San Mateo 13:27 - Mixteco Metlatónoc

²⁷ Ra saa ndakiꞌin ndia ndixaꞌan ndia, ra ndikaꞌan ndia xiꞌin ra kachi ndia saa: “Tata, ¿a su niña nuni trigo, ña vaꞌa va kuvi ña chiꞌi kun nuu ñuꞌu kun? ¿Ra nichuun tu nindutia iku ñaꞌa xiꞌin ña?”, kachi ndia xiꞌin ra.

San Mateo 13:27 Referans Kwoze

Romanos 16:17

Ra vichin xaku ndaꞌvi yu nuu ndo ñani yo, kuꞌva yo, ña na kundiaa ndo mii ndo nuu yuvi na taꞌvi chiñu, ra kuni tu na ña sandakava na ndoꞌo va, saa chi na ^xa saa ra na kanduu va kuvi na tuꞌun Ndioxi, ña xa sakuaꞌa ndo. Ra xaꞌa ña kan ke na kutäꞌan ndo xiꞌin na,

2 Corintios 6:1

Ra xaꞌa ña kuu ndi ndia xachiñu nuu Ndioxi va kuvi ña xaku ndaꞌvi ndi nuu ndo, ña vaꞌa na kundäsi ndo ña vaꞌa ña ^taxi Ndioxi ndaꞌa ndo.

2 Corintios 6:4

Ra xaꞌa ña kan ke ndañaꞌa ndi mii ndi ña xa iyoo nduvi va ndi ña sa ndi takundiꞌi va chiñu ña kuni Ndioxi, xiꞌin chiñu ña xa ndi, ta kuu ña xa ndiee ini ndi, xiꞌin takundiꞌi ña ndoꞌo ni ini ndi, xiꞌin tundoꞌo, xiꞌin ña xamani ñaꞌa nuu ndi, ra saa tu xiꞌin ña uꞌvi ña ^ndoꞌo va ndi.

1 Corintios 16:10

Ra tu na xaa ra Timoteo nuu ndo, ra vivii va na ndakiꞌin ndo ra, ra saa ke vaꞌa na kusii ini ra koo ra xiꞌin ndo, saa chi ta kuꞌva iyoo yuꞌu ña xika yu chiñu nuu Tata yo Jesucristo ke iyoo tu ra kan va.

Santiago 4:4

Ndoꞌo, ra süvi na kuꞌvi ini xini Tata yo Ndioxi kuvi ndo, saa chi ra xa siki va ndo kuvi ra. Ra xa kundaa va ini ndo, chi ña itaꞌan mani yuvi xiꞌin ña yuuvi yoꞌo, ra na kanitaꞌan va kuvi na xiꞌin Tata yo Ndioxi, saa chi ña ndakutoo na ña yakua iyoo nuu ña yuuvi yoꞌo, ra na kanitaꞌan xiꞌin va ra nduu na.

San Mateo 13:25

Ra te ndiꞌi, saa ra kuñuu va, ra te xa ndikixi takundiꞌi na, ra saa xaa iin ra sáa̱̱ ini, ra chiꞌi ra ndikin iku ñàꞌa tiañu tata trigo kan, ra ndakiꞌin ra kuaꞌan va ra.

San Mateo 13:26

Ra te ndixinu itu trigo kan ña xa kuyoko ña, ra saa ndixinu tu iku ñàꞌa kan va, ra saa xini va ndia xachiñu nuu ra kuu ixtoꞌo ñuꞌu kan.

San Mateo 13:28

Saa ndikaꞌan ra ixtoꞌo ñuꞌu kan kachi ra saa xiꞌin ndia: “Iin ra sáa̱̱ ini xini yuꞌu va kuvi ra ndixaꞌan chiꞌi iku ñàꞌa kan”, kachi ra. Ra saa ndikaꞌan ndia xachiñu nuu ra kachi ndia saa xiꞌin ra: “Tata, ¿a kuni kun, tu na kuꞌun ndi ra tuꞌun ndi iku ñàꞌa kan?”, kachi ndia xiꞌin ra.

San Mateo 20:1

Saa ndikaꞌan ka Jesús iin tuꞌun ndichi xiꞌin na kachi ra saa: ―Kuꞌva ña xachiñu Ndioxi ra inuu va ña xiꞌin chiñu ña xa iin ra tata, ra chiꞌi teꞌe uva nuu iin ñuꞌu ña kuu mii ra, ra saa kuu ñaꞌa ka vi kee ra iin kii kuaꞌan ra, ña nduku ra na sachiñu nuu ra.