San Mateo 10:25 - Mixteco Metlatónoc

²⁵ Ra na sakan sakuaꞌa ra xiniñuꞌu na xaa na koo na ta kuꞌva iyoo maestro va na, ra saa tu iin na xachiñu tatu va chi xiniñuꞌu xaa tu na kan va ña kuu na ta kuꞌva iyoo xitoꞌo na. Ra kuni yu na kundaa ini ndo ña yoꞌo: chi tu yuꞌu, ra xaa yoꞌo, ra “ra ndivaꞌa” va kachi na xiꞌin yu, saa ra ndiee ni ka va kaꞌan na xaꞌa ndoꞌo, na ndikun sata yu ―kachi Jesús xiꞌin ndia itaꞌan xiꞌin ra.

San Mateo 10:25 Referans Kwoze

San Lucas 11:15

Ra saa ndikaꞌan sava na kachi na saa: ―Ndie̱e̱ ri Beelzebú, mii ri kuchee vaꞌa nuu takundiꞌi ña ndivaꞌa va ke iyoo xiꞌin ra, ña kan ke vaꞌa tava ra tachi ndivaꞌa. ―^kachi na xaꞌa Jesús.

San Mateo 12:24

Ndi su te xini soꞌo ndia fariseo, ña kachi yuvi kan saa xaꞌa Jesús, saa ra ndikaꞌan ndia kachi ndia saa: ―Ndiee ti Beelzebú mii ti kuchee vaꞌa nuu takundiꞌi ña ndivaꞌa va ke iyoo xiꞌin ra, ña kan ke vaꞌa tava ra tachi ndivaꞌa ―*kachi ndia.

San Mateo 9:34

Ndi su ndia fariseo, ra suꞌva va, kachi ndia xaꞌa Jesús: ―Ndiee kiti ndivaꞌa, mii ri kuchee vaꞌa nuu takundiꞌi ña ndivaꞌa va ke iyoo xiꞌin ra; ña kan ke vaꞌa tava ra tachi ndivaꞌa ―kachi ndia.

San Juan 7:20

Ra saa ndakuiin takundiꞌi yuvi kan kachi na saa: ―Tachi ndivaꞌa va ke iyoo xiꞌin kun, saa chi ¿yoo ku na kuni kaꞌni yoꞌo? ―kachi na.

San Marcos 3:22

Ra na maestro sañaꞌa ley Ndioxi ña ndakoo ra Moisés, ra ndia ñuu Jerusalén ke kee na ra ndixaa na nuu xika ra, ra kachi na saa: ―Ndie̱e̱ ti Beelzebú, mii ti kuchee vaꞌa nuu takundiꞌi ña ndivaꞌa va, ke iyoo xiꞌin ra, ña kan ke vaꞌa tava ra tachi ndivaꞌa ―kachi na xaꞌa ra.

San Juan 8:48

Ra saa ndikaꞌan na judío kan xiꞌin Jesús kachi na saa: ―Xini vaꞌa va ndi ña ndikaꞌan ndi ña kuu kun ra ñuu Samaria, ra sana kun, ra kuu mii kun tachi ndivaꞌa ―*kachi na xiꞌin ra.

San Juan 10:20

Ra sava tu na ndikaꞌan kachi na saa: ―Tiäa soꞌo ndo ña kaꞌan ra, saa chi ra yaꞌa xini va kuvi ra, ra tachi ndivaꞌa va ke kuu mii ra ―*kachi na.

San Juan 8:52

Ra saa ndikaꞌan na judío kan kachi na saa xiꞌin ra: ―Vichin ke ^kundaa kaxi va ini ndi ña ndixa ke ndikaa va tachi ndivaꞌa yoꞌo, saa chi ra Abraham xiꞌin takundiꞌi na ndikaꞌan ndoso tuꞌun yuꞌu Ndioxi, ra ndixiꞌi va na. Ra yoꞌo tu kaꞌan, ña küvi na kandixa tuꞌun ña kaꞌan va kun.

San Mateo 12:27

Ra kachi yu suꞌva xiꞌin ndo, saa chi kaꞌan ndo, ña tava yu tachi ndivaꞌa xiꞌin ndiee ti Beelzebú, ri kuchee nuu takundiꞌi ri ndivaꞌa; ra tu saa iyoo ña, saa ra, ¿yoo ku ra taxi ndiee ndaꞌa na ndikun sata ndo ña vaꞌa tava na tachi ndivaꞌa tu saa? Ra na kundaa ini ndo chi süvi xiꞌin ndiee ri ndivaꞌa ke tava na ña. Ña kan ke kundaa vaꞌa va ini na ña väꞌa iyoo ndo.

San Lucas 11:18

Ra kuꞌva saa ke iyoo tu ri ndivaꞌa va, saa chi tu na ndukuiin ri, ra kanitaꞌan ri xiꞌin taꞌan mii ri. ¿Ra a kuchuun ri koo ri, tuvi ndo? Ra suꞌva ke kachi yu xiꞌin ndo, saa chi kaꞌan ndo ña tava yu tachi ndivaꞌa xiꞌin ndiee ri ndivaꞌa.

San Lucas 11:19

Ra tu ndixa xiꞌin ndie̱e̱ kiti ñaꞌa ke tava yu tachi ndivaꞌa, na kachi yo, saa ra, ¿yoo ndiee ke tava tu na itaꞌan xiꞌin ndoꞌo tachi ndivaꞌa, tuvi ndo? Ra na kundaa ini ndo chi süvi saa iyoo ña. Ra mii na ñaa na sayukun kuachi xiꞌin va ndo, saa chi na yaꞌa xini va kuvi ndo.

San Marcos 10:39

Saa ndakuiin ndia kachi ndia saa: ―Kuchuun va ndi Tata, ―kachi ndia. Saa ndikaꞌan ra xiꞌin ndia kachi ra saa: ―Ña ndixa ke kaꞌan yu xiꞌin ndo, ña ndoꞌo ni tu ndóꞌo̱ va, iin ta kuꞌva ^ndoꞌo yu, saa ndoꞌo tu ndóꞌo̱ va.