San Mateo 16:27 - Mixteco Metlatónoc

²⁷ Chi yuꞌu, ra xaa yoꞌo vichin, ra ndiko yu kixi yu xiꞌin ndiee Tata yu, xiꞌin na tatun ra, ra saa ke ndachaꞌvi yu ta iin ta iin na yuuvi yoꞌo xaꞌa chiñu ña ^xa na, ra ta kuꞌva iyoo mii chiñu ña ^xa na, saa ke koo tu yaꞌvi na sa va yu.

San Mateo 16:27 Referans Kwoze

2 Corintios 5:10

Saa chi xiniñuꞌu kuꞌun takundiꞌi va yo nuu nduꞌu Tata yo Jesucristo ^xa yukun ra kuachi, ña sayukun ra kuachi xiꞌin yo xaꞌa chiñu vaꞌa, xiꞌin chiñu kiꞌvi ña ^xa yo ña tiaku yo xiꞌin iki kuñu yo vichin.

Romanos 2:6

Ra kii kan ke, chaꞌvi Ndioxi na ta kuꞌva iyoo mii chiñu ña xa va na.

Romanos 14:12

Ra na kundaa ini ndo mii ña ndaa, chi ta iin, ta iin yo, ra xiniñuꞌu ndakani va yo xaꞌa chiñu ña xa yo vichin, nuu Ndioxi kii ña sayukun ra kuachi xiꞌin yo.

Efesios 6:8

Ra xa kundaa va ini ndo, chi nii na xika ndika kuvi ndo, ra nii na xachiñu ndaꞌvi kuvi va tu ndo, ra ta kuꞌva iyoo mii chiñu ña xa ndo ke ndachaꞌvi Tata Jesucristo ndoꞌo xaꞌa va.

Judas 1:14

Ra ndikaꞌan tu ra Enoc, ra kuu uxa ndiseꞌe ra Adán va xaꞌa ña ndoꞌo tiaa ndia chiꞌña tuꞌun kan, ra Tata yo Ndioxi va kuvi ra ndikaꞌan niꞌni xini ra ña vaꞌa ndikaꞌan ra kachi ra suꞌva: “Xa xini nuu va yu ña vaxi Tata yo Ndioxi xiꞌin kuaꞌa ni mil na yii na kuu kuenda mii ra,

Apocalipsis 20:12

Ra saa xini yu na ndii: na kuu mii chiñu naꞌnu xiꞌin na ndaꞌvi, ra ndita na nuu Ndioxi. Ra saa ndanuña kuaꞌa ni libro, ra ^ndanuña tu libro nuu ^ndoso kivi na kutiaku xiꞌin Ndioxi va. Ra saa xandaku Ndioxi kuachi xiꞌin na ndii kan, ra ta kuꞌva iyoo mii chiñu ña xa na kachi libro kan ke, iyoo ña xa ra xiꞌin va na.

Apocalipsis 2:23

Ra kaꞌni ndiꞌi yu na kuvi seꞌe ña; ra saa ke kundaa ini takundiꞌi na veꞌe ñuꞌu ña yuꞌu kuvi ra kundaa ini xaꞌa takundiꞌi ña ndikaa xini na, xiꞌin ña ndikaa nima na. Ra ta kuꞌva iyoo chiñu ña ^xa ndo saa ke koo tu yaꞌvi va ndo.

San Mateo 25:31

’Te na ndiko yuꞌu ra xaa yoꞌo, kixi yu xiꞌin takundiꞌi ndiee yu, ra kixi takundiꞌi tu na tatun va yu xiꞌin yu, ra saa ke ndakunduꞌu yu tiayu kaꞌnu ña kaꞌndia yu chiñu.

San Lucas 21:27

Ra saa vi ke kuni ndo yuꞌu, ra xaa yoꞌo vichin, ña kixi yu xiꞌin takundiꞌi ndiee yu ña kaꞌnu.

San Marcos 14:62

Saa ndakuiin Jesús, kachi ra saa xiꞌin ra: ―Suvi va yu. Ra kuni ndo yuꞌu, ra xaa yoꞌo vichin, kunduꞌu yu chi xitia kuaꞌa Ndioxi ra kaꞌnu, ra ndiko tuku yu iin nuu vi̱ko̱ kixi yu xiꞌin takundiꞌi ndie̱e̱ Ndioxi ―kachi Jesús xiꞌin ra.

San Marcos 8:38

Ra yuvi na kukaꞌan nuu tu xiꞌin yu, a xiꞌin tuꞌun yu nuu na yuvi kuachi yoꞌo vichin, saa ra, saa sa tu yuꞌu, ra xaa yoꞌo va, chi kukaꞌan nuu tu yuꞌu va xiꞌin na nuu Tata yu, ta xa na ndiko yu kixi yu xiꞌin ndie̱e̱ Iva yu, xiꞌin na yii na ku tatun ra ―kachi Jesús xiꞌin na.

San Mateo 24:30

Ra saa kuni takundiꞌi na ña kuu nuu ndivi, ña taxi kuꞌva nuu na ña xa kuyachin ni ndiko tuku yuꞌu, ra xaa yoꞌo kixi yu. Ra te xa na kuni takundiꞌi na ñuu yuuvi yoꞌo yuꞌu, ña kee yu ndivi vaxi yu iin nuu viko xiꞌin takundiꞌi ndiee yu ña kaꞌnu, saa ra yuꞌvi ni na ra kuaku ni na.

Apocalipsis 1:7

Ra na kundaa ini ndo, chi iin nuu viko ke ndiko Iva yo Jesucristo kixi ra, ra kuni takundiꞌi va yuvi ra, ra ndia na xandivaꞌa xiꞌin va ra kuvi na kuni ñaꞌa, ra takundiꞌi na iyoo nuu ña yuuvi yoꞌo, ra kuaku ni na, te na kuni na xaa ra, saa chi köo ka ña kuvi niꞌi na sa na. Ra mii ña ndixa ke, saa ke kuu va. Amén.

Hechos 1:11

Ra ndikaꞌan ndia xiꞌin ndia kachi ndia saa: ―Ndoꞌo, ndia ñuu Galilea, ¿nichuun ke iin kua̱ꞌa̱n ini ndo ixtondiaa ndo ndivi ndíta ndo? Ra na kundaa ini ndo chi iin ta kuꞌva kuu ña kuaꞌan Jesús chi ndivi, ra iin saa ke kuu tu te xa na nandiko ra kixi tuku va ra ―*kachi ndia xiꞌin ndia.

San Mateo 26:64

Ra saa ndakuiin Jesús kachi ra saa xiꞌin ra: ―Xa mii kun ku ra ndikaꞌan va, ra suvi kuvi va yu. Ra na kundaa ini ndo vichin, chi kuni ndo yuꞌu ra xaa yoꞌo, ña ndakunduꞌu yu chi xitia kuaꞌa Ndioxi ra kaꞌnu, ndivi nuu xaꞌndia ra chiñu, ra ndiko yu kixi yu iin nuu viko yaa ―kachi Jesús xiꞌin ra.

1 San Pedro 1:17

Ra tu kaꞌan ndo “Tata” xiꞌin Tata yo Ndioxi, ra xiniñuꞌu ni va na yuꞌvi ndo kuni ndo ra, ra na kutiaku ndo ta kuꞌva kuni ra, kii ña ndee too ndo nuu ña yuuvi yoꞌo vichin, saa chi ra kan, ra ndakäxin ra yuvi chi inuu xandaku ra kuachi xiꞌin takundiꞌi va na xaꞌa chiñu ña xa na.

San Lucas 22:69

Ndi su vichin, ra iin saa ndia kii ña vaxi ke kunduꞌu yuꞌu, ra xaa yoꞌo vichin, xitia kuaꞌa Tata yu Ndioxi ra kuu mii takundiꞌi ndiee ―kachi ra xiꞌin ndia.

San Lucas 9:26

Ra tu ndia ndo kukaꞌan nuu xaꞌa ña ndikun ndo yuꞌu, xiꞌin xaꞌa ña sañaꞌa yu, ra kukaꞌan tu nuu yuꞌu va kuni yu ndoꞌo ta xa na ndiko yu xiꞌin ndie̱e̱ yu, xiꞌin ndie̱e̱ Tata yu, xiꞌin na yii na kuu tatun ra.

San Mateo 13:49

Ra mii saa ke kuu tu te xa na ndiꞌi xaꞌa ña yuuvi yoꞌo va; saa chi kixi na tatun Ndioxi ra ndakaxin na na väꞌa ña ndatava na na tiañu na vaꞌa.

1 Tesalonicenses 1:10

Ra ^ndatuꞌun tu na xaꞌa ndo, ña ndiatu ndo ña nandiko Tata yo Jesucristo, ra kuu seꞌe Ndioxi, ra ndatiaku tiañu na ndii va. Ra mii Tata yo Jesucristo kuvi ra ^sakaku yoo nuu tundoꞌo ñaꞌa, ña kuu kii ña vaxi va.

1 Tesalonicenses 4:16

Saa chi kii ña nandiko Tata yo Jesucristo kixi ra, ra ndiee ni va kaꞌan ra xiꞌin ndiayu ña kuu mii ra, ra ndiee ni tu kaꞌan iin ra tatun Ndioxi ra ndaku ni va, ra ndiee ni tu ndaꞌyu iin itun tun tivi va na. Saa ra xiꞌna ka va na ñani yo, na xa kandixa Tata yo Jesucristo, ra ndixiꞌi na kuvi na ndatiaku.

San Mateo 13:41

Ra yuꞌu, ra xaa yoꞌo, ra tiꞌvi yu na tatun yu ña ndakaya na takundiꞌi yuvi na ^xa kuachi, ra saa tu na sakuni inka yuvi ña na sa na ña väꞌa va, ra tava na na nuu xaꞌndia yu chiñu,

1 Corintios 8:8

Ra süvi xaꞌa ñaꞌa ña xixi yo kuvi ña ndakiꞌin mani Ndioxi yoo; saa chi nii na kuxi va yo ña, ra xa saa nduväꞌa vi yo, ra nii na küxi va tu yo ña, ra xa saa kuyäkua yo sa vi ña.

San Mateo 8:20

Saa ndakuiin Jesús kachi ra saa xiꞌin ra: ―Yukuii, ra iyoo va yavi nuu kixi ri, ra saa tu iyoo saa va, chi iyoo tu chiꞌyo nuu kixi ri kan va. Ndi su, yuꞌu, ra xaa yoꞌo vichin, ra ndia nii nuu kusun yu ke köo vi ―kachi Jesús xiꞌin ra.

San Juan 21:22

Saa ndakuiin Jesús, kachi ra saa xiꞌin ra: ―Tu kuni yu kutiaku ra, ra kutiaku va ra, ndia kii te na ndiko yu kixi tuku yu ña yuuvi yoꞌo va, ¿ra ni ke ndoꞌo yoꞌo ndiꞌi ini kun? Na kundikun yuꞌu va ―*kachi ra.

San Juan 21:23

Ra xaꞌa ña kan ke, ndindutia ndoso tuꞌun nuu takundiꞌi na ndikun sata Jesús, ña küvi ra xitaꞌan xiꞌin Jesús yoꞌo. Ndi su ndikäꞌan Jesús ña küvi ra, chi suꞌva va ke kachi Jesús: “Tu kuni yu kutiaku ra, ra kutiaku va ra, ndia te na ndiko tuku yu kixi yu ña yuuvi yoꞌo va, ¿ra ni ke ndoꞌo yoꞌo, ndiꞌi ini kun?”, kachi ra.

1 Corintios 3:13

Ndi su ta xa na xaa kii ña sandaku Ndioxi kuachi xiꞌin ta iin iin na yuuvi yoꞌo, ra saa ke kundaa kaxi ini takundiꞌi va yuvi xaꞌa chiñu ña ^xa na; saa chi kii kan ke kotondoso Ndioxi chiñu ña ^xa ta iin iin va yuvi, ra xiꞌin ñùꞌù va ke kotondoso ra ña.

1 Corintios 15:23

Ndi su ña yoꞌo, ra ña iyoo ikun va kuvi ña, saa chi Tata yo Jesucristo kuvi ra nuu vaꞌa ndatiaku va, ra ta xa na nandiko ra ke ndatiaku tu yuvi na kuu kuenda va ra.

Colosenses 3:25

Ndi su yuvi na ^xa chiñu kiꞌvi, ra ta kuꞌva iyoo mii chiñu kiꞌvi ña xa na ke ndakiꞌin na yaꞌvi na xaꞌa va, saa chi inuu sayukun Ndioxi kuachi xiꞌin takundiꞌi va yuvi.

Santiago 5:7

Ndi su ndoꞌo, ñani yo, ra ndaku ni na koo ini ndo, ra na ndïꞌi ini ndo ña kundiatu ndo ña xaa kii ña ndandiko Tata yo Jesucristo kixi ra. Ra ndia ta kuꞌva xa iin ra chiꞌi va ke na sa ndo, saa chi ra kan, ra ndïꞌi vi ini ña ndiatu ra, ña yaꞌa yoo kuun savi, ra saa vi ke sakee ra ñaꞌa ña chiꞌi ra.

1 San Juan 2:28

Ra kaꞌan tuku va yu xiꞌin ndo ñani mii yu, na iyoo ta kuꞌva iyoo seꞌe yu, na ndakundiee ndo ña iin tuun saa kundikun va ndo Tata yo Jesucristo, ña vaꞌa ndinuni ni nima ndo na kundiatu ndo ra ndiko ra, ra na köo ña kukäꞌan nuu ndo xiꞌin te xa na kuni ndo ra.