San Mateo 15:3 - Mixteco Metlatónoc

³ Ra saa ndakuiin ra kachi ra saa xiꞌin ndia: ―¿Nichuun xä toꞌo tu ndoꞌo ndiayu Ndioxi ña iyoo ndaꞌa ndo, ra iin ndakundiee va ndo ña ndikun ndo costumbre ña ndakoo na xii xikua ndo?

San Mateo 15:3 Referans Kwoze

Colosenses 2:23

Ra chiñu kan, ra ta iyoo ña vaꞌa, iyoo va ña, saa chi ^taxi ña xini yuvi ña na chikaa ni na ndiee ña sa na chiñu vaꞌa ña kaꞌan ña xaꞌa, ra ta xa saxinu na chiñu ña kaꞌan ña, ra vaꞌa ni va iyoo na nuu mii na tuvi na. Ra kaꞌan tu chiñu kan ña na sandoꞌo na iki kuñu va na. Ndi su chiñu kan, ra köo mii yaꞌvi ndiaa vi ña, saa chi küvi vi taxi ña ndiee na ña na sä ka na chiñu kiꞌvi ña kotoo ni kuñu na sa ña.

Colosenses 2:8

Ra na kondiaa ni ndo mii ndo nuu yuvi na kuni sandaꞌvi ndoꞌo xiꞌin tuꞌun ña köo yaꞌvi ndiaa. Saa chi na kan, ra süvi vi Cristo kuvi ra ndikun na, chi ña yunaꞌa yuvi ^xa va na va ke ndikun na, ra kandixa tu na tachi ndivaꞌa ña iyoo nuu ña yuuvi yoꞌo va.

San Marcos 7:13

Ra suꞌva ke ^xa tu ndo ña sandiꞌi ndo xaꞌa tuꞌun Ndioxi va xiꞌin costumbre ndo, chi costumbre ña sandaku mii ndo yoꞌo va ke ndiee ni ndasatoꞌo ndo, ra chiñu xaꞌndia Ndioxi sandiꞌi ndo xaꞌa va. Ra süvi takua ña yoꞌo ke ^xa ndo, chin kuaꞌa ni ka va ña xa ndo ―kachi Jesús xiꞌin na.

Tito 1:14

Ra na tiäa ka tu soꞌo na kuendo yata ña sandaku mii na judío va, ra nii na tiäa tu soꞌo na tuꞌun ña kaꞌan yuvi na kundasi tuꞌun ña ndaa va.

San Mateo 15:2

―¿Nichuun xä toꞌo ndia itaꞌan xiꞌin kun costumbre ña ndakoo na xikuaꞌa, ña kaꞌan, ña xiꞌna ka xiniñuꞌu ndaꞌa yo, ra saa kuxi yo? ―kachi ndia xiꞌin Jesús.

San Mateo 15:4

Ra na kundaa ini ndo, chi suꞌva va ke kachi Ndioxi xaꞌndia ra chiñu te yachi: “Na sa toꞌo kun iva kun, xiꞌin siꞌi kun”, ra “Na kaꞌan ñàꞌa xiꞌin iva, a xiꞌin siꞌi, ra ^ndikun na kuvi va na kan”, ^kachi ña.