San Mateo 10:27 - Mixteco Metlatónoc

²⁷ Ña kan ke, tuꞌun ña kaꞌan seꞌe yu xiꞌin ndo, ra na kaꞌan tuvi va ndo ña xiꞌin na, ra na kundaa ini na xaꞌa ña; ra tuꞌun ña kaꞌan yaa tu yu xaꞌa soꞌo ndo, ra na ndaa ndo ndia chi xini veꞌe kundita ndo ra kaꞌan ndoso ndo ña, ra na kuni soꞌo takundiꞌi va yuvi.

San Mateo 10:27 Referans Kwoze

Hechos 5:20

―Kuaꞌan ndo chi veꞌe ñuꞌu ra ndakani ndo nuu na xaꞌa tuꞌun Jesús ña taxi ña kutiaku na ―kachi ra xiꞌin ndia.

San Juan 16:13

Ra te xa na xa̱a̱ Tachi Yii Ndioxi ña ndixa, ra ña kan va ke sañaꞌa ndoꞌo xaꞌa takundiꞌi ña ndaa; saa chi süvi ña kuni mii ña ke kaꞌan ña xiꞌin ndo, chi ña kuni soꞌo ña kaꞌan Ndioxi va ke kaꞌan ña xiꞌin ndo, ra taxi ña xini ndo, ra kundaa va ini ndo xaꞌa takundiꞌi ña kuu kii ña vaxi.

San Juan 16:1

’Ra takundiꞌi ña yoꞌo ke kaꞌan yu xiꞌin ndo, ña vaꞌa na ndïko ini ndo ña ndikun ndo yuꞌu.

Hechos 5:28

―A su xa xaꞌndia va ndi chiñu nuu ndo ña käꞌan ndoso ka ndo nuu yuvi xaꞌa tiaa ñaa, kachi ndi xiꞌin ndo; ndi su vichin ra iinii saa va ñuu Jerusalén yoꞌo sakuaꞌa ndo yuvi xaꞌa tiaa ñaa, ra kuni ndo saviso kuachi ndo nduꞌu ña xaꞌni ndi ra ―kachi ra xiꞌin ndia.

San Juan 16:29

Ra saa ndikaꞌan ndia itaꞌan xiꞌin Jesús kachi ndia saa xiꞌin ra: ―Vichin, ra kaxi ni va kaꞌan kun xiꞌin ndi, ra nii xiniñüꞌu ka kun tuꞌun ndichi vi.

San Juan 16:25

Ra ndikaꞌan Jesús xiꞌin ndia itaꞌan xiꞌin ra kachi ra saa: ―Takundiꞌi tuꞌun ña xa ndikaꞌan yu xiꞌin ndo, ra xiꞌin tuꞌun ndichi va ndikaꞌan yu ña; ndi su vaxi kii ra käꞌan ka yu tuꞌun ndichi xiꞌin ndo, chi kaxi kaxi va kaꞌan yu xiꞌin ndo xaꞌa Tata yu Ndioxi.

San Lucas 8:10

Ra saa ndakuiin Jesús kachi ra saa: ―Ndoꞌo, ra mii Ndioxi va kuvi ra ^taxi ndiayu ndaꞌa ndo ña kundaa ini ndo xaꞌa ichi mii ra, ña iyoo seꞌe nuu xaꞌndia ra chiñu. Ndi su inka yuvi, ra ^täxi vi ra ña ndaꞌa na kan. Ra xaꞌa ña kan ke takundiꞌi ña kuni yu kaꞌan yu xiꞌin na, ra xiꞌin tuꞌun ndichi va kaꞌan yu ña xiꞌin na. Ra nii ixtoꞌni na, ndi küni na, ra nii xini soꞌo va na, ndi kundäa ini na ni ke kuni kachi vi ña.

2 Corintios 3:12

Ra xa kundaa kaxi va ini ndi, chi saa ke iyoo va ña yoꞌo, ña kan ke vaꞌa kuëe xa uvi ini vi ndi ña kaꞌan ndi xaꞌa ña xiꞌin ndo.

Hechos 17:17

Ra saa ndixaꞌan ra veꞌe ñuꞌu ndatuꞌun ra xiꞌin na judío, xiꞌin na inka na xa kandixa Ndioxi, ra iin takundiꞌi kii ndatuꞌun tu ra xiꞌin na ndakutaꞌan ra xiꞌin nuu yaꞌvi va.

San Mateo 24:17

Ra na ndee tu chi xini veꞌe, ra na kïꞌvi ka na veꞌe na, ña ndakiꞌin na ñaꞌa na.

San Lucas 12:3

Ra takundiꞌi ña ndatuꞌun seꞌe ndo chi nuu ñaa, ra ndita tuvi va ña kuni soꞌo yuvi; ra ña ndatuꞌun seꞌe ndo chi ini veꞌe, ña ndasi tuun, ra vaxi kii ra kundaa ndiꞌi va ini na xaꞌa ña ―kachi Jesús xiꞌin ndia.