateo 2:2

Ra saa ndixaa ndia ndindakatuꞌun ndia kachi ndia saa: ―¿Ndia ke ^kanduꞌu ra loꞌo, ra kuu rey na Judío ra sakan kaku? Chi xini ndi kanata kimi ri kaꞌan xaꞌa ra ña kaku ra chi nuu kanata ñuꞌu, ña kan ke vaxi ndi ndasakaꞌnu ndi ra ―*kachi ndia.

Apocalipsis 19:10

Ra saa ndakusiti yu xaꞌa ra, ña ndasakaꞌnu yu ra, ra saa ndikaꞌan ra xiꞌin yu kachi ra saa: ―Xä kun saa chi ta iyoo yoꞌo ña xachiñu kun nuu Ndioxi, xiꞌin ta kuꞌva iyoo takundiꞌi na ñani kun na ^ndikun ndinuni tuꞌun Jesús, saa ke iyoo tu yuꞌu va. Ra na ndasakaꞌnu kun Ndioxi va. ―*kachi ra. Saa chi tuꞌun ña ndikaꞌan ndoso Jesús ke ndataxi tu ndiee ndaꞌa na kaꞌan ndoso tuꞌun Ndioxi vichin va.

San Mateo 14:33

Saa ra ndia ñuꞌu ini barca loꞌo kan, ra ndikun ndakusiti va ndia nuu Jesús, ra xaꞌa ndia ^ndasakaꞌnu ndia ra kachi ndia saa: ―Seꞌe Ndioxi ku ndixa va yoꞌo ―kachi ndia xiꞌin Jesús.

Apocalipsis 5:8

Ra te ndakiꞌin ra tutu kan, saa ra ndikun ndakusiti kumi saa ña tiaku kan xiꞌin oko kumi saa na xikuaꞌa kan nuu ra kuu ndikachi loꞌo kan, ra ^niꞌi takundiꞌi na arpa xiꞌin xikoo vali ña oro, ra iin chitu ndaa ña xiꞌin xuxa vaꞌa; ra xuxa vaꞌa kan ke kuu tuꞌun ña kaꞌan na yii na ndikun ichi Ndioxi xiꞌin ra.

San Lucas 2:38

Ra saa xaa ña nuu ndee na ivasiꞌi ra loꞌo Jesús xiꞌin ra. Ra ndataxi ña tixaꞌvi ndaꞌa Ndioxi xaꞌa ra loꞌo kan. Ra saa xaꞌa ña kaꞌan ña xaꞌa ra loꞌo Jesús xiꞌin takundiꞌi yuvi na ndiatu xaa ra tiꞌvi Ndioxi sakaku na ñuu Israel.

San Mateo 1:18

Ra suꞌva ke kuu te kaku Jesucristo: Ña María siꞌi ra, ra ña kuaan va kuvi ña, ra ña sakan chitaꞌan tuꞌun va kuvi ña xiꞌin ra José ña tandaꞌa ña xiꞌin ra. Ra te kuni ka tiandiaa kii ña tandaꞌa na, ra tuꞌva ndikee va seꞌe ña xiꞌin ndiee Tachi Yii Ndioxi.

San Mateo 2:10

Ra te xini ndia nuu ndixikutuvi kimi kan, ra ndiee ka vi kusii ini ndia.

San Mateo 12:46

Ra saa kuu Jesús ndatuꞌun ka ra xiꞌin yuvi kan, saa ra ndixaa va siꞌi ra xiꞌin na ñani ra, ra xikundita na chi keꞌe ña ndiatu na ra, chi kuni na kaꞌan na xiꞌin ra.

San Juan 19:39

Ra saa ndixaa tu ra Nicodemo ra ndixaꞌan ndatuꞌun xiꞌin Jesús, iin ñuu te yachi va, ra niꞌi ra kuꞌva oko uxi kilo ichi xaꞌan tami, ña ndikava nuu, xuxa itun tu nani mirra xiꞌin, ra saa tu ichi itun, tu nani áloes va.