San Mateo 12:44 - Mixteco Metlatónoc

⁴⁴ Saa ra kaꞌan ña xiꞌin mii ña kachi ña saa: “Vaꞌa ka va na nandiko yo veꞌe chi nuu kee yo”, kachi ña. Ra saa te nandiko ña ndaxaa ña nuu ndixiyo ña, ra ndia nii ka ñaꞌa köo veꞌe kan, ra vaꞌa ka vi ndatiꞌvi na, ra vii ka vi nduu veꞌe kan xa na.

San Mateo 12:44 Referans Kwoze

1 San Juan 4:4

Ndi su ndoꞌo, ra kuenda Tata yo Ndioxi va kuvi ndo, ñani yo. Saa chi xa xatiaa tu ndo nuu yuvi na kanitaꞌan xiꞌin Tata yo Jesucristo va; saa chi Tata yo Ndioxi ra iyoo xiꞌin ndo, ra kaꞌnu ni ka va ra kan nuu timiaꞌa ri iyoo xiꞌin na yuuvi yoꞌo.

1 San Juan 2:19

Ra yuvi na kaꞌan yo xaꞌa yoꞌo, ra xiꞌin va yo ke xitaꞌan na te yachi, ra vichin, ra ndakoo va na ña ndikun na Tata yo Jesucristo, ndi su mii ña ndaa, ra süvi ndixa na ndixindikun Tata yo Jesucristo vi kuvi na, saa chi tu ndixa na ndixindikun Tata yo Jesucristo kuvi na, ra xiꞌin va yo ke kitaꞌan na. Ndi su xaꞌa ña ndixïin na kitaꞌan na xiꞌin yo, ra ña vaꞌa na kundaa ini yo xaꞌa na ña kuëe ndikun na Tata yo Jesucristo va kuvi ña.

1 Corintios 11:19

Ra ña xani ini ndoꞌo ke ¡ndiakua xiniñuꞌu ndataꞌvi taꞌan ndo, ra saa vi ke vaꞌa ndañaꞌa ndo mii ndo, yoo kuvi ndo ndinuni ndikun ichi Ndioxi!

Efesios 2:2

ña xa ndo, ra chiñu ña ^xa na yuuvi yoꞌo va kuvi ña xa ndo, ra xa tu ndo chiñu ña kuni ri kuchee, ri xaꞌndia chiñu nuu takundiꞌi tachi ndivaꞌa, ri taxi xini yuvi ña xïin na kandixa na Ndioxi va.

San Juan 13:27

Saa kiꞌin ra Judas ixta kan xixi ra, ra saa kuu ndia ndee ndia, saa ra ndikiꞌvi va timiaꞌa ini ra. Ra saa ndikaꞌan Jesús xiꞌin ra kachi ra saa: ―Chiñu ña kuni kun sa kun, ra kama ni ka na sa va kun ña ―kachi ra.

San Juan 13:2

Ra saa kuu, ra ndakunduꞌu Jesús xiꞌin ndia itaꞌan xiꞌin ra ña kuxini ndia, ra xa chikaa yuꞌu va timiaꞌa ra Judas Iscariote, seꞌe ra Simón, ña ndataxi ra Jesús ndaꞌa na saa ini.

San Juan 12:6

Ndi su süvi ndixa xaꞌa na ndaꞌvi ke ndiꞌi ini ra ña ndikaꞌan ra tuꞌun yoꞌo; saa chi xaꞌa ña kuni ra xuꞌun va ke kachi ra saa; chi ra kan kuvi ra xindiso xuꞌun, ra ikan tava seꞌe ra loꞌo ña, ña kan ke kachi ra saa.

San Mateo 12:29

’Ra na kundaa ini ndo vichin: ¿Ndixaa sa iin yuvi ña vaꞌa kiꞌvi na veꞌe iin tiaa ra ndaku ni ña sakuiꞌna na ñaꞌa ra, tu na chikätun na ra, tuvi ndo? Su xiꞌna ka va xiniñuꞌu katun na ra, ra saa vi ke kuvi kiꞌvi na veꞌe ra ña sakuiꞌna na.

San Mateo 12:43

Ra saa ndikaꞌan ka Jesús xiꞌin ndia, kachi ra saa: ―Ta kee tachi ndivaꞌa ini iin yuvi ra suꞌva va ke xa ña: ^kee ña ra ndakiꞌin ña kuaꞌan ña iinii kuvi iku yuu, chi nuu köo ndia nii ñaꞌa, nuu ichi ní, ña xika nduku ña nuu koo ña ndakindiee ña, ndi su ndanïꞌi ka ña nuu koo ña.

San Mateo 12:45

Ra saa ^ndakiꞌin tuku tachi ndivaꞌa kan kuaꞌan ña, ra ^nanduku ña inka uxa nuu tachi ndivaꞌa, ña kini ni ka nuu mii ña ^xaa xiꞌin ña, ra saa ^nandee takundiꞌi ña ini veꞌe kan, ña koo ña. Saa ra yuvi na ndoꞌo saa ña xindikaa tachi ndivaꞌa ini na, ra na ndiee ka ndasa va kuvi na, nuu ña ndixiyo na ta yachi. Ra suꞌva ke ndoꞌo tu yuvi ndivaꞌa, na ndee tiempo vichin va ―kachi Jesús xiꞌin ndia.

San Lucas 11:25

Saa ra kaꞌan ña xiꞌin mii ña kachi ña saa: “Vaꞌa ka va na nandiko yo veꞌe chi nuu kee yo”, kachi ña. Ra saa te nandiko ña ndaxaa ña nuu ndixiyo ña, ra ndia nii ka ñaꞌa köo veꞌe kan, ra vaꞌa ka vi ndatiꞌvi na, ra vii ka vi nduu veꞌe kan xa na.