San Mateo 13:24 - Mixteco Metlatónoc

²⁴ Saa ndikaꞌan ka Jesús inka tuku tuꞌun ndichi xiꞌin na kachi ra saa: ―Ichi nuu xaꞌndia Ndioxi chiñu, ra ta kuꞌva iyoo iin tiaa ra ndixaꞌan chiꞌi nuni trigo ña vaꞌa iin nuu ñuꞌu ke iyoo ña.

San Mateo 13:24 Referans Kwoze

San Mateo 25:1

Saa ndikaꞌan Jesús iin tuꞌun ndichi xiꞌin ndia itaꞌan xiꞌin ra kachi ra saa: ―Ta kuꞌva ndoꞌo uxi na siꞌi vali kuaan, saa ke ^kuu, xiꞌin ichi nuu xaꞌndia Ndioxi chiñu. Na siꞌi vali kuaan na uxi kan, ra kiꞌin na ñaꞌa, nuu ñúꞌu ndutia xaꞌan ra kutuun nuu na, ña vaꞌa kuꞌun na ndakiꞌin na ra tandaꞌa kan.

San Mateo 20:1

Saa ndikaꞌan ka Jesús iin tuꞌun ndichi xiꞌin na kachi ra saa: ―Kuꞌva ña xachiñu Ndioxi ra inuu va ña xiꞌin chiñu ña xa iin ra tata, ra chiꞌi teꞌe uva nuu iin ñuꞌu ña kuu mii ra, ra saa kuu ñaꞌa ka vi kee ra iin kii kuaꞌan ra, ña nduku ra na sachiñu nuu ra.

San Mateo 13:47

Ra saa ndikaꞌan Jesús inka tuꞌun ndichi xiꞌin na kachi ra saa: ―Ichi nuu xaꞌndia Ndioxi chiñu, ra ta kuꞌva iyoo ñunu ña chikaa na ini mini ra sakakuꞌun ña takundiꞌi va nuu tiaka, saa iyoo ña.

San Mateo 22:2

―Kuꞌva ña xachiñu Ndioxi, ra inuu va ña xiꞌin chiñu ña xa iin rey ra xakin viko tandaꞌa, ña satandaꞌa ra tiaa loꞌo seꞌe ra.

San Mateo 13:37

Ra saa ndakuiin ra kachi ra saa xiꞌin ndia: ―Suꞌva va ke kuni kachi ña: ra chiꞌi nuni trigo kan ku yuꞌu ra xaa yoꞌo va;

San Lucas 13:20

Ra saa ndikaꞌan tuku Jesús kachi ra saa: ―¿Ndia ña ke kuvi chinuu yu xiꞌin nuu xaꞌndia Ndioxi chiñu?

San Lucas 13:18

Ra saa ndikaꞌan Jesús inka tuku tuꞌun ndichi xiꞌin na kachi ra saa: ―¿Ndia ña ke inuu xiꞌin ichi nuu xaꞌndia Ndioxi chiñu, ra ndia ñaꞌa ke kuvi chinuu yu xiꞌin ña?

San Mateo 13:33

Ra saa ndikaꞌan ka Jesús inka tuku tuꞌun ndichi xiꞌin na kachi ra saa: ―Ichi nuu xaꞌndia Ndioxi chiñu, ra ta kuꞌva iyoo loꞌo ixan iyá ña kavanuu iin ñaꞌa xiꞌin kuaꞌa ni ixan ixtavaꞌa va ke, iyoo ña. Chi vaꞌa ni loꞌo ni va kuvi ixan iyá ña chikaa ña xiꞌin ña, ra kuchuun va ña, ña sandanañu ña ña, ra kuaꞌa ka vi nduu ña ―kachi Jesús xiꞌin na.

1 San Pedro 1:23

Ra ña ndakaku xaa ndo vichin, ra süvi ka seꞌe na yuuvi yoꞌo kuvi ndo, saa chi na yuuvi yoꞌo ra xiꞌi va na, ra vichin ra xa xiꞌin tuꞌun Tata Ndioxi va kuvi ña ndakaku ndo, ra tuꞌun Tata yo Ndioxi ra ndia ndikaa ndikuꞌun va ke koo ña.

San Mateo 13:31

Saa ndikaꞌan Jesús inka tuku tuꞌun ndichi xiꞌin na kachi ra saa: ―Ichi nuu xaꞌndia Ndioxi chiñu, ra ta kuꞌva iyoo iin ndikin loꞌo ña nani mostaza ña ndixaꞌan iin tiaa chiꞌi ra nuu ñuꞌu va ra ke, iyoo ña.

San Mateo 18:23

Saa ndikaꞌan Jesús iin tuꞌun ndichi xiꞌin ndia kachi ra saa: ―Kuꞌva ña xachiñu Ndioxi ra inuu va ña xiꞌin chiñu ña xa iin ra rey, ra ndasayukun kuenda xiꞌin ndia xachiñu nuu ra.

San Mateo 13:19

Yuvi na xini soꞌo tuꞌun ña kaꞌan xaꞌa ichi nuu xaꞌndia Ndioxi chiñu, ra kundäa ini na ni ke kuni kachi ña, saa ra xaa ti ndivaꞌa tava ri ña nima va na, ra naa ini va na xaꞌa ña. Ra na yoꞌo kuvi na iyoo ta kuꞌva iyoo nuni vali ña ndikoyo yachin yuꞌu ichi.

San Mateo 3:2

ra kachi ra saa: ―Nandiko ini ndo xaꞌa kuachi ndo, ra ndakiꞌin ndo ichi Ndioxi, chi xa kuyachin ni ña kaꞌndia Ndioxi chiñu ―*kachi ra.

San Mateo 21:33

Saa ndikaꞌan Jesús xiꞌin na kachi ra saa: ―Tiaa soꞌo ndo na ndatuꞌun yu inka tuku tuꞌun ndichi xiꞌin ndo kachi ra: Suꞌva ndoꞌo iin tiaa, ra ndataan teꞌe uva iin nuu ñuꞌu kaꞌnu, ra chikaa tu ra korra yuu va nuu ñuꞌu kan, ra kaan tu ra yavi sata kava nuu kuꞌni na uva va, ra saa xavaꞌa tu ra iin veꞌe sukun nuu kundee na kondiaa teꞌe uva kan va. Ra te ndiꞌi, saa satatu ra ña inka yuvi, ra ndakiꞌin ra kuaꞌan ra inka ñuu xika va.

San Mateo 4:23

Ra iinii kuvi chi Galilea ^xika Jesús sañaꞌa ra yuvi ta veꞌe ñuꞌu ta veꞌe ñuꞌu, ra ^kaꞌan ndoso ra tuꞌun Ndioxi nuu na, ña ^sañaꞌa ra na xaꞌa ichi nuu xaꞌndia chiñu Ndioxi, ra sandaꞌa ra takundiꞌi yuvi na xiꞌi, ndia ndia ka mii nuu kueꞌe va.

Colosenses 1:5

Ra ña ^xa ndo suꞌva, ra xaꞌa ña ndiaa ini ndo ndakiꞌin ndo ñaꞌa ña iyoo nduvi xaꞌa ndo ndivi ninu va kuvi ña. Ra ña vaꞌa ndiaa ini ndo ndakiꞌin ndo ñaꞌa kan, ra xaꞌa ña xini soꞌo ndo tuꞌun ña ndaa, ña kuu tuꞌun vaꞌa xaꞌa Tata yo Jesucristo va kuvi ña.

San Mateo 13:25

Ra te ndiꞌi, saa ra kuñuu va, ra te xa ndikixi takundiꞌi na, ra saa xaa iin ra sáa̱̱ ini, ra chiꞌi ra ndikin iku ñàꞌa tiañu tata trigo kan, ra ndakiꞌin ra kuaꞌan va ra.