San Mateo 18:10 - Mixteco Metlatónoc

¹⁰ Ra saa ndikaꞌan ka Jesús xiꞌin ndia kachi ra saa: ―Kuenda ni koo ndo, ra na kundäsi ndo ndia nii yuvi na xa ninu xiꞌin mii, saa chi na tatun Ndioxi na kiꞌin kuenda xiꞌin na iin takundiꞌi kii, ra yachin ni va ndee na xiꞌin Tata yu Ndioxi ndivi ninu.

San Mateo 18:10 Referans Kwoze

Hebreos 1:14

Ra takundiꞌi na tatun Tata yo Ndioxi, ra takua nuu va ra ke xachiñu na, ra tiꞌvi tu ra na kuaꞌan na ña chindiee taꞌan na xiꞌin yuvi na xiniñuꞌu kaku va.

San Lucas 16:22

Ra saa kuu ra nditiandiaa va kii ña ndixiꞌi ra ndaꞌvi Lázaro kan. Ra xaa na tatun Ndioxi ndakiꞌin na ra kuaꞌan ra xiꞌin na ndivi, ra ndakunduꞌu ra xiꞌin ra Abraham va. Ra saa kuu ra ndixiꞌi tu ra kuika kan va, ra ndinduxin va na ra.

San Mateo 24:31

Ra tiꞌvi yu na tatun yu kuꞌun na kumi saa tutun ña yuuvi, ra kuniꞌi na itun tivi na, ña ndakaya na na ndikaxin yu koo xiꞌin yu ndivi, na ndee chi nu kanata ñuꞌu, ra iin saa ndia nuu kita ña.

San Lucas 1:19

Ra saa ndakuiin ra tatun Ndioxi kan, kachi ra saa: ―Yuꞌu kuvi ra nani Gabriel. Ra iin ndisaa kii va iyoo nduvi yu ña xika yu chiñu nuu Ndioxi. Ra suvi kuvi ra tiꞌvi yuꞌu ña vaxi yu ndatuꞌun yu xiꞌin kun xaꞌa ña vaꞌa yoꞌo va.

San Mateo 18:14

Ra kuꞌva saa ke yoo tu Tata yo Ndioxi ra iyoo ndivi va, chi küni ra kan ña na ndoñuꞌu ndia nii yuvi na xa ninu xiꞌin mii yoꞌo ―kachi Jesús xiꞌin ndia itaꞌan xiꞌin ra.

San Mateo 18:6

Saa ndikaꞌan ka Jesús xiꞌin ndia kachi ra saa: ―Ndia ndia ka yuvi na kuu mii kuachi, ña sakoyo na iin yuvi na xa ninu xiꞌin mii ña ndikun na yuꞌu, ra vaꞌa ka va ke yachi na kunuꞌni iin yuu katia chee sukun na, ra koꞌni na na ini mini.

San Mateo 2:19

Ra te xa ndixiꞌi ra rey Herodes, saa ndixaꞌan iin ra tatun Ndioxi saxani ra ra José chi ñuu Egipto, ra ndikaꞌan ra xiꞌin ra kachi ra saa:

San Mateo 2:13

Ra te xa ndakiꞌin na ndichi kan kuanuꞌu ndia, ra saa kixi iin ra tatun Ndioxi saxani ra ra José, ra kachi ra saa xiꞌin ra: ―^Ndakoo, ra ndakiꞌin kun ra loꞌo yoꞌo xiꞌin siꞌi ra, ra kunu kuaꞌan xiꞌin na chi ñuu Egipto, ra ikan koo kun xiꞌin na, ra ndia te na kaꞌan tuku yu xiꞌin kun saa nandiko kun, chi kaka nduku ra rey Herodes ra loꞌo yoꞌo ña kaꞌni ñaꞌa ra ―*kachi ra tatun Ndioxi xiꞌin ra José.

San Mateo 1:20

Ra saa ndakanduꞌu ra kusun ra, ra xaꞌa ra ndakani ini ra ña ndakoo ra ña ^káꞌán ra, ra saa kixi va iin ra tatun Ndioxi ña saxani ra ra, ra ndikaꞌan ra kachi ra saa xiꞌin ra: ―José, seꞌe xikua ra David, kuayüꞌvi ini kun ña ndakiꞌin kun ña María koo ña yasiꞌi kun, saa chi seꞌe ña, ra xiꞌin ndiee Tachi Yii Ndioxi va ke ndikee ña.

1 Tesalonicenses 4:8

Ra yuvi na xïin kandixa tuꞌun ña ^sañaꞌa ndi ndoꞌo yoꞌo, ra süvi nduꞌu kuvi ndia xïin na kandixa na, chi mii Tata yo Ndioxi va kuvi ra, xïin na kandixa na. Ra mii Tata yo Ndioxi kuvi tu ra taxi Tachi Yii ra, ña iyoo ña xiꞌin va yo.

1 Corintios 11:22

¿Ra a väꞌa veꞌe va ndo na kundee ndo kuxi ndo, ra koꞌo ndo? Ra na kundaa ini ndo, chi na veꞌe ñuꞌu Ndioxi va kuvi na kundasi ndo ña ^xa ndo saa, ra sakaꞌan tu ndo nuu na ñani yo, na köo ña niꞌi kuxi va. ¿Ra ni ke kachi yu xiꞌin ndo vichin? ¿A vaꞌa tu na kaꞌan yu ña vaꞌa ni ^xa ndo? Ndïxa, ¡saa chi süvi ña vaꞌa ke ^xa ndo, ña ^xa ndo saa!

1 Corintios 16:11

Ra xaꞌa ña kan ke kaꞌan yu xiꞌin ndo ña na kundäsi ndo ra. Chi ña xiniñuꞌu sa ndo ke, na chindiee taꞌan ndo xiꞌin va ra, ña vaꞌa vivii na koo ra ichi ña nandiko tuku ra kixi ra kotoꞌni ra yuꞌu, saa chi yuꞌu xiꞌin na ñani yo yoꞌo, ra ndiatu va ndi ña nandiko ra ña kotoꞌni ra nduꞌu.

Romanos 14:10

Ña kan ke na käꞌan kiꞌvi ndo xaꞌa na ñani yo na ndikun Cristo, ra nii na kundäsi taꞌan tu ndo xiꞌin va na, saa chi iin kii, ra xaa takundiꞌi va yo nuu Tata yo Jesús ña sayukun ra kuachi xiꞌin yo.

Hechos 27:23

Saa chi ñuu nduveꞌe ndituvi iin ra tatun Ndioxi nuu yu, ra Ndioxi ra ndikun yu, ra xachiñu yu nuu kuvi ra, tiꞌvi ra ña kixi ra nuu yu,

Hechos 12:23

Ra sakan saa kuu na kaꞌan na, saa ra ndikun ndixinu va iin ra tatun Ndioxi, ra taxi kueꞌe ndaꞌa ra, ra nuu na saa ndixiꞌi va ra, ra ndikun xaꞌa tikuxi xaxi va ri ra, saa chi ndindäsakaꞌnu ra Ndioxi, chi mii va ra ndasakaꞌnu ra.

Hechos 12:15

Ndi su ndikandïxa vi na ña, ra ndikaꞌan na xiꞌin ña kachi na saa: ―¡Ña sana va kuvi yoꞌo! ―kachi na. Ndi su iin tutuun va kaꞌan ña, ña íin ra Pedro yeꞌe. Ra saa ndikaꞌan na xiꞌin ña kachi na saa: ―Süvi vi ra; chi nima va ra kuvi ña ―kachi na.

Hechos 10:3

Ra saa kuu iin kii ta kuꞌva kaa uni xikuaa ra saa satuvi ña nuu ra xa Ndioxi, ra iin kaxi kaxi va xini ra iin ra tatun Ndioxi, ra ndikiꞌvi ra nuu iin ra ra ndikaꞌan ra xiꞌin, kachi ra saa: ―¡Cornelio! ―kachi ra.

Hechos 5:19

Ndi su kixi va iin ra tatun Ndioxi ta ñuu ndakuña ra yeꞌe veꞌe kaa nuu ñuꞌu ndia, ra tava va ra ndia, ra saa ndikaꞌan ra xiꞌin na kachi ra saa:

1 Timoteo 4:12

Ra vivii va na sa kun ña vaꞌa na käꞌan kiꞌvi ndia nii yuvi xaꞌa kun, xaꞌa ña ^kuu kun ra loꞌo itia, chi ña xiniñuꞌu sa kun ke na kuu kun iin ita niñu nuu na ndikun Tata yo Jesucristo va, xiꞌin tuꞌun ña kaꞌan kun, xiꞌin kuꞌva ña tiaku kun, xiꞌin ña kuꞌvi ini kun xini kun yuvi, xiꞌin ña kandixa kun Tata yo Jesucristo, xiꞌin ña xayäkua kun mii kun.

1 Corintios 9:22

Ra ta íin yu xiꞌin na iyoo vita ini, saa ra nduu yu ta kuꞌva iyoo na kan va, ña vaꞌa na chindiee taꞌan yu xiꞌin na, ra kandixa na Cristo. Ra suꞌva ke iyoo ña, iin ta kuꞌva iyoo takundiꞌi va yuvi ke ^nduu yu ña vaꞌa na chindiee taꞌan yu xiꞌin na, ña vaꞌa na kaku na xiniñuꞌu kaku.

Romanos 15:1

Xaꞌa ña kan ke, yoo, na xa xixa ini xiꞌin tuꞌun Ndioxi, ra na ndakiꞌin mani va yo, na ñani yo na vita ini, na täan kundaa vaꞌa ini xiꞌin tuꞌun Ndioxi, ra na kundïꞌi ini yo takua xaꞌa mii yo.

Romanos 14:21

Ra ña vaꞌa va ke, na käxi yo kuñu, ra nii na köꞌo tu yo vino va, ra nii na käxi tu yo ndia ndia ka ñaꞌa ña sakakiꞌi, a sandakava, a xa vita ini na ñani yo na ndikun Cristo va.

Apocalipsis 8:2

Saa ra xini yu ndita uxa na tatun nuu Ndioxi, ra taxi ra uxa itun tu tivi na ndaꞌa na.

Gálatas 6:1

Ñani yo, ndoꞌo na xa iyoo xixa ini, na ^xa ña kaꞌan Tachi Yii Ndioxi, ra tu na kundaa ini ndo xaꞌa iin na ñani yo ña ndakava na ña ^xa na ndia ndia ka chiñu kiꞌvi, ra ña xiniñuꞌu va kuvi ña na kaꞌan ndo xiꞌin na, ña na ndakoo na chiñu kiꞌvi ña ^xa na. Ndi su vivii va na kaꞌan ndo xiꞌin na, ra kuenda ni na koo ndo, saa chi tu köo ra iyo ini tu koyo ndoꞌo va.

2 Corintios 10:10

Saa chi sava na kaꞌan ña ndaku ni a ndiee ni va tu kaꞌan yu xiꞌin tutu ña tiaa yu, ndi su mii tu yu, ra vita ni va yu, ra köo yaꞌvi ndiaa vi tuꞌun ña kaꞌan yu, ^kachi na.

2 Corintios 10:1

Yuꞌu, ra Pablo kuvi ra kaꞌan xiꞌin ndo, ra xiꞌin ña toꞌo, xiꞌin ña ndaꞌvi ini ña taxi Cristo ndaꞌa va yu kuvi ña kaꞌan yu xiꞌin ndo. Ra sava na kaꞌan ña kuu yu, iin tiaa ra vita ni ini ta iin yu xiꞌin ndo, ndi su ta iyoo xika tu yu, ra nduu tu yu iin tiaa ra ndaku ni ini va, ^kachi na.

San Lucas 10:16

Saa ndikaꞌan ka Jesús xiꞌin ndia itaꞌan xiꞌin ra, kachi ra saa: ―Na xini soꞌo tuꞌun ña kaꞌan ndo, ra tuꞌun yuꞌu va ke xini soꞌo na. Ra na kundasi ndoꞌo, ra yuꞌu va kuvi ra kundasi na. Ra na kundasi yuꞌu, ra ra tiꞌvi yuꞌu xaa va yu kuvi ra kundasi na ―*kachi ra.

San Mateo 12:20

Ra yuvi na xa takueꞌe, na ndoꞌo, ta kuꞌva ndoꞌo iin ndoo ñuꞌu tun xa nditaꞌnu, ra satakuëꞌe ka ra na; ra nii iꞌva loꞌo ña sakan ndixikun, ndäꞌva ra, ra saa ke ^sa va ra ndia te xaa kii ña ndakiꞌin ra kaꞌndia ra chiñu xiꞌin ña ndaa va.

Hebreos 9:24

Ra xaꞌa ña kan ke Tata yo Jesucristo, ra ndikïꞌvi vi ra nuu Yii ini veꞌe ñuꞌu ña xavaꞌa na yuuvi yoꞌo, saa chi naꞌna veꞌe ñuꞌu ndixa ña iyoo ndivi va kuvi ña; xaꞌa ña kan ke Tata yo Jesucristo, ra mii ndivi va kuvi ña ndikiꞌvi ra, ra ikan ke iyoo ra vichin va, ra xaku ndaꞌvi ra xaꞌa yo nuu Tata yo Ndioxi.