San Mateo 12:25 - Mixteco Metlatónoc

²⁵ Ra kundaa va ini Jesús ña ndakani ini ndia, ra saa ndikaꞌan ra xiꞌin ndia kachi ra saa: ―Takundiꞌi ñuu naꞌnu ña kanitaꞌan xiꞌin taꞌan mii, ra kuchüun vi ña koo ña, chi ndiꞌi va xaꞌa ña; ra saa tu iin ñuu va, a iin veꞌe va tu, saa chi tu na xaꞌa na kanitaꞌan na xiꞌin taꞌan mii na, saa ra kuchüun na koo vi na chi ndiꞌi va xaꞌa na.

San Mateo 12:25 Referans Kwoze

Gálatas 5:15

Ndi su tu na kanitaꞌan, a na satakueꞌe taꞌan va kuvi ndo, ra na kundaa ini ndo, chi na sandiꞌi xaꞌa taꞌan mii va kuvi ndo.

1 Corintios 2:11

Ra na kaꞌan yu iin ña xiꞌin ndo ra kundaa ini ndo, ndia nii yuvi, ra kundäa ini na, ni ke xani ini inka yuvi, saa chi takua tachi ña kuu mii va na ke kundaa ini xaꞌa ña xani ini na. Ra saa ke iyoo tu Ndioxi va, chi takua Tachi Yii va ra ke kundaa ini xaꞌa ña xani ini ra.

San Mateo 9:4

Ndi su kundaa va ini Jesús ña ndakani ini na, ra saa ndikaꞌan ra xiꞌin na kachi ra saa: ―¿Nichuun kiꞌvi ni ndakani ini ndo?

Apocalipsis 16:19

Ra ñuu chee kaꞌnu Babilonia ra uni nindata ña, ra takundiꞌi ñuu naꞌnu ña iyoo nuu ña yuuvi, ra ndiꞌi yaa va xaꞌa ña. Ra taxi Ndioxi tundoꞌo ñaꞌa ndaꞌa ñuu chee kaꞌnu Babilonia kan, saa chi ñúꞌu va ini ra xaꞌa chiñu kiꞌvi ña xa na nuu ra.

Hebreos 4:13

Ra takundiꞌi ñaꞌa ña xavaꞌa Tata yo Ndioxi, ra ndia nii ña kuchüun tiseꞌe nuu ra; saa chi iyoo yala takundiꞌi va ña nuu ra, ra xini ra takundiꞌi va ña. Ra nuu ra kan kuvi ña ndataxi yo xaꞌa takundiꞌi va chiñu ña xa yo.

San Marcos 2:8

Saa ra ndikun kundaa va ini Jesús ña ndakani ini na, ra ndikaꞌan ra xiꞌin na kachi ra saa: ―¿Nichuun ndakani ini ndo ña köo ichi yu sa yu ña yoꞌo?

Apocalipsis 2:23

Ra kaꞌni ndiꞌi yu na kuvi seꞌe ña; ra saa ke kundaa ini takundiꞌi na veꞌe ñuꞌu ña yuꞌu kuvi ra kundaa ini xaꞌa takundiꞌi ña ndikaa xini na, xiꞌin ña ndikaa nima na. Ra ta kuꞌva iyoo chiñu ña ^xa ndo saa ke koo tu yaꞌvi va ndo.

San Juan 21:17

Saa ra nindakatuꞌun tuku va Jesús ra Pedro, ichi ña uni, kachi ra saa xiꞌin ra: ―Simón, seꞌe ra Jonás, ¿a kuꞌvi ni ini kun xini kun yuꞌu? ―*kachi ra. Saa ra kusuchi va ini ra Pedro, ña xa ndixinu uni ichi ndakatuꞌun Jesús ra, xaꞌa ña, a kuꞌvi ini ra xini ra ra. Ra saa ndakuiin ra, kachi ra saa: ―Tata, mii kun kuvi ra kundaa ini xaꞌa takundiꞌi va ña, ra kundaa va ini kun, ña kuꞌvi ni va ini yu xini yu yoꞌo ―*kachi ra xiꞌin Jesús. Ra saa ndikaꞌan Jesús xiꞌin ra, kachi ra saa: ―Saa ra kondiaa ndikachi vali sana yu ―*kachi ra.