San Mateo 11:3 - Mixteco Metlatónoc

³ ña ndakatuꞌun ndia ra. Ra te ndixaa ndia nuu Jesús ra saa ndikaꞌan ndia kachi ndia saa xiꞌin ra: ―¿A ndixa yoꞌo kuvi ra xa iyoo tuꞌun xaꞌa kixi ña sakaku kun na yuuvi yoꞌo? ¿A xiniñuꞌu kundiatu ndi inka va ra? ―kachi ndia xiꞌin ra.

San Mateo 11:3 Referans Kwoze

San Juan 11:27

Ra saa ndakuiin ña kachi ña saa: ―Kandixa va yu, Tata, ra kandixa tu yu, ña kuu kun Seꞌe Ndioxi va, ra ndikaxin tu ra yoꞌo ña sakaku kun na yuuvi yoꞌo va, ra xa iyoo tu tuꞌun xaꞌa kun ña kixi kun nuu ña yuuvi yoꞌo va ―kachi ña xiꞌin Jesús.

Hebreos 10:37

Saa chi suꞌva ke kachi Tata yo Ndioxi ndikaꞌan ra ^kachi tuꞌun ra: Tiaa ni va xa ndinumi xaa tiaa ra xiniñuꞌu xaa, ra kuächi ka vi ra.

San Juan 7:31

Ra kuaꞌa ni na ndee ini veꞌe ñuꞌu kaꞌnu kan, ra kandixa va na Jesús, ra ndikaꞌan na ^kachi na saa: ―Te na xaa ra kuu Cristo, ¿ra a kuaꞌa ni ka va ña xituꞌun sa ra kan, nuu ña ^xa ra yoꞌo? ―kachi na.

San Juan 6:14

Ra te xini yuvi kan ña xituꞌun xa Jesús, ra saa ndikaꞌan na kachi na saa: ―Ña ndixa ke ra kaꞌan tuꞌun yuꞌu Ndioxi, ra iyoo tuꞌun kixi nuu ña yuuvi yoꞌo kuvi ndixa va ra yoꞌo ―*kachi na.

San Juan 16:14

Ra Tachi Yii Ndioxi va kuvi ña chinduꞌu toꞌo tuꞌun xaꞌa yu, saa chi ^kundaa va ini ña xaꞌa takundiꞌi ña xa yu, xiꞌin ña sañaꞌa yu, ra ndañaꞌa tu ña ña nuu ndoꞌo va.

San Juan 12:13

ra saa kee na, ra xaꞌndia na ñuu ndaꞌa itun ñuu, ra ndixaꞌan na ndakiꞌin na Jesús, ra iin siso, siso ndaꞌyu na kachi na saa: ―¡Ra kaꞌnu kuvi Ndioxi! ¡Ra ra kaꞌnu kuu tu ra tiꞌvi va ra! ¡Kaꞌnu ni ra tiꞌvi ra, saa chin Rey na ñuu Israel kuvi ra! ―kachi na.

San Juan 4:21

Ra saa ndakuiin Jesús kachi ra saa xiꞌin ña: ―Nana, na kandixa kun tuꞌun ña kaꞌan yu xiꞌin kun, chi xa ndixaa va kii ña xiniñüꞌu ka ndiakua kixi vi ndo xiki yoꞌo ña ndasakaꞌnu ndo Ndioxi, ra nii ñuu Jerusalén ke xiniñüꞌu kuꞌun vi ndo, ña ndasakaꞌnu ndo ra.

San Lucas 19:38

Ra xaꞌa na ndaꞌyu na kachi na saa: ―¡Ra ña vaꞌa na koo xiꞌin yoꞌo, ra vaxi xiꞌin kivi Tata yo Ndioxi! ¡Ra ña kaꞌnu, xiꞌin ña vaꞌa na koo xiꞌin na iyoo ndivi! ―kachi na.

San Marcos 11:9

Ra na inuu xiꞌin na ndikun, ra iin siso siso ndaꞌyu na kachi na saa: ―¡Tata, sakaku nduꞌu! ¡Ra kaꞌnu ni kuvi yoꞌo ra vaxi xiꞌin kivi Iva yo Ndioxi!

San Mateo 21:9

Ra yuvi na inuu chi nuu, xiꞌin na ndikun chi sata ra, ra iin siso siso ndaꞌyu na kachi na saa: ―¡Ra kaꞌnu ni kuvi ra yoꞌo!, chi ndiseꞌe ra Rey David kuvi ra; ¡ra kaꞌnu ni ra, chi Tata yo Ndioxi kuvi ra tiꞌvi ra ña vaxi ra sakaku ra yoo! ¡Na ndasakaꞌnu ndo Tata yo Ndioxi ra iyoo ndivi! ―^kachi na.

San Mateo 21:5

Kaꞌan ndo xiꞌin na ñuu Jerusalén na kuu ñuu Ndioxi, ra kachi ndo saa xiꞌin na: “Kotoꞌni ndo chi kaa vaxi ra kuu Rey ndo, ña ndakitaꞌan ra xiꞌin ndo, ra iin ra toꞌo ni va kuvi ra, ra yoso ra iin burru loꞌo seꞌe kiti ri ndiso ña vee vaxi ra nuu ndo”, kachi ra ndikaꞌan tuꞌun Ndioxi kan.

San Mateo 11:4

Ra saa ndakuiin Jesús kachi ra saa xiꞌin ndia: ―Kuaꞌan ndo ra ndatuꞌun ndo xiꞌin ra Juan xaꞌa ña ^xini ndo xiꞌin ña ^xini soꞌo ndo ra na kundaa ini ra.

San Mateo 11:10

Ra xaꞌa ra Juan yoꞌo ke kaꞌan ña tiaa na ndikaꞌan tuꞌun yuꞌu Ndioxi xinaꞌa, ña kachi suꞌva: Yoꞌo tiꞌvi yu iin tiaa ra kuꞌun chiñu nuu yu ra kunuu ra kuꞌun ra, ña ndasavii ra ichi kun, kachi ña.