San Mateo 15:26 - Mixteco Metlatónoc

²⁶ Saa ndakuiin Jesús kachi ra saa xiꞌin ña: ―Väꞌa kita ña, ña kindiaa yu ixta yuꞌu na kuachi, ra taxi yu ña ndaꞌa tina kuxi ri ―kachi ra xiꞌin ña.

San Mateo 15:26 Referans Kwoze

San Mateo 7:6

’Ra na täxi ndo ña yii ndaꞌa tina, chi koto ndikokuiin ri ra kaxi ri ndoꞌo; ra nii nuu kini na chikäa ndo ña vaꞌa, ña yaꞌvi ni, ña iyoo nuu ndo; chi koto kuꞌní xaꞌa ri ña ―kachi Jesús xiꞌin na.

Filipenses 3:2

Ra na kondiaa ndo mii ndo nuu na ndivaꞌa na ^xa chiñu kiꞌvi, na kaꞌan yo xaꞌa kuu “tina”, saa chi xa nduxa na xiꞌin tiaa ña na tiaꞌndia iki kuñu ndia, ña vaꞌa koo tuni Ndioxi iki kuñu ndia.

Efesios 2:12

Ra tiempo kan, ra ndixïyo vi Cristo xiꞌin ndo, ra ndixiyo xika tu ndo nuu na ñuu Israel va, ra nii ña kindoo Ndioxi xaꞌa kuvi ña ndikundäa ini ndo xaꞌa vi. Saa chi na iin saa kaa xindee va kuvi ndo, ra nii köo mii ñaꞌa ndixindiatu vi ndo ña chindiee taꞌan ña xiꞌin ndo, ra nii Ndioxi tu ndixïin xiꞌin vi ndo.

Gálatas 2:15

Ra na kundaa ni ndo, chi yuꞌu, xiꞌin sava ka ndia kuu judío, ra xa judío kuvi ndi ndia kivi kaku vi ndi, ra köo kuachi ndi ta kuꞌva iyoo inka yuvi na küu judío.

Apocalipsis 22:15

Ndi su chi keꞌe va tu kindoo yuvi na kuu tina, xiꞌin na tuꞌva na kuu na saka, xiꞌin tiaa ndia ^xa siki yasiꞌi, a na siꞌi na ^xa siki yii va tu, xiꞌin na xaꞌni ndii, xiꞌin na kañuꞌu ndioxi ña kuu naꞌna, xiꞌin takundiꞌi na kutoo ní sandaꞌvi yuvi ra ^xa na chiñu kiꞌvi.

Romanos 9:4

na kuu ndiseꞌe ra Israel, ra ndakiꞌin mani va Ndioxi na ña nduu na seꞌe ra. Ra ndiñaꞌa tu ra ndiee kaꞌnu ña kuu mii ra nuu va na, ra kindoo tu ra xiꞌin ra Abraham ña kuu ra xii xikua va na, ra taxi tu ra ndiayu ra ndaꞌa va na, ra sañaꞌa tu ra na ña ndasakaꞌnu na ra xiꞌin ndinuni nima va na, ra kindoo tu ra xiꞌin na ña taxi ra kuaꞌa ni ñaꞌa vaꞌa ndaꞌa va na.

San Mateo 15:25

Ra saa kuyachin ñaꞌa kan, ra ndakusiti ña nuu Jesús, ra ndikaꞌan ña xiꞌin ra kachi ña saa: ―¡Tata, chindiee taꞌan xiꞌin yu! ―kachi ña.

San Mateo 15:27

Saa ndakuiin ñaꞌa kan, kachi ña saa xiꞌin ra: ―Ña ndixa kuvi va ña kaꞌan kun, Tata, ndi su tina, ra ndia ikin vali ña koyo yuꞌu ixtoꞌo ri chi tixi mesa va ndakaya ri xixi ri ―kachi ña xiꞌin Jesús.