San Mateo 10:40 - Mixteco Metlatónoc

⁴⁰ Ra saa ndikaꞌan ka ra kachi ra saa: ―Yuvi na ndakiꞌin mani ndoꞌo, ra yuꞌu va kuvi ra ndakiꞌin mani na; ra na ndakiꞌin mani yuꞌu, ra Tata yu Ndioxi ra tiꞌvi yuꞌu vaxi va yu kuvi ra ndakiꞌin mani na.

San Mateo 10:40 Referans Kwoze

San Juan 13:20

Ra ña ndixa ke kaꞌan yu xiꞌin ndo, saa chi yuvi na ndakiꞌin mani yuvi na ^tiꞌvi yu kuꞌun, ra yuꞌu va kuvi ra ndakiꞌin mani na; ra na ndakiꞌin mani yuꞌu, ra ra tiꞌvi yuꞌu xaa va yu kuvi ra ndakiꞌin mani na ―kachi Jesús xiꞌin ndia.

San Lucas 9:48

Ra ndikaꞌan ra xiꞌin ndia, kachi ra saa: ―Yuvi na ndakiꞌin mani iin ra loꞌo taꞌan ra yoꞌo xaꞌa ña kandixa na yuꞌu, saa ra ndakiꞌin mani tu na yuꞌu va; ra na ndakiꞌin mani tu yuꞌu, saa ra, ndakiꞌin mani tu na ra tiꞌvi yuꞌu va. Ra tiaa ra köo yaꞌvi ndiaa, tuvi ndo, kuvi ra chee vaꞌa ka va ―kachi Jesús xiꞌin ndia.

San Lucas 10:16

Saa ndikaꞌan ka Jesús xiꞌin ndia itaꞌan xiꞌin ra, kachi ra saa: ―Na xini soꞌo tuꞌun ña kaꞌan ndo, ra tuꞌun yuꞌu va ke xini soꞌo na. Ra na kundasi ndoꞌo, ra yuꞌu va kuvi ra kundasi na. Ra na kundasi yuꞌu, ra ra tiꞌvi yuꞌu xaa va yu kuvi ra kundasi na ―*kachi ra.

San Mateo 18:5

Ra ndia ndia ka yuvi na ndakiꞌin mani iin na vali taꞌan ra loꞌo yoꞌo xaꞌa ña ndikun na yuꞌu, ra yuꞌu va kuvi ra ndakiꞌin mani na ―kachi Jesús xiꞌin ndia.

2 San Juan 1:9

Ra na kundaa ini ndo, chi yuvi na kanduu tuꞌun ña sañaꞌa Tata yo Jesucristo, ra süvi vi Tata yo Ndioxi kuvi ra itaꞌan na xiꞌin; ndi su yuvi na ^sañaꞌa ta kuꞌva iyoo tuꞌun ña sañaꞌa Tata yo Jesucristo, ra itaꞌan va na kan xiꞌin Tata yo Ndioxi, ra saa tu xiꞌin Tata yo Jesucristo, ra kuu seꞌe va ra.

San Juan 20:21

Ra saa ndikaꞌan tuku Jesús xiꞌin ndia, kachi ra saa: ―Ña vaꞌa na koo xiꞌin ndo. Ra ta kuꞌva xa Tata yu Ndioxi ña tiꞌvi ra yuꞌu xaa yu yoꞌo, ra saa ke ^xa tu yuꞌu va, ña tiꞌvi yu ndoꞌo kuꞌun ndo vichin ―*kachi ra xiꞌin ndia.

San Mateo 25:40

Ra saa ndakuiin yuꞌu, ra kuu Rey, kachi yu saa xiꞌin na: “Ña ndixa kaꞌan yu xiꞌin ndo, saa chi takundiꞌi ña vaꞌa, ña xa ndo xiꞌin na ndaꞌvi na ndee nuu ña yuuvi yoꞌo, na kuu ñani yu, ra süvi xiꞌin na kan ke ndixa ndo ña, chi xiꞌin yuꞌu va ke xa ndo ña”, kachi yu xiꞌin na.

1 Tesalonicenses 4:8

Ra yuvi na xïin kandixa tuꞌun ña ^sañaꞌa ndi ndoꞌo yoꞌo, ra süvi nduꞌu kuvi ndia xïin na kandixa na, chi mii Tata yo Ndioxi va kuvi ra, xïin na kandixa na. Ra mii Tata yo Ndioxi kuvi tu ra taxi Tachi Yii ra, ña iyoo ña xiꞌin va yo.

Gálatas 4:14

Ra vaꞌa ni sandoꞌo ni va yu ndoꞌo xiꞌin kueꞌe ña ndoꞌo yu, ndi su ndikuñüꞌu vi ndo yuꞌu, ra nii ndikundäsi tu ndo yuꞌu va. Chi ña xa ndo ke ndakiꞌin mani ndo yuꞌu, ta kuꞌva iyoo iin tatun Ndioxi a ta kuꞌva iyoo mii Jesucristo va.

San Juan 5:23

Saa ke vaꞌa na satoꞌo na ra ta kuꞌva xa na ña xatoꞌo na Iva ra. Chi yuvi na xïin satoꞌo ra kuu seꞌe Ndioxi, saa ra, xätoꞌo tu na Iva va ra, chi Iva ra kuvi ra tiꞌvi ñaꞌa vaxi va ra.

San Marcos 9:37

―Yuvi, na ndakiꞌin mani̱ iin ra loꞌo tan ra yoꞌo xaꞌa yuꞌu, ra yuꞌu va ku ra ndakiꞌin mani̱ na, ra na ndakiꞌin mani̱ yuꞌu, ra süvi takua yuꞌu kuvi ra ndakiꞌin mani̱ na, chi ra tiꞌvi yuꞌu vaxi va yu kuvi ra ndakiꞌin mani̱ na ―kachi Jesús xiꞌin ndia.

San Mateo 25:45

Ra saa ndakuiin yu kachi yu saa xiꞌin na: “Ña ndaa kaꞌan yu xiꞌin ndo, saa chi ta xini ndo na ndaꞌvi ndoꞌo, ra ndixïin ndo sa ndo ña vaꞌa yoꞌo xiꞌin na, ra süvi xiꞌin na kan ke ndixïin ndo sa ndo ña, chi xiꞌin yuꞌu va ke ndixïin ndo sa ndo ña”, kachi yu xiꞌin na.

2 Corintios 5:20

Ra xaꞌa ña sakuiso chiñu ra nduꞌu va kuvi ña kuu ndi yuꞌu nuu Cristo, ra ña kaꞌan ndi xiꞌin ndo, ra ta iyoo mii vi Ndioxi iyoo ra xaku ndaꞌvi nuu ndo. Ra mii va Cristo kuvi ra xaꞌndia chiñu nuu ndi, ña xaku ndaꞌvi ndi nuu ndo, ña kachi ndi suꞌva xiꞌin ndo: na ndakutaꞌan mani ndo xiꞌin Ndioxi.