San Mateo 11:4 - Mixteco Metlatónoc

⁴ Ra saa ndakuiin Jesús kachi ra saa xiꞌin ndia: ―Kuaꞌan ndo ra ndatuꞌun ndo xiꞌin ra Juan xaꞌa ña ^xini ndo xiꞌin ña ^xini soꞌo ndo ra na kundaa ini ra.

San Mateo 11:4 Referans Kwoze

San Mateo 11:3

ña ndakatuꞌun ndia ra. Ra te ndixaa ndia nuu Jesús ra saa ndikaꞌan ndia kachi ndia saa xiꞌin ra: ―¿A ndixa yoꞌo kuvi ra xa iyoo tuꞌun xaꞌa kixi ña sakaku kun na yuuvi yoꞌo? ¿A xiniñuꞌu kundiatu ndi inka va ra? ―kachi ndia xiꞌin ra.

San Mateo 11:5

Chi na kuaa, ra ^ndakotoꞌni va na, ra na küvi kaka, ra ^ndakaka va na, ra na ndoꞌo kueꞌe tiaꞌyu; ra ^nduvaꞌa va na, ra na soꞌo, ra ^ndakuni va soꞌo na, ra na ndii, ra ^ndatiaku va na. Ra ^ndakani tu yu tuꞌun Ndioxi nuu na ndaꞌvi ña vaꞌa na kaku va na.

San Juan 5:36

Ndi su chee ni ka va iin ña ndakuiin xaꞌa yuꞌu nuu tuꞌun ña ndikaꞌan ra Juan, saa chi chiñu ña xa va yu ke ndakuiin xaꞌa yu, ra Tata yu Ndioxi va kuvi ra taxi chiñu yoꞌo ndaꞌa yu ña saxinu yu nuu ña, ra mii chiñu yoꞌo ke ndakuiin tu xaꞌa va yu ña tiꞌvi ra yuꞌu vaxi yu.

San Mateo 8:3

Ra saa nditiandiaa ndaꞌa Jesús tiaa kan, ra ndikaꞌan ra xiꞌin ra kachi ra saa: ―Kuni va yu sandaꞌa yu yoꞌo, ra na nduvaꞌa kun vichin ―kachi Jesús xiꞌin ra. Saa ra ndikun nindoñuꞌu va kueꞌe tiaꞌyu kan sata ra, ra nduvaꞌa va ra.

San Mateo 15:30

Ra kuaꞌa ka vi yuvi ndakaya tuku ndixaa nuu nduꞌu ra, ra ndiaka na, na nduchiꞌña küvi kaka, na kuaa, na miꞌmi, na lundu, na köo ndaꞌa, na köo xaꞌa, ra kuaꞌa ni ka va na xíꞌi̱ ndiaka na ndixaa na, chindee na nuu íin Jesús, ra sandaꞌa ra takundiꞌi va na.

San Mateo 21:14

Ra ini veꞌe ñuꞌu kan ndixaa kuaꞌa ni na xiꞌi, na kuaa, xiꞌin na nduchiꞌña küvi kaka, ra sandaꞌa Jesús takundiꞌi va na.

San Juan 14:11

Ra na kandixa ndo yuꞌu, ña íin Tata yo Ndioxi xiꞌin yu, ra yuꞌu tu íin xiꞌin ra kan va; ra tu kandïxa ndo ña kaꞌan yu, saa ra ña sa ndo ke na kandixa ndo yuꞌu xiꞌin chiñu ña ^xa va yu.