San Mateo 13:15 - Mixteco Metlatónoc

¹⁵ Saa chi yuvi yoꞌo: ra ña xinuꞌni va ke xinituni na, saa chi ^ndasi na soꞌo na, ra ^ndasi tu na nuu va na, ña na küni na, ra nii na küni tu soꞌo va na, ra na ndasäma na mii na, saa ra kundäa ini na xiꞌin ña xini na, ra küni tu soꞌo va na ña kaꞌan yu xiꞌin na, ra nii na nandïko na nuu yu, ña sandaꞌa yu na, kachi Ndioxi, kachi ra Isaías.

San Mateo 13:15 Referans Kwoze

San Marcos 4:12

Ra vaꞌa ni ixtoꞌni tieꞌe va na, su ndi kundäa ini na xiꞌin ña, ra nii xini soꞌo va na, su ndi ndakïꞌin xini na xiꞌin ña, ra saa ke na kuïin na ndandiko ini na xaꞌa kuachi na nuu Ndioxi, ra sakäꞌnu ini ra xaꞌa na ―kachi Jesús xiꞌin na.

Hebreos 5:11

Ra iyoo ni ka va ña ndatuꞌun ndi xiꞌin ndo xaꞌa ra sutu ra kuchee, ra xinani Melquisedec yoꞌo, ndi su uꞌvi ni va kundaa ini ndo xiꞌin ña saa chi kuëe xiin ndo ña tiaa soꞌo ndo tuꞌun Tata yo Ndioxi.

2 Timoteo 4:4

Ra ndakoo va na tuꞌun vaꞌa xaꞌa Tata yo Jesucristo, ra ndakundikun na tuꞌun chiꞌña, ña köo yaꞌvi ndiaa va.

Hechos 7:57

Saa ra iin ndasi ndaꞌa ndiꞌi va na soꞌo na, ra ndiee ka vi ndaꞌyu na, ra iin ndikati na tiin na ra.

Apocalipsis 22:2

Ra yáꞌa ra kuaꞌan ra maꞌñu yaꞌya kaꞌnu ñuu chee kan, ra uvi saa xiyo yuꞌu itia kan ndita itun kuii tu taxi ña kutiaku yuvi, ra uxi uvi ichi ke ^kuun kuiꞌi ndaꞌa nu iin kuiya, saa chi ta yoo, ta yoo va ke kuun kuiꞌi kan ndaꞌa nu, ra xiꞌin iku ndaꞌa nu ke ^kutatan takundiꞌi na yuuvi.

Hechos 3:19

Ra xaꞌa ña kan ke na nandiko ini ndo xaꞌa kuachi ndo, ra ndakundikun ndo Ndioxi, ra saa ke sandiꞌi ra xaꞌa kuachi ndo. Ra taxi ra ndakindiee ndo,

San Lucas 19:42

Ra saa ndikaꞌan ra kachi ra saa: ―¡Tu ndo xiin vi kuvi ndo ña ndakiꞌin xini ndo, saa ra kundaa va ini ndo ña kuni Ndioxi sa ra ña vaꞌa xiꞌin ndo! Ndi su xïin ndo. Ra ña kan ke iyoo seꞌe va ña vaꞌa kuni Ndioxi sa ra xiꞌin ndo.

Hechos 28:27

Saa chi nima ndo, ra xa ña ndutieꞌe va kuvi ña, ra ndasi tu soꞌo va ndo, ña kan ke xïni ka soꞌo ndo, ra ndasi tu nuu va ndo; ña kan ke xïni kan ndo, Ra nii kuëe xini kaxi tu soꞌo va ndo, Ra ni na kuïin ndo nandiko ndo nuu yu, ra sandaꞌa yu ndoꞌo, kachi ra Isaías ―*kachi ra Pablo xiꞌin ndia judío taꞌan ra.