San Mateo 14:8 - Mixteco Metlatónoc

⁸ Ra te kundaa ini siꞌi ña loꞌo kuaan kan, ra saa chikaa yuꞌu ña ñá, ra saa ndikaꞌan ña loꞌo kuaan kan xiꞌin ra Herodes kachi ña saa: ―Kuni yu ña na kundikaa xini ra Juan ra sakuchi yuvi ini iin koꞌo ra taxi kun ña ndaꞌa yu ―kachi ña xiꞌin ra.

San Mateo 14:8 Referans Kwoze

San Marcos 6:24

Saa kanata ña ndixaꞌan ña ndindakatuꞌun ña siꞌi ña kachi ña saa: ―Nana, ¿ni ke vaꞌa nduku yu nuu ra ―kachi ña xiꞌin siꞌi ña. Saa ndakuiin siꞌi ña kachi ña saa xiꞌin ña: ―Nduku xi̱ni̱ ra Juan ra sandakuchi yuvi nuu ra ―kachi ña.

San Mateo 14:7

ra saa kindoo ra, ña taxi ra ndia ndia ka ñaꞌa ña nduku ña nuu ra ndaꞌa ña.

San Mateo 14:9

Ra te xini soꞌo ra rey Herodes tuꞌun kan, saa ra kusuchi ni ini ra, saa chi xini takundiꞌi va ndia ndee kan ña kindoo ra taxi ra ndia ndia ka mii ñaꞌa ña nduku ña loꞌo kan nuu ra ndaꞌa ña, ra xaꞌa ña kan ke ndinïꞌi ka ra ni ke sa ra, ndia saa ra xaꞌndia ra chiñu nuu ndia xachiñu nuu ra, ña na ndataxi ndia xini ra Juan ndaꞌa va ña.

San Mateo 14:11

Ra saa chikaa ndia xini ra Juan ini iin koꞌo, ra niꞌi ndia ña xaa ndia ndataxi ndia ndaꞌa ña loꞌo kuaan kan, ra saa ndixaꞌan ña ndataxi ña xini ra Juan ndaꞌa siꞌi va ña.

San Marcos 6:25

Saa ndikun xinu ña nandiko ña nuu ndúꞌu̱ ra Herodes, ra ndikaꞌan ña xiꞌin ra kachi ña saa: ―Kuni yu ndikun na kundikaa xini ra Juan ra sandakuchi yuvi ini iin ko̱ꞌo̱, ra taxi kun ña ndaꞌa yu ―kachi ña xiꞌin ra.

San Marcos 6:28

Saa ndakiꞌin ra soldado kan ndixaꞌan ra ini veꞌe kàà nuu ndikaa ra Juan, ra xaꞌndia ra sukun ra, ra niꞌi ra xini ra Juan ndikaa ña ini iin ko̱ꞌo̱ xaa ña xiꞌin ra, ra ndataxi ra ña ndaꞌa ña loꞌo kuaan kan, ra saa ke̱e ña loꞌo kan ndixaꞌan ña ndiaka ña ña ndaꞌa siꞌi ña.