San Mateo 10:5 - Mixteco Metlatónoc

⁵ Ra saa tiꞌvi Jesús uxi uvi saa ndia itaꞌan xiꞌin ra kuaꞌan ndia, ña kaꞌan ndoso ndia tuꞌun Ndioxi, ra xaꞌndia ra chiñu nuu ndia kachi ra saa: ―Xäꞌan ndo ñuu na küu judío, ra nii ñuu na Samaria kïꞌvi ndo,

San Mateo 10:5 Referans Kwoze

San Juan 4:9

Saa ndakuiin ñaꞌa kan kachi ña saa: ―¿Nichuun nduku yoꞌo tiakuii koꞌo kun nuu yu? Ra süvi taꞌan kun kuvi yuꞌu chi ña Samaria va kuvi yu, ra yoꞌo ra ra judío va kuvi kun ―kachi ña xiꞌin Jesús. Ra suꞌva ke kachi ñaꞌa kan saa chi ndakanda ni va ini ña xaꞌa ña nduku ra tiakuii nuu ña saa chi na judío, xiꞌin na Samaria, ra itäꞌan vii na chi na kanitaꞌan va kuvi na.

1 Tesalonicenses 2:16

Saa chi ta ^kuni ndi kaꞌan ndoso ndi tuꞌun Ndioxi nuu yuvi na küu judío ña vaꞌa na kaku na, ra täxi na judío ña kaꞌan ndoso ndi nuu na. Ra ña ^xa na suꞌva kuvi ña ^sakaa vaꞌa ka na kuachi va na. Ndi su vichin, ra xa xaa va tundoꞌo kaꞌnu ña ^taxi Ndioxi nuu na.

San Lucas 17:16

Ra xaa ra ndakusiti ra nuu Jesús, ra ndakundiee ra ndia nuu ñuꞌu, ra ndataxi ra tixaꞌvi ndaꞌa Jesús. Ra tiaa yoꞌo ra ra ñuu Samaria va kuvi ra.

Hechos 10:45

Saa ra ndakanda ka vi ini na judío, na ndixaa xiꞌin Pedro, saa chi xini na ña ndakiꞌin na küu judío kan Tachi Yii.

San Lucas 9:2

Ra saa tiꞌvi ra ndia kuaꞌan ndia kaꞌan ndoso ndia tuꞌun Ndioxi, ra sandaꞌa ndia na xiꞌi.

Hechos 1:8

Ndi su ndoꞌo, ra te xa ná nduxínu̱ Tachi Yii Ndioxi sata ndo, ra saa vi ke ndakiꞌin ndo ndiee Ndioxi; ra kaꞌan ndoso ndo xaꞌa yu nuu takundiꞌi na ñuu Jerusalén, xiꞌin nuu na ñuu ña ndikun ndiaa Judea, xiꞌin nuu na ñuu ña ndikun ndiaa Samaria, xiꞌin nuu takundiꞌi ñuu ña iyoo nuu ña yuuvi yoꞌo ―kachi Jesús xiꞌin ndia.

San Juan 20:21

Ra saa ndikaꞌan tuku Jesús xiꞌin ndia, kachi ra saa: ―Ña vaꞌa na koo xiꞌin ndo. Ra ta kuꞌva xa Tata yu Ndioxi ña tiꞌvi ra yuꞌu xaa yu yoꞌo, ra saa ke ^xa tu yuꞌu va, ña tiꞌvi yu ndoꞌo kuꞌun ndo vichin ―*kachi ra xiꞌin ndia.

San Juan 7:35

Ra saa xaꞌa na judío kan ndakatuꞌun taꞌan na kachi na saa: ―¿Ndia chi ke kuꞌun ra yoꞌo ña kaꞌan ra, ña ndanïꞌi yo ra? ¿A nuu na taꞌan yo, na xinuꞌni kuaꞌan ndoꞌni tiañu na griego ke kuꞌun ra, ra ikan sañaꞌa ra na griego kan va?

San Juan 4:5

Ra saa ndixaa ra iin ñuu ña nani Sicar ña ndikun ndiaa Samaria, ña ndikaa yachin nuu nduꞌu ñuꞌu ña saniꞌi ra Jacob ra José seꞌe ra.

San Lucas 10:33

Ra saa ndiyaꞌa tu iin ra kee ñuu Samaria va kuaꞌan ra ichi kan, ra ta xini ra kanduꞌu ra takueꞌe kan, ra kundaꞌvi ka vi ini ra xini ra ra.

San Mateo 4:15

Ñuu nuu iyoo na seꞌe xikua ra Zabulón xiꞌin ra Neftalí, ña ndikaa chi inka xiyo yuꞌu itia Jordán, yachin yuꞌu tiañuꞌu chi Galilea, nuu iyoo kuaꞌa ni na xïni tuꞌun Ndioxi.

Hechos 8:1

Ra ndixiyo va yuꞌu ra Saulo xiꞌin na ña xaꞌni na ra Esteban. Ra suvi mii kii kan ke nundiee ni ka tu kuachi xiꞌin na ndikun Jesucristo, na ndee ñuu Jerusalén va, ra xinu ndiꞌi na kuaꞌan na ñuu ña ndoꞌni chi Judea, xiꞌin chi Samaria, ra ndia ndia xitaꞌan xiꞌin Jesús va kuvi ndia nindoo ñuu Jerusalén.

San Juan 8:48

Ra saa ndikaꞌan na judío kan xiꞌin Jesús kachi na saa: ―Xini vaꞌa va ndi ña ndikaꞌan ndi ña kuu kun ra ñuu Samaria, ra sana kun, ra kuu mii kun tachi ndivaꞌa ―*kachi na xiꞌin ra.

San Juan 4:20

Ra na xii xikua ndi, ra iku yoꞌo va ke ndasakaꞌnu na Ndioxi, ndi su ndoꞌo na judío, ra ñuu Jerusalén va ke xiniñuꞌu ndasakaꞌnu ndo Ndioxi kachi ndo ―kachi ña xiꞌin Jesús.

San Lucas 10:1

Ra saa kuu ndikaxin Jesús uni xiko uxi tiaa, ndia ndikun sata ra, ra ta uvi, ta uvi chitaꞌan ra ndia. Ra chinuu ra ndia kuaꞌan ndia kaꞌan ndoso ndia tuꞌun Ndioxi iin takundiꞌi ñuu nuu kuꞌun ra.

San Mateo 22:3

Ra te xaꞌa ra rey kan ña ^xa nduvi ra koo viko xaꞌa seꞌe ra, saa tiꞌvi ra na xachiñu nuu ra kuaꞌan na nuu yuvi, na xa ndikaꞌan ra xiꞌin kuꞌun viko kan, ndi su ndixïin na kuꞌun na.

San Marcos 6:7

Saa kuu ndakana Jesús uxi uvi saa ndia itaꞌan tuun xiꞌin ra, ra saa tiꞌvi ra ndia kuaꞌan ndia kaꞌan ndoso ndia tuꞌun Ndioxi, ra ta uvi ta uvi chitaꞌan ra ndia kuaꞌan ndia, ra taxi ra ndiayu ndaꞌa ndia ña tava ndia tachi ndivaꞌa.

San Lucas 9:1

Ra saa ndachitaꞌan Jesús uxi uvi saa ndia itaꞌan xiꞌin ra. Ra taxi ra ndie̱e̱ xiꞌin ndiayu ndaꞌa ndia ña tava ndia takundiꞌi nuu tachi ndivaꞌa, ra sandaꞌa ndia na xiꞌi ndia ndia ka nuu kue̱ꞌe̱.

San Juan 17:18

Ra ta kuꞌva xa kun ña tiꞌvi kun yuꞌu xaa yu nuu ña yuuvi yoꞌo, ra saa ke sa tu yuꞌu va, ña tiꞌvi yu na yoꞌo kuꞌun na nuu na yuuvi yoꞌo.