San Mateo 1:16 - Mixteco Metlatónoc

¹⁶ Ra seꞌe ra Jacob xikuu ra José, ra ndixiyo ìi̱ ña María, ra ña María yoꞌo kuvi ña sakaku Jesús, ra nani Cristo va.

San Mateo 1:16 Referans Kwoze

San Mateo 27:17

Ra saa nindakatuꞌun ra Pilato takundiꞌi yuvi na ndakaya ndixaa kan, kachi ra saa: ―¿Yoo kuvi ndia kuni ndo saña ndika yu: ra Barrabás, a Jesús ra kaꞌan ndo xaa sakaku ndoꞌo va? ―kachi ra xiꞌin na.

San Juan 4:25

Ra saa ndikaꞌan ñaꞌa kan kachi ña saa: ―Xa kundaa va ini yu ña tiꞌvi Ndioxi iin tiaa ña kixi ra sakaku ra yoo, ra ra kan kuvi ra kaꞌan yo kuu Cristo. Ra te na xaa ra kan, ra ra kan kuvi ra ndakani nuu yo xaꞌa takundiꞌi va ña iyoo ―kachi ña xiꞌin Jesús.

San Lucas 3:23

Ta ndixinu Jesús oko uxi kuiya ra saa xaꞌa ra sañaꞌa ra yuvi. Ra seꞌe ra José va kuvi ra ndituvi na. Ra ra José ra seꞌe ra Elí va xikuu ra.

San Mateo 27:22

Ra saa ndikaꞌan ra Pilato xiꞌin na kachi ra saa: ―¿Ra ni ke sa yu xiꞌin Jesús, ra kaꞌan ndo xaa sakaku ndoꞌo tu? ―kachi ra xiꞌin na. Ra saa iin siso siso ndakuiin na kachi na saa: ―¡Na kutakaa ra ndaꞌa cruz! ―kachi na.

San Lucas 4:22

Ra ndiee ni ndachinuu toꞌo na tuꞌun xaꞌa Jesús. Ra ndakanda ka vi ini na, saa chi nduvi ni ndikaꞌan ra xiꞌin na. Ra saa xaꞌa na kachi na saa: ―¿A su seꞌe ra José va kuvi ra yoꞌo? ―kachi na xaꞌa ra.

San Lucas 2:48

Saa xaa na ivasiꞌi ra, ra ndayuꞌvi ka vi ini na xiꞌin ra. Saa ndikaꞌan siꞌi ra, kachi ña saa: ―¿Nichuun xa kun saa xiꞌin ndi? Iva kun xiꞌin yuꞌu, ra ndanduku ni ndi yoꞌo, chi ndiꞌi ni ini ndi xaꞌa kun ―kachi ña xiꞌin ra.

San Lucas 2:7

Ra saa kaku ra loꞌo seꞌe nuu ña María. Ra suvi ña ra iin tikoto loꞌo, ra chikanduꞌu ña ra ini xatun nuu ñuꞌu iku xaxi kiti, saa chi ndinïꞌi na veꞌe nuu koo na, ra ndia veꞌe nuu kixi kiti va ndiniꞌi na.

San Lucas 1:27

Ra ikan iyoo iin ñaꞌa loꞌo kuaan ña nani María. Ra xa ña iyoo nduvi va ke ña tandaꞌa ña xiꞌin iin tiaa ra nani José. Ra seꞌe xikua ra rey David kuvi ra.

San Marcos 6:3

¿A su ra yoꞌo ku ra kuxi itun, ra seꞌe ña María va kuvi ra? ¿A su ñani ra yoꞌo kuvi ra Jacobo, José, Judas, xiꞌin ra Simón? ¿A su yoꞌo ndee tu na siꞌi kuꞌva va ra xiꞌin yo? ―kachi na. Ra xaꞌa ña yoꞌo ke ndixïin na kandixa vaꞌa vi na ra.

San Mateo 2:13

Ra te xa ndakiꞌin na ndichi kan kuanuꞌu ndia, ra saa kixi iin ra tatun Ndioxi saxani ra ra José, ra kachi ra saa xiꞌin ra: ―^Ndakoo, ra ndakiꞌin kun ra loꞌo yoꞌo xiꞌin siꞌi ra, ra kunu kuaꞌan xiꞌin na chi ñuu Egipto, ra ikan koo kun xiꞌin na, ra ndia te na kaꞌan tuku yu xiꞌin kun saa nandiko kun, chi kaka nduku ra rey Herodes ra loꞌo yoꞌo ña kaꞌni ñaꞌa ra ―*kachi ra tatun Ndioxi xiꞌin ra José.

San Mateo 1:15

Ra seꞌe ra Eliud xikuu ra Eleazar, ra seꞌe ra Eleazar xikuu ra Matán, ra seꞌe ra Matán xikuu ra Jacob;

San Mateo 16:16

Ra saa ndakuiin ra Simón Pedro kachi ra saa: ―Tata, yoꞌo kuvi seꞌe Ndioxi ra tiaku, ra xa̱à kun ña sakaku na yuuvi yoꞌo ―kachi ra xiꞌin Jesús.

San Mateo 16:20

Ra saa xaꞌndia Jesús chiñu nuu ndia itaꞌan xiꞌin ra, ña na ndatüꞌun ndia xiꞌin ndia nii yuvi, ña kuu ra seꞌe Ndioxi, ra tiaku, ra ^xaa sakaku na yuuvi yoꞌo.