San Mateo 13:34 - Mixteco Metlatónoc

³⁴ Ra takundiꞌi ña sañaꞌa Jesús na, ra niña xiꞌin tuꞌun ndichi taꞌan ña yoꞌo va ke xiniñuꞌu ra ña sañaꞌa ra na. Ra ndia nii ichi ndisañäꞌa ra na ña iin saa koo sañaꞌa ra na, chi niña xiꞌin tuꞌun ndichi va ke sañaꞌa ra na.

San Mateo 13:34 Referans Kwoze

San Juan 16:25

Ra ndikaꞌan Jesús xiꞌin ndia itaꞌan xiꞌin ra kachi ra saa: ―Takundiꞌi tuꞌun ña xa ndikaꞌan yu xiꞌin ndo, ra xiꞌin tuꞌun ndichi va ndikaꞌan yu ña; ndi su vaxi kii ra käꞌan ka yu tuꞌun ndichi xiꞌin ndo, chi kaxi kaxi va kaꞌan yu xiꞌin ndo xaꞌa Tata yu Ndioxi.

San Mateo 13:13

Xaꞌa ña kan ke xiꞌin tuꞌun ndichi va kaꞌan yu xiꞌin na; ra vaꞌa ni ixtoꞌni tieꞌe va na, ndi su küni na, ra vaꞌa ni tiaa soꞌo va na ña kaꞌan yu xiꞌin na, ndi su küni soꞌo na, ra nii kundäa tu ini va na ni ke kaꞌan yu xaꞌa.

San Mateo 13:3

Saa ra kuaꞌa ka vi ña xaꞌa ra sañaꞌa ra na, ra niña xiꞌin tuꞌun ndichi ke sakuaꞌa ra na, ra saa ndikaꞌan ra iin tuꞌun ndichi xiꞌin na kachi ra saa: ―Saa kuu, ra kee iin ra chiꞌi kuaꞌan ra chiꞌi ra itu trigo ñuꞌu ra.

San Juan 10:6

Ra xiꞌin tuꞌun ndichi yoꞌo ke ndikaꞌan Jesús xiꞌin na, ndi su ndikundäa ini na, ni ke kuni kachi ña.

San Juan 16:29

Ra saa ndikaꞌan ndia itaꞌan xiꞌin Jesús kachi ndia saa xiꞌin ra: ―Vichin, ra kaxi ni va kaꞌan kun xiꞌin ndi, ra nii xiniñüꞌu ka kun tuꞌun ndichi vi.