San Mateo 13:44 - Mixteco Metlatónoc

⁴⁴ Ra saa ndikaꞌan Jesús inka tuꞌun ndichi xiꞌin na kachi ra saa: ―Ichi nuu xaꞌndia Ndioxi chiñu, ra ta kuꞌva iyoo iin ñaꞌa ña ndiaa yaꞌvi ni ña ndikaa seꞌe iin iku va ke, iyoo ña. Ra te ^ndaniꞌi iin tiaa ña, ra saa ndatiseꞌe tuku va ra ña nuu ndaniꞌi ra ña; ra kusii ka vi ini ra, ra saa ndakiꞌin ra kuanuꞌu ra, ra xaꞌa ra ixiko ra takundiꞌi ñaꞌa ña iyoo nuu ra, ra saa ndasata ra iku kan ―kachi Jesús xiꞌin na.

San Mateo 13:44 Referans Kwoze

Colosenses 2:3

Saa chi ndaꞌa Tata yo Jesucristo kuvi ña iyoo takundiꞌi va ña kuika ña kuu ña ndichi, xiꞌin ña xinituni, ña kumani nuu yo.

San Lucas 14:33

Ra mii saa ke iyoo tu ña yoꞌo va, saa chi tu na ndaköo ndo takundiꞌi ñaꞌa ña kuu mii ndo, saa ra kuchüun vi ndo ña kundikun ndo yuꞌu ―kachi Jesús xiꞌin na.

San Mateo 6:21

Saa chi nuu ^chivaꞌa ndo ña kuika ña kuu mii ndo, ra ikan ke koo tu nima va ndo ―kachi Jesús xiꞌin na.

San Mateo 19:29

Ra takundiꞌi yuvi, na ndakoo veꞌe, na ndakoo ñani, na ndakoo kuꞌva, na ndakoo siꞌi, na ndakoo iva, na ndakoo yasiꞌi, na ndakoo seꞌe, na ndakoo ñuꞌú, xaꞌa ña ndikun na yuꞌu, ra na kan, ra iin ciento ka va nduu ña ndakiꞌin na sa Ndioxi, ra niꞌi tu na ña kutiaku na xiꞌin Ndioxi ndia ndikaa ndikuꞌun va.

Apocalipsis 3:18

Ña kan ke ^taxi yu xini kun vichin, ra nuu yuꞌu ke na sata kun yuu oro ña ndinuu ndiyaꞌa nuu xixi ñuꞌu, ra saa ke na kuu kun ra kuika ndixa, ra nuu yuꞌu ke, na sata kun tikoto yaa ña kundixi kun, ña vaꞌa na kukäꞌan ka nuu kun ña xika yala kun, ra ná chikaa kun ndutia ra kée nuu na nuu kun, ra vaꞌa na ndakotoꞌni kaxi kun.

San Mateo 19:27

Saa ndikaꞌan ra Pedro xiꞌin Jesús kachi ra saa: ―Tata, nduꞌu, ra ni ke niꞌi ndi, chi ndakoo ndiꞌi va ndi ñaꞌa ña kuu mii ndi, ra ndakundikun ndi yoꞌo xika ndi xiꞌin kun ―kachi ra.

San Mateo 19:21

Ra saa ndakuiin Jesús kachi ra saa xiꞌin ra: ―Tu kuni kun ña kuu kun iin tiaa ra ndaku, saa ra kuaꞌan ra xiko kun takundiꞌi ñaꞌa ña iyoo nuu kun, ra saniꞌi kun xuꞌun na ndaꞌvi, ra saa ke kuu kun ra kuika ndivi nuu xaꞌndia Ndioxi chiñu, ra te ndiꞌi saa na kixi kun ra kundikun kun yuꞌu ―kachi Jesús xiꞌin ra.

Romanos 15:4

Ra takundiꞌi tuꞌun Ndioxi ña tiaa na xinaꞌa, ra ña tiaa na sakuaꞌa yoo va kuvi ña. Saa chi tuꞌun Ndioxi kuvi ña chindiee taꞌan xiꞌin yo ña taxi ña ndiee yo ña ^xa ndiee ini yo, ra taxi tu ña tuꞌun ndiee ini ndaꞌa va yo, ña vaꞌa ndiatu ini yo niꞌi yo ñaꞌa ña kindoo Ndioxi xaꞌa xiꞌin yo.

San Mateo 13:24

Saa ndikaꞌan ka Jesús inka tuku tuꞌun ndichi xiꞌin na kachi ra saa: ―Ichi nuu xaꞌndia Ndioxi chiñu, ra ta kuꞌva iyoo iin tiaa ra ndixaꞌan chiꞌi nuni trigo ña vaꞌa iin nuu ñuꞌu ke iyoo ña.

Hebreos 10:34

Ra kusuchi ni tu ini ndo xiꞌin na xindoꞌni veꞌe kàà va. Ra te kindiaa na chiñu takundiꞌi ñaꞌa ña kuu mii ndo, ra xiꞌin ña kusii ini va ndo ndataxi ndo ña ndaꞌa na. Saa chi xa kundaa va ini ndo ña vaꞌa ni ka va ñaꞌa ña niꞌi ndoꞌo vaxi kii, ra ñaꞌa ña niꞌi ndo kan, ra ndia ndikaa ndikuꞌun va ke koo ña nuu ndo.

San Juan 6:35

Ra saa ndikaꞌan Jesús xiꞌin na kachi ra saa: ―Yuꞌu kuvi ra kuu ixta ña ^taxi ña kutiaku yuvi. Ra na vaxi nuu yuꞌu, ra ndia nii ka kii käꞌun ini na, ra na kandixa yuꞌu, ra ndia nii ka tu kii ïchi ini na tiakuii va.

Colosenses 3:16

Ra tuꞌun mii Tata yo Cristo, na koo nima ndo iin takundiꞌi kii. Ra na sakuaꞌa taꞌan ndo, ra na ndachikaa tu ndo tuꞌun ndiee ini xiꞌin taꞌan va ndo, xiꞌin takundiꞌi ña ndichi ña taxi Tata yo Ndioxi. Ra na kata ndo takundiꞌi nuu yaa yii, ña ndataxi ndo tixaꞌvi ndaꞌa Tata yo Ndioxi xiꞌin ndinuni nima ndo.

San Mateo 13:46

Ra te ^ndaniꞌi ra yuu ña yaꞌvi ni kan, ra saa ndakiꞌin ra kuanuꞌu ra, ra xaꞌa ra ixiko ra takundiꞌi ñaꞌa ña iyoo nuu ra, ra saa ndasata ra yuu ña yaꞌvi ni kan ―kachi Jesús xiꞌin na.

San Mateo 13:47

Ra saa ndikaꞌan Jesús inka tuꞌun ndichi xiꞌin na kachi ra saa: ―Ichi nuu xaꞌndia Ndioxi chiñu, ra ta kuꞌva iyoo ñunu ña chikaa na ini mini ra sakakuꞌun ña takundiꞌi va nuu tiaka, saa iyoo ña.