San Mateo 16:16 - Mixteco Metlatónoc

¹⁶ Ra saa ndakuiin ra Simón Pedro kachi ra saa: ―Tata, yoꞌo kuvi seꞌe Ndioxi ra tiaku, ra xa̱à kun ña sakaku na yuuvi yoꞌo ―kachi ra xiꞌin Jesús.

San Mateo 16:16 Referans Kwoze

San Mateo 14:33

Saa ra ndia ñuꞌu ini barca loꞌo kan, ra ndikun ndakusiti va ndia nuu Jesús, ra xaꞌa ndia ^ndasakaꞌnu ndia ra kachi ndia saa: ―Seꞌe Ndioxi ku ndixa va yoꞌo ―kachi ndia xiꞌin Jesús.

San Juan 11:27

Ra saa ndakuiin ña kachi ña saa: ―Kandixa va yu, Tata, ra kandixa tu yu, ña kuu kun Seꞌe Ndioxi va, ra ndikaxin tu ra yoꞌo ña sakaku kun na yuuvi yoꞌo va, ra xa iyoo tu tuꞌun xaꞌa kun ña kixi kun nuu ña yuuvi yoꞌo va ―kachi ña xiꞌin Jesús.

1 San Juan 4:15

Ra takundiꞌi yuvi na ndakuni ña kuu Tata yo Jesucristo seꞌe Tata yo Ndioxi, saa ra itaꞌan va Tata yo Ndioxi xiꞌin na, ra itaꞌan tu na kan xiꞌin va ra.

San Mateo 27:54

Ra ra soldado ra kuchee kan xiꞌin ndia itaꞌan xiꞌin ra, ña ndiaa ndia Jesús, ra te xini ndia ña ndiee ni nditaan, ra xini tu ndia takundiꞌi ña kuu kan va, saa ra tiaa ni ndiyuꞌvi ndia, ra ndikaꞌan ndia kachi ndia saa: ―Ña ndixa ke seꞌe Ndioxi kuvi ndixa va ra yoꞌo ―kachi ndia.

1 Timoteo 4:10

Ra xaꞌa ña yoꞌo ke xachiñu yo ra kañaꞌa tu na xiꞌin va yo, ra xaꞌa ña ndiaa ini yo Tata yo Ndioxi ra tiaku va kuvi ña, ra mii ra kuvi tu ra sakaku takundiꞌi yuvi va, ndi su takua na kandixa ñaꞌa va kuvi na kaku sa ra.

Hechos 9:20

Ra saa ndiyaꞌa ndiaꞌvi kii ra saa xaꞌa ra Saulo xika ra ta veꞌe ñuꞌu, ta veꞌe ñuꞌu na judío ña iyoo ñuu Damasco ndakani ra xaꞌa Jesús ña kuu ra seꞌe Ndioxi

1 Tesalonicenses 1:9

Saa chi xa mii va na kuvi na ndatuꞌun xiꞌin ndi xaꞌa ña vaꞌa ni ndakiꞌin ndo nduꞌu ta ndixaa ndi nuu ndo, ra ^ndatuꞌun tu na xaꞌa ndo ña ndakoo ndo naꞌna ña kuu ndioxi ndii, ra ndakundikun ndo Ndioxi ra tiaku, ra ndaa, ra xaꞌa ndo xachiñu ndo nuu va ra.

San Mateo 26:63

Ndi su ndia nii tuꞌun loꞌo nindäkuiin Jesús, ra saa ndikaꞌan tuku ra sutu kuchee kan xiꞌin ra kachi ra saa: ―Xiꞌin kivi Ndioxi ra tiaku ke na ndatuꞌun kun xiꞌin ndi vichin, ¿a ndixa yoꞌo kuvi ra kuu seꞌe Ndioxi, ra tiꞌvi ra vaxi sakaku na yuuvi yoꞌo? ―kachi ra xiꞌin ra.

1 San Juan 5:5

Ra takua yuvi na ndinuni ni kandixa ña kuu Tata yo Jesús seꞌe Tata yo Ndioxi va kuvi na ^kuchuun ^xa tiaa nuu ña väꞌa, ña iyoo nuu ña yuuvi yoꞌo.

Hebreos 10:31

Ndiee ni kaa tundoꞌo taxi Tata yo Ndioxi, ra tiaku, ndaꞌa yo tu na ndaniꞌi ra yoo ña ^xa yo chiñu kiꞌvi.

Romanos 1:4

Ra Tachi Yii Ndioxi ke ndañaꞌa ra, ña kuu ra seꞌe Ndioxi, ra kuu mii ra ndiee ña kaꞌnu, saa chi ndatiaku va ra nuu ña ndii.

San Marcos 14:61

Ra yayaa va íin Jesús ra ndia nii tuꞌun ndindäkuiin ra. Saa ndindakatuꞌun tuku mii ra sutu kuchee kan ra, kachi ra saa: ―¿A yoꞌo ku Cristo, seꞌe Ndioxi ra kaꞌnu? ―kachi ra.

San Juan 20:31

Ndi su ndikaꞌyu va tu sava ña xituꞌun ña xa ra, nuu tutu yoꞌo, ña kan ke vaꞌa na kandixa ndo Jesús, ña kuu ra, ra ndikaxin Ndioxi sakaku na yuuvi yoꞌo, ra ra yoꞌo kuvi seꞌe Ndioxi va, ra na ^kandixa ñaꞌa, ra niꞌi va na ña kutiaku xiꞌin ra, ndia ndikaa ndikuꞌun.

San Juan 1:49

Ra saa ndikaꞌan ra Natanael kachi ra saa xiꞌin Jesús: ―Maestro, yoꞌo kuvi ndixa va ra kuu Seꞌe Ndioxi, ra yoꞌo kuvi tu ra kuu Rey na ñuu Israel va ―kachi ra xiꞌin ra.

Hebreos 12:22

Ra süvi ta kuꞌva nindoꞌo na ñuu Israel ke ^ndoꞌo ndo, saa chi ndoꞌo, ra nuu íin iku ña nani Sión, xiꞌin ñuu kaꞌnu ña kuu kuenda Tata yo Ndioxi, ra tiaku, va kuvi ña kuyachin ndo; ra ñuu kan, ra ñuu Jerusalén ña iyoo ndivi va kuvi ña; ra ikan, ra kuaꞌa ni na tatun Tata yo Ndioxi

1 Timoteo 3:15

ña vaꞌa na kundaa ini kun ndia kuꞌva ke xiniñuꞌu sa ndoꞌo na veꞌe Tata yo Ndioxi tu na kuachi yu. Ra ndoꞌo kuvi na kuu na veꞌe ñuꞌu Tata yo Ndioxi ra tiaku va, ra ^kuu tu ndo ndiee xaꞌa veꞌe ñuꞌu xiꞌin siꞌin va ña, saa chi ndakuiin ndo xaꞌa tuꞌun ña ndaa.

1 San Juan 5:20

Ra xa kundaa tu ini yo ña kixi ra kuu Seꞌe Tata yo Ndioxi va, ra ra kan kuvi ra taxi ña xini tuni yo ña vaꞌa na tandiaa yo kutaꞌan yo xiꞌin Tata yo Ndioxi, ra ndaa. Ra vichin, ra itaꞌan va yo xiꞌin Tata yo Ndioxi, ra ndaa, saa chi itaꞌan tu yo xiꞌin Tata yo Jesucristo ra kuu seꞌe va ra. Ra Tata yo Jesucristo kuvi ra kuu Tata yo Ndioxi, ra ndaa va, ra ra kan kuvi tu ra taxi ña kutiaku yo ndia ndikaa ndikuꞌun va.

2 Corintios 6:16

Ra nii veꞌe ñuꞌu kaꞌnu ña kuu kuenda Ndioxi tu küvi koo yuꞌu xiꞌin naꞌna ña kuu ndioxi ndii va. Ra yoo va kuvi na kuu veꞌe ñuꞌu kaꞌnu ña kuu kuenda Ndioxi, ra tiaku, ra saa kuvi tu ña kachi mii Ndioxi ta kachi ra suꞌva va: Koo yu xiꞌin na, ra kaka yu tiañu na; ra yuꞌu kuvi ra kuu Ndioxi na, ra na kan kuvi na kuu ñuu va yu, kachi ra.

2 Corintios 3:3

Ña kan ke ndoꞌo, ra ta iyoo tutu ña tiaa mii Cristo va ke iyoo ndo, ra ndataxi ra ndoꞌo ndaꞌa ndi. Ra süvi tutu ña ndikaꞌyu xiꞌin ndutia ra kaꞌyu kuvi ña nditiaa ra ña, chi xiꞌin Tachi Yii Ndioxi, ra tiaku va kuvi ña tiaa ra ña; ra nii süvi tu sata iin yuu ke nditiaa ra ña, chi nima va ndo ke tiaa ra ña.

Hechos 14:15

―¡Na taꞌan yo! ¿Nichuun kuni ndo ndasakaꞌnu ndo nduꞌu? Ra tiaa taꞌan mii va ndo kuvi ndi. Ra tuꞌun vaꞌa xaꞌa Jesús va ke vaxi ndi kaꞌan ndoso ndi nuu ndo, ra na ndakoo ndo chiñu kiꞌvi ña xa ndo, ra ndakundiko ndo Ndioxi ra tiaku, ra xavaꞌa ndivi xiꞌin ñuꞌu, xiꞌin tiañuꞌu, xiꞌin takundiꞌi ka ñaꞌa ña iyoo.

San Mateo 4:3

Saa ra kuyachin va timiaꞌa nuu ra ña ixtondoso ri ra, ra ndikaꞌan ri xiꞌin ra kachi ri saa: ―Tu ndixa seꞌe Ndioxi kuvi kun, ra kaꞌan xiꞌin yuu yoꞌo ra na nduu ña ixta kuxi kun ―kachi ri xiꞌin ra.

Hechos 8:36

Ra saa kuu ndia kuaꞌan ndia ichi kan, saa ra ndixaa va ndia iin nuu ndikaa tiakuii, ra saa ndikaꞌan tiaa kan kachi ra saa xiꞌin ra Felipe: ―Yoꞌo ndikaa tiakuii, ra a küvi tu ndikun na sakuchi va kun yuꞌu ―kachi ra xiꞌin ra.

San Juan 6:69

Ra nduꞌu, ra xa kandixa va ndi, ra kundaa ini ndi ña kuu kun Cristo, Seꞌe Ndioxi ra tiaku va ―kachi ra xiꞌin Jesús.

San Mateo 1:16

Ra seꞌe ra Jacob xikuu ra José, ra ndixiyo ìi̱ ña María, ra ña María yoꞌo kuvi ña sakaku Jesús, ra nani Cristo va.

San Mateo 16:15

Ra saa nindakatuꞌun ra ndia kachi ra saa: ―Ra ndoꞌo tu, ¿yo kuvi yuꞌu, tuvi ndo? ―kachi ra xiꞌin ndia.

San Lucas 2:11

Chi vichin kaku iin ra loꞌo ñuu Belén, nuu kaku ra rey David; ra ra loꞌo yoꞌo ku Cristo, ra kaꞌnu nuu yo, ra ra ndikaxin Ndioxi sakaku ndoꞌo kuvi ra.

San Juan 6:57

Ra Tata yo Ndioxi ra tiꞌvi yuꞌu vaxi yu, ra ra tiaku va kuvi ra, ña kan ke vaꞌa tiaku yu, ra yuvi na kaxi kuñu yuꞌu, ra kutiaku tu na kan va xiꞌin yu.

San Juan 6:68

Ra saa ndakuiin ra Simón Pedro kachi ra saa: ―Tata, ¿yoo nuu ka ke kuꞌun ndi? Ra xa tuꞌun ña kaꞌan kun ke taxi ña kutiaku va ndi.

2 Corintios 1:19

Saa chi Tata yo Jesucristo, ra kuu seꞌe Tata yo Ndioxi, ra kaꞌnu, ra kuëe kaꞌan vi ra kan ña “vaꞌa” iin too loꞌo, ra iin kani loꞌo tu xa ndakaꞌan ra ña “küvi” ka va. Ra ra kan kuvi ra kaꞌan ndoso ra Silvano xaꞌa nuu ndo, ra saa tu ra Timoteo, ra saa tu yuꞌu va. Ra takundiꞌi ña kaꞌan Tata yo Jesucristo, ra saxinu ndiꞌi va ra nuu ña.

Hebreos 3:12

Ra xaꞌa ña kan ke na kondiaa ni ndo mii ndo, ñani yo, ña vaꞌa na nduñäꞌa nima ndo, ra kuxika ña nuu Tata yo Ndioxi, ra tiaku, ra kuïin ka ndo kandixa ndo ra.

Hebreos 9:14

saa ra iyoo ni ka va ndiee nii Tata yo Jesucristo ña ndakatia ña nima yo, ra sandiꞌi ña xaꞌa chiñu kiꞌvi ña kuni yo sa yo, ña vaꞌa ndasakaꞌnu yo Tata yo Ndioxi, ra tiaku. Ra xiꞌin ndiee Tachi Yii ña kuëe ndiꞌi xaꞌa va kuvi ña ndisoko Tata yo Jesucristo mii ra nuu Tata yo Ndioxi xaꞌa kuachi yo. Ra vaꞌa ni ka va ra yoꞌo nuu takundiꞌi ñaꞌa ña ndisoko na, saa chi ndia nii loꞌo kuachi ra köo.

Apocalipsis 7:2

Ra xini tu yu kanata inka ra tatun Ndioxi, chi nuu ^kanata ñuꞌu, ra kuu mii ra tuni Ndioxi ra tiaku, ra ndiee ka vi ndikaꞌan ra xiꞌin kumi saa na tatun Ndioxi, na xa kuu mii ndiayu ña sandoꞌo na ñuꞌú yoꞌo, ra sa tu tiañuꞌu va.

Hechos 8:37

Saa ndakuiin ra Felipe kachi ra saa xiꞌin ra: ―Tu ndinuni vaꞌa kandixa kun saa ra kuvi va ―kachi ra. Ra saa ndakuiin tiaa kan kachi ra saa: ―Kandixa va yu Jesucristo ña kuu ra seꞌe Ndioxi ―kachi ra.