San Mateo 12:18 - Mixteco Metlatónoc

¹⁸ Koto ndo, chi ra yoꞌo kuvi ra xachiñu nuu yu, ra ndikaxin yu; ra kuꞌvi ni ini yu xini yu ra, ra kusii ni ini yu xiꞌin ra. Ra taxi yu Tachi Yii yu koo ña xiꞌin ra, ra kaꞌan ndoso ra tuꞌun yu nuu takundiꞌi na yuuvi, ra kundaa ini na ña sandaku yu kuachi xiꞌin na.

San Mateo 12:18 Referans Kwoze

San Lucas 4:18

Ndie̱e̱ Tachi Yii Ndioxi iyoo xiꞌin yu. Saa chi ra kan va kuvi ra ndikaxin yuꞌu ña ndatuꞌun yu tuꞌun vaꞌa xiꞌin na ndaꞌvi, ra tiꞌvi ra yuꞌu vaxi yu ña chindiee taꞌan yu xiꞌin na ndoꞌo ni ini, ra sakaku yu na ñuꞌu veꞌe kàà ra saña ndika na, ra ndakuiña tu yu nuu na kuaa va, ra sakaku tu yu na ndoꞌo tundoꞌo va.

Hechos 10:38

Ra xa kundaa tu ini ndo xaꞌa Jesús, ña taxi Ndioxi ndiee Tachi Yii ndaꞌa ra ña ndixiyo ña xiꞌin ra, ra xa kundaa tu ini ndo ña ndixika ra xa ra ña vaꞌa xiꞌin yuvi va, ra sandaꞌa tu ra na xindoꞌni ndaꞌa ndiee timiaꞌa va. Ra ña vaꞌa xa ra saa, ra mii va Ndioxi kuvi ra chindiee taꞌan xiꞌin ra.

San Juan 3:34

saa chi seꞌe Ndioxi ra tiꞌvi ra xaa, ra tuꞌun Ndioxi ke kaꞌan va ra, saa chi Ndioxi, ra taxi va ra takundiꞌi ndiee Tachi Yii ra ndaꞌa seꞌe ra.

1 San Pedro 2:4

Ra na kuyachin ndo nuu Tata yo Jesucristo, ra iyoo ta kuꞌva iyoo yuu ña tiaku ña kundasi na xavaꞌa veꞌe te yachi, ndi su nuu Tata yo Ndioxi ra ta kuꞌva iyoo iin yuu vaꞌa ña ndiaa yaꞌvi ni va ke iyoo ra.

2 San Pedro 1:17

Ra mii va Tata yo Ndioxi kuvi ra taxi ña kaꞌnu, xiꞌin ña toꞌo ndaꞌa Tata yo Jesucristo, ra suꞌva ke kachi ra ndikaꞌan ra te taxi ra ña ndaꞌa ra: “Ra yoꞌo kuvi seꞌe yu, ra kusii ni ini yu xiꞌin ra”, kachi ra.

Colosenses 1:13

Ra suvi mii ra kuvi tu ra saña ndika yoo nuu ndiee ña iyoo nuu ñaa va, ra ndachindee ra yoo nuu xaꞌndia chiñu seꞌe ra, ra kuꞌvi ni ini ra xini ra.

Colosenses 1:1

Yuꞌu, ra Pablo, ra kana Tata yo Ndioxi, ña xika yu chiñu nuu Tata yo Jesucristo kuvi ra ^tiaa tutu yoꞌo, xiꞌin ra ñani yo Timoteo,

Efesios 1:6

Ra xaꞌa ña xa Tata yo Ndioxi ña yoꞌo va kuvi ña ^ndasakaꞌnu ni yo ra, saa chi kundaꞌvi ni ini ra xini ra yoo, ra xaꞌa ña kundaꞌvi ini ra xini ra yoo kuvi ña ndasa ra yoo iin xiꞌin seꞌe ra, ra ^kuꞌvi ni ini ra xini ra.

Hechos 14:27

Ra ta ndixaa ndia ñuu Antioquía kan, ra saa ndakana ndia takundiꞌi na veꞌe ñuꞌu, ra ndatuꞌun ndia xiꞌin na xaꞌa takundiꞌi ña xa Ndioxi xiꞌin ndia, saa chi ndia na küu judío va xiin ndakundikun kandixa Jesús.

Hechos 11:18

Saa ra te ndiꞌi xini soꞌo na judío na ndikun Jesús na ndee ñuu Jerusalén ña ndakani ra Pedro nuu na, ndia saa ra xikutuvi va na ña xa kuáchi na xiꞌin ra, ra saa xaꞌa na ndasakaꞌnu na Ndioxi kachi na saa: ―¡Sakaku tu Ndioxi yuvi na küu judío va, ra ta̱xi ra ndiayu ndaꞌa na ña na nandiko ini na xaꞌa kuachi na, ra niꞌi na ña kutiaku na ndia ndikaa ndikuꞌun! ―kachi na.

San Lucas 23:35

Ra xitoꞌni takundiꞌi yuvi na ndixaa kan ndita na, ra ndia ndia chiñu kan va ^xa siki Jesús, kachi ndia saa: ―Vaꞌa va sakaku ra inka yuvi, ra na sakaku tu ra mii ra vichin va tu ndixa ke kuu ra Cristo, ra ndikaxin Ndioxi ―*kachi na.

San Lucas 9:35

Ra tiañu viko kan tiaku ndikaꞌan Ndioxi, kachi ra saa: ―Ra yoꞌo kuvi seꞌe yu, ra kuꞌvi ni ini yu xini yu ra. Ra na kandixa ndo ña kaꞌan ra xiꞌin ndo ―kachi ra.

San Lucas 3:22

Ra ta kaa iin sata loꞌo, saa kaa Tachi Yii Ndioxi nduxinu ña xika ña xini ra. Ra xini soꞌo na ndee kan ña ndikaꞌan Ndioxi xiꞌin Jesús, kachi ra saa: ―Yoꞌo ku seꞌe mii yu ra kuꞌvi ni ini yu xini yu yoꞌo, ra kusii ni ini yu xiꞌin kun ―kachi Ndioxi xiꞌin Jesús.

San Marcos 9:7

Ra saa nduxinu vi̱ko̱ ndasi ña sata ndia. Ra tiañu vi̱ko̱ kan tiaku ndikaꞌan Ndioxi, kachi ra saa: ―Ra yoꞌo ku Seꞌe yu ra ^kuꞌvi ni ini yu xini yu, ra na kandixa ndo ña kaꞌan ra xiꞌin ndo, ―kachi tachi Ndioxi kan xiꞌin ndia.

San Marcos 1:11

Ra tiaku ndikaꞌan Ndioxi xiꞌin ra ndia ndivi, kachi ra saa: ―Yoꞌo ku Seꞌe mii yu ra kuꞌvi ni ini yu xini yu yoꞌo. Ra kusii ni ini yu xiꞌin kun, ―kachi Ndioxi xiꞌin Jesús.

San Mateo 17:5

Ra nani saa kuu ra Pedro kaꞌan ra xiꞌin Jesús, saa ra nduxinu va viko ña yeꞌe ni ra ndasi ña sata ndia; ra tiañu viko kan tiaku tachi Ndioxi ña ndikaꞌan ra kachi ra saa: ―Ra yoꞌo kuvi seꞌe yu, ra kuꞌvi ni ini yu xini yu ra, ra kusii ni ini yu xiꞌin ra, ra na kandixa ndo ña kaꞌan ra xiꞌin ndo ―kachi Ndioxi xiꞌin ndia.

San Mateo 12:17

Ra suꞌva ke kuu ña ndixinu nuu tuꞌun Ndioxi, ña ndikaꞌan ra Isaías ra ndikaꞌan tuꞌun yuꞌu Ndioxi xinaꞌa, ña kachi suꞌva: