San Mateo 17:4 - Mixteco Metlatónoc

⁴ Ra saa ndikaꞌan ra Pedro xiꞌin Jesús kachi ra saa: ―Tata Maestro, tiaa ni vaꞌa ña ndee yo yoꞌo vichin. Tu kuni kun ra na savaꞌa ndi uni veꞌe tuvíxi̱n vali: iin ña koo veꞌe yoꞌo, ra iin ña koo veꞌe ra Moisés, ra iin ña koo veꞌe ra Elías ―*kachi ra xiꞌin Jesús.

San Mateo 17:4 Referans Kwoze

San Lucas 9:33

Ra ta sakan ndixikutiaꞌa ndia ndita xiꞌin Jesús; ra saa ndikaꞌan ra Pedro, xiꞌin ra kachi ra saa: ―Tata Maestro, vaꞌa ni kuu ndee yo yoꞌo. Ra na savaꞌa ndi uni veꞌe tuvixin vali, ra iin ña kuu veꞌe yoꞌo, ra iin ña kuu veꞌe ra Moisés, ra iin ña kuu veꞌe ra Elías ―kachi ra xiꞌin Jesús. Ra nii ndikundäa ini ra ni ke kaꞌan ra xaꞌa vi.

San Juan 17:24

’Ra na taxi kun ndaꞌa yu yo̱ꞌo̱, Tata, ra kuni yu ña na kundee na xiꞌin yu nuu koo yu, ra saa ke vaꞌa na kuni na ña kaꞌnu, ña taxi kun ndaꞌa yu; saa chi yoꞌo kuvi ra xa kuꞌvi ni ini xini yuꞌu te täan kukava xaꞌa ña yuuvi yoꞌo vi.

Apocalipsis 21:23

Ra ñuu kan ra xiniñüꞌu ka ña, ña kutuun ñuꞌù nuu ña, ra ni yoo xiniñüꞌu ka ña kuyeꞌe nuu ña, saa chi ndiee Ndioxi ra kaꞌnu va ke yeꞌe nuu ña, ra tuun tu Jesucristo ra kuu ndikachi loꞌo va nuu ña.

1 San Juan 3:2

Ñani yo, ña ndixa ke xa kundaa va ini yo ña kuu yo seꞌe Tata yo Ndioxi, ndi su küvi vi tandiaa yo ña kundaa ini yo xaꞌa ña nduvi ña sa ra xiꞌin yo kii ña vaxi, ndi su te xa na xaa kii ña nandiko Tata yo Jesucristo kixi ra, ra ta kuꞌva iyoo mii va ra ke koo yo, saa chi kuni yo ra ta kuꞌva kaa va ra.

Filipenses 1:23

Ra ^xa uꞌvi ni va ña xiꞌin yu ndia ña ke vaꞌa ka kaxin yu; saa chi kuni yu ndikun na kuvi va yu ña vaꞌa na koo yu xiꞌin Cristo, saa chi vaꞌa ni ka va saa tuvi yu;

San Mateo 17:3

Saa ra tuꞌva ndituvi va ra Moisés, xiꞌin ra Elías, ra xaꞌa ndia ndatuꞌun ndia xiꞌin Jesús ndita ndia.

San Juan 7:2

Ra nani saa kuu Jesús xika ra, saa ra xa kuaꞌan kuyachin ni tu koo viko ña ndatava na judío, ta kuiya ta kuiya va, ña xavaꞌa na veꞌe tuvixin vali ndee na.