San Lucas 9:48 - Mixteco Metlatónoc

⁴⁸ Ra ndikaꞌan ra xiꞌin ndia, kachi ra saa: ―Yuvi na ndakiꞌin mani iin ra loꞌo taꞌan ra yoꞌo xaꞌa ña kandixa na yuꞌu, saa ra ndakiꞌin mani tu na yuꞌu va; ra na ndakiꞌin mani tu yuꞌu, saa ra, ndakiꞌin mani tu na ra tiꞌvi yuꞌu va. Ra tiaa ra köo yaꞌvi ndiaa, tuvi ndo, kuvi ra chee vaꞌa ka va ―kachi Jesús xiꞌin ndia.

San Lucas 9:48 Referans Kwoze

San Lucas 14:11

Saa chi yuvi na ndasa naꞌnu mii, kuvi na nduvali va; ra yuvi na xa ninu xiꞌin mii, kuvi na ndunaꞌnu va ―kachi ra xiꞌin na.

1 San Pedro 5:6

Ra xaꞌa ña kan ke na sa ni̱nu̱ ndo xiꞌin mii ndo tixi ndiee kaꞌnu ndaꞌa Tata yo Ndioxi, ra saa ke ndoniꞌi ra ndoꞌo, ra chinduꞌu tu ra tuꞌun toꞌo xaꞌa va ndo te xa na xaa kii ña kuni mii ra.

San Lucas 22:26

Ndi su ndoꞌo, ra süvi saa ke koo ndo, chi xa siin va ke koo xiꞌin ndoꞌo. Saa chi iin ra kuni kuchee nuu ndo ra ta iyoo iin ra loꞌo va ke na koo ra, ra ra xaꞌndia chiñu nuu ndo, ra ta xa iin na chuꞌun ndaꞌa va ke na sa ra.

San Juan 13:20

Ra ña ndixa ke kaꞌan yu xiꞌin ndo, saa chi yuvi na ndakiꞌin mani yuvi na ^tiꞌvi yu kuꞌun, ra yuꞌu va kuvi ra ndakiꞌin mani na; ra na ndakiꞌin mani yuꞌu, ra ra tiꞌvi yuꞌu xaa va yu kuvi ra ndakiꞌin mani na ―kachi Jesús xiꞌin ndia.

San Lucas 10:16

Saa ndikaꞌan ka Jesús xiꞌin ndia itaꞌan xiꞌin ra, kachi ra saa: ―Na xini soꞌo tuꞌun ña kaꞌan ndo, ra tuꞌun yuꞌu va ke xini soꞌo na. Ra na kundasi ndoꞌo, ra yuꞌu va kuvi ra kundasi na. Ra na kundasi yuꞌu, ra ra tiꞌvi yuꞌu xaa va yu kuvi ra kundasi na ―*kachi ra.

Apocalipsis 3:21

Ra na kuchuun sakanaa nuu ña väꞌa, ra taxi yu kundee na xiꞌin yu nuu nduꞌu yu xaꞌndia yu chiñu, ta kuꞌva xa̱ yu ña xakanaa yu nuu ña väꞌa, ra ni̱niꞌi yu ndakunduꞌu yu xiꞌin Iva yu nuu xaꞌndia ra chiñu.

1 Tesalonicenses 4:8

Ra yuvi na xïin kandixa tuꞌun ña ^sañaꞌa ndi ndoꞌo yoꞌo, ra süvi nduꞌu kuvi ndia xïin na kandixa na, chi mii Tata yo Ndioxi va kuvi ra, xïin na kandixa na. Ra mii Tata yo Ndioxi kuvi tu ra taxi Tachi Yii ra, ña iyoo ña xiꞌin va yo.

San Juan 14:21

Ra yuvi na xini ndiayu yu, ra xa na ña kaꞌan ña, saa ra, ^ndañaꞌa na mii na ña ndixa ke kuꞌvi ini na xini na yuꞌu va. Ra na kuꞌvi ini xini yuꞌu, ra kuꞌvi ni tu ini Tata va yu kuni ra na, ra saa tu yuꞌu va, chi kuꞌvi ni va ini yu kuni yu na, ra ndañaꞌa yu mii yu nuu na ―kachi Jesús xiꞌin ndia.

San Lucas 22:30

Ra ndoꞌo kuvi ndo kuxi ra koꞌo ndo nuu kaꞌndia yu chiñu. Ra kundee ndo tiayu naꞌnu ña sandaku ndo kuachi xiꞌin uxi uvi saa na seꞌe xikua na ñuu Israel ―kachi Jesús xiꞌin ndia.

San Lucas 7:28

’Ra na kundaa ini ndo chi ra Juan ra sakuchi yuvi kuvi ra chee ka nuu takundiꞌi na ndikaꞌan ndoso tuꞌun yuꞌu Ndioxi xinaꞌa. Ndi su na kuëe xiniñuꞌu vaꞌa vichin nuu xaꞌndia Ndioxi chiñu, ra na kan kuvi na nduchee ka nuu ra Juan va.

San Marcos 9:37

―Yuvi, na ndakiꞌin mani̱ iin ra loꞌo tan ra yoꞌo xaꞌa yuꞌu, ra yuꞌu va ku ra ndakiꞌin mani̱ na, ra na ndakiꞌin mani̱ yuꞌu, ra süvi takua yuꞌu kuvi ra ndakiꞌin mani̱ na, chi ra tiꞌvi yuꞌu vaxi va yu kuvi ra ndakiꞌin mani̱ na ―kachi Jesús xiꞌin ndia.

San Mateo 25:45

Ra saa ndakuiin yu kachi yu saa xiꞌin na: “Ña ndaa kaꞌan yu xiꞌin ndo, saa chi ta xini ndo na ndaꞌvi ndoꞌo, ra ndixïin ndo sa ndo ña vaꞌa yoꞌo xiꞌin na, ra süvi xiꞌin na kan ke ndixïin ndo sa ndo ña, chi xiꞌin yuꞌu va ke ndixïin ndo sa ndo ña”, kachi yu xiꞌin na.

San Mateo 25:40

Ra saa ndakuiin yuꞌu, ra kuu Rey, kachi yu saa xiꞌin na: “Ña ndixa kaꞌan yu xiꞌin ndo, saa chi takundiꞌi ña vaꞌa, ña xa ndo xiꞌin na ndaꞌvi na ndee nuu ña yuuvi yoꞌo, na kuu ñani yu, ra süvi xiꞌin na kan ke ndixa ndo ña, chi xiꞌin yuꞌu va ke xa ndo ña”, kachi yu xiꞌin na.

San Mateo 19:28

Saa ndakuiin Jesús kachi ra saa. ―Ña ndixa kaꞌan yu xiꞌin ndo, chi te na xaa kii ña nduxaa takundiꞌi ñaꞌa, ra saa ke ndakunduꞌu yuꞌu, ra xaa yoꞌo vichin, tiayu kaꞌnu, ra ndakiꞌin yu ña kaꞌndia yu chiñu. Saa ra ndoꞌo ndia ndikun yuꞌu vichin, ra niꞌi tu ndoꞌo va iin iin tiayu naꞌnu kundee ndo, ra kaꞌndia ndo chiñu nuu uxi uvi saa na seꞌe xikua na ñuu Israel.

San Mateo 18:14

Ra kuꞌva saa ke yoo tu Tata yo Ndioxi ra iyoo ndivi va, chi küni ra kan ña na ndoñuꞌu ndia nii yuvi na xa ninu xiꞌin mii yoꞌo ―kachi Jesús xiꞌin ndia itaꞌan xiꞌin ra.

San Mateo 18:10

Ra saa ndikaꞌan ka Jesús xiꞌin ndia kachi ra saa: ―Kuenda ni koo ndo, ra na kundäsi ndo ndia nii yuvi na xa ninu xiꞌin mii, saa chi na tatun Ndioxi na kiꞌin kuenda xiꞌin na iin takundiꞌi kii, ra yachin ni va ndee na xiꞌin Tata yu Ndioxi ndivi ninu.

Apocalipsis 21:14

Ra ndoꞌni uxi uvi yuu naꞌnu xaꞌa korra yuu kan, ra ndoso tu kivi uxi uvi saa ndia xindikun sata Jesús, ra kuu ndikachi loꞌo va, sata ta iin ta iin yuu kan.