San Mateo 10:1 - Mixteco Metlatónoc

¹ Ra saa ndakana Jesús uxi uvi saa ndia itaꞌan xiꞌin ra, ra taxi ra ndiee ndaꞌa ndia ña tava ndia tachi ndivaꞌa, ra sandaꞌa tu ndia na xiꞌi ndia ndia ka mii kueꞌe va, xiꞌin na ndiee ni ndoꞌo.

San Mateo 10:1 Referans Kwoze

San Lucas 10:19

Ra yuꞌu kuvi ra taxi ndie̱e̱ ndaꞌa ndo, ña kuañu ndo koo xiꞌin tisuꞌma; ra sa tiaa tu ndo nuu ña ndivaꞌa va. Ra ndia nii ña ndöꞌo ndo.

San Lucas 24:49

Ra ñuu Jerusalén yoꞌo ke kundiatu ndo, ra saa tiꞌvi yu ña kindoo Tata yu tiꞌvi ra sata ndo, ra ndia ta xa na ndakiꞌin ndo ndiee ña kee ndivi, saa vi ke kee ndo kuꞌun ndo ña kaꞌan ndoso ndo tuꞌun yu ―kachi Jesús xiꞌin ndia xitaꞌan xiꞌin ra.

Hechos 1:8

Ndi su ndoꞌo, ra te xa ná nduxínu̱ Tachi Yii Ndioxi sata ndo, ra saa vi ke ndakiꞌin ndo ndiee Ndioxi; ra kaꞌan ndoso ndo xaꞌa yu nuu takundiꞌi na ñuu Jerusalén, xiꞌin nuu na ñuu ña ndikun ndiaa Judea, xiꞌin nuu na ñuu ña ndikun ndiaa Samaria, xiꞌin nuu takundiꞌi ñuu ña iyoo nuu ña yuuvi yoꞌo ―kachi Jesús xiꞌin ndia.

San Juan 3:27

Ra saa ndakuiin ra Juan kachi ra saa: ―Ndia nii yuvi ra küvi sa na iin chiñu tu na täxi Ndioxi ndiayu ndaꞌa na ña sa na ña.

San Lucas 6:13

Ra te ndituvi saa kana ra takundiꞌi na ndikun sata ra, ra ndikaxin ra uxi uvi tiaa, ndia kaka chiñu nuu ra. Ra ndia yoꞌo kuvi ndia kuu apóstoles, ra tuꞌun yoꞌo kachi ña saa: “Ndia ^tiꞌvi Ndioxi.”

San Lucas 21:15

Chi yuꞌu va taxi ña xini tuni ndo, ña vaꞌa ndakuiin ndo yuꞌu na, ra ndia nii na kanitaꞌan xiꞌin ndo kuchüun ndakuiin yuꞌu ndo, ra nii nïꞌi na ni ke kachi na xiꞌin ndo.

Hechos 19:15

Ra saa kuu ndia xika ndia, saa ra ndikaꞌan va tachi ndivaꞌa kan xiꞌin ndia, kachi ña saa: ―Xini va yu Jesús, ra xini tu yu yoo kuvi ra Pablo va; ndi su, ¿yoo kuvi ndoꞌo tu? ―kachi ña.

San Juan 17:2

Saa chi yoꞌo kuvi ra taxi takundiꞌi ndiayu ndaꞌa yu, ña kaꞌndia chiñu yu nuu takundiꞌi na yuuvi, ra taxi yu ña kutiaku takundiꞌi na taxi kun ndaꞌa yu ndia ndikaa ndikuꞌun.

San Juan 6:70

Ra saa ndakuiin Jesús kachi ra saa xiꞌin ndia: ―¿A su yuꞌu kuvi ra ndikaxin uxi uvi saa va ndo? Ndi su, iin ndoꞌo kuvi ndia kuu timiaꞌa va ―kachi ra xiꞌin ndia.

San Juan 3:35

Ra Ndioxi, ra kuu iva ra, ra kuꞌvi ni va ini ra xini ra ra, ña kan ke ndataxi ra takundiꞌi va ñaꞌa ña iyoo nuu ra ndaꞌa ra.

Apocalipsis 12:1

Ra saa xini yu ^kuu iin ña chee ni nuu ndivi, ra suꞌva ke iyoo ña: Iin ña siꞌi ra ndixi ña ñuꞌù, ra ndikaa yoo tixi xaꞌa ña, ra iin xinu nduu uxi uvi kimi xini ña, ra ndañaꞌa ri ña kuu ri iin corona.

San Mateo 26:47

Ra sakan saa kuu Jesús kaꞌan ra xiꞌin ndia, saa ra xaa va ra Judas, ra itaꞌan xiꞌin ndia, ña kuu ndia uxi uvi ña itaꞌan ndia xiꞌin Jesús, ra iin tiaꞌndia chee yuvi ndiaka ra, ra niꞌi na ichi xiꞌin itun. Ra ndia xikuaꞌa, xiꞌin ndia sutu, xiꞌin ndia maestro sañaꞌa ndiayu Ndioxi kuvi ndia tiꞌvi na ña ndixaa na.

San Mateo 26:20

Ra te xa kuaꞌan kuñuu, saa xaa Jesús, ra xikunduꞌu ra nuu mesa xiꞌin uxi uvi saa ndia itaꞌan xiꞌin ra.

San Mateo 19:28

Saa ndakuiin Jesús kachi ra saa. ―Ña ndixa kaꞌan yu xiꞌin ndo, chi te na xaa kii ña nduxaa takundiꞌi ñaꞌa, ra saa ke ndakunduꞌu yuꞌu, ra xaa yoꞌo vichin, tiayu kaꞌnu, ra ndakiꞌin yu ña kaꞌndia yu chiñu. Saa ra ndoꞌo ndia ndikun yuꞌu vichin, ra niꞌi tu ndoꞌo va iin iin tiayu naꞌnu kundee ndo, ra kaꞌndia ndo chiñu nuu uxi uvi saa na seꞌe xikua na ñuu Israel.

San Mateo 6:13

Ra täxi kun koyo ndi ndaꞌa ña väꞌa; Chi na ndakiꞌin va kun nduꞌu ndaꞌa ña. Chi yoꞌo kuvi ra kaꞌnu xaꞌndia chiñu, ra kuu mii kun ndiee, ra xaꞌndia kun xaꞌa takundiꞌi va ñaꞌa, ndia ndikaa ndikuꞌun. Amén.

San Mateo 4:23

Ra iinii kuvi chi Galilea ^xika Jesús sañaꞌa ra yuvi ta veꞌe ñuꞌu ta veꞌe ñuꞌu, ra ^kaꞌan ndoso ra tuꞌun Ndioxi nuu na, ña ^sañaꞌa ra na xaꞌa ichi nuu xaꞌndia chiñu Ndioxi, ra sandaꞌa ra takundiꞌi yuvi na xiꞌi, ndia ndia ka mii nuu kueꞌe va.

San Mateo 9:35

Ra iinii kuvi ñuu naꞌnu, xiꞌin ñuu vali ke ^xinuꞌni Jesús kuaꞌan ra, ña sañaꞌa ra yuvi xaꞌa ichi nuu xaꞌndia Ndioxi chiñu, ra kaꞌan ndoso ra tuꞌun Ndioxi nuu na, ra ta veꞌe ñuꞌu ta veꞌe ñuꞌu ke yaꞌa ra kuaꞌan ra; ra sandaꞌa ra takundiꞌi na xiꞌi ndia ndia ka kueꞌe, xiꞌin na ndiee ndoꞌo.

San Mateo 9:38

Ña kan ke xiniñuꞌu ni na kaꞌan ndo xiꞌin ra kuu xitoꞌo ña, ra na tiꞌvi ka ra na sakee kixi na, ña sakee na ña ―kachi Jesús xiꞌin ndia.