San Lucas 9:41 - Mixteco Metlatónoc

⁴¹ Saa ndakuiin Jesús, kachi ra saa: ―Ni va yuvi kuvi ndoꞌo ña kandïxa ndo. ¿Nichuun ndiee ni ini ndo? Kundiëe ka ini yu nuu ndo ―kachi ra xiꞌin ndia. Ra saa ndikaꞌan ra xiꞌin tiaa kan, kachi ra saa: ―Naꞌa choꞌo xiꞌin seꞌe kun ―kachi ra.

San Lucas 9:41 Referans Kwoze

San Juan 20:27

Ra saa ndikaꞌan ra xiꞌin ra Tomás, kachi ra saa: ―Kuyachin, ra tuvi kun nduku ndaꞌa kun, yavi nu xindoꞌni clavo ndaꞌa yu, ra kuni kun, ra na tuvi tu kun, ndaꞌa kun kindika yu nuu kaan va na; ra na küu kun tiaa ra xïin kandixa, chi vaꞌa ka va na kuu kun iin tiaa ra kandixa ―*kachi ra.

San Juan 14:9

Saa ndakuiin Jesús kachi ra saa xiꞌin ra: ―Felipe, ¿xa kuaꞌa ni va kii iyoo yu xiꞌin ndo, ra nani saa xïni kun yuꞌu saa va? Yuvi na ^xíní yuꞌu, ra ^xíní tu na Tata va yu; ¿ra nichuun ke kaꞌan kun, ña na ñaꞌa yu Tata yo Ndioxi nuu kun?

San Marcos 9:19

Saa ndakuiin Jesús kachi ra saa xiꞌin ndia xika xiꞌin ra: ―¿Nichuun ndaku ni ini ndo? ¿Ni ka ke kachi yu xiꞌin ndo, ña na kundaa ini ndo? Kundiëe ka ini yu nuu ndo. Naꞌa ndo xiꞌin ra loꞌo ñaa yoꞌo ―kachi ra xiꞌin na.

San Mateo 17:17

Ra saa ndakuiin Jesús kachi ra saa xiꞌin ndia itaꞌan xiꞌin ra: ―¿Nichuun ndaku ni ini ndo? ¿Ra ni va yuvi kuvi ndo ña xïin ndo kandixa ndo? ¿Ra a iin ndisaa kii va ke koo yu xiꞌin ndo tuvi ndo? Kundiëe ka ini yu nuu ndo. Naꞌa ndo xiꞌin ra loꞌo ñaa yoꞌo ―kachi ra xiꞌin ndia.

Hebreos 7:25

Ra ña kuëe ndakoo Tata yo Jesús, ña kuu ra sutu kuvi ña ^sakaku ra takundiꞌi va yuvi na kuyachin nuu Tata yo Ndioxi xiꞌin kivi ra. Ndi su ra kan ra köo ka ña ndiko ra sa ra, chi xa xa ndiꞌi va ra ña. Ra ña tiaku Tata yo Jesús iin takundiꞌi kii, ra ña xaku ndaꞌvi ra xaꞌa yo nuu Tata yo Ndioxi va kuvi ña.

Hebreos 4:11

Ra xaꞌa ña kan ke na sa nduxa yo ña kandixa yo ña kaꞌan Tata yo Ndioxi, ña vaꞌa na kiꞌvi yo nuu iyoo ra ña ndakindiee yo xiꞌin ra te xa na xaa kii. Ra na sä yo ta kuꞌva xa yuvi na ndixïin kandixa tuꞌun Tata yo Ndioxi.

Hebreos 4:2

Ra ta kuꞌva iyoo na xii xikua yo kuvi tu ña iyoo yoo va, saa chi xini soꞌo na kan tuꞌun Tata yo Ndioxi ra xini tu soꞌo yoo va ña, ndi su ndixïyo yaꞌvi ndiaa vi ña xini soꞌo na ña, saa chi ndixïin na kandixa na ña kaꞌan ña.

Hebreos 3:19

Ra mii ña ndaa va kuvi ña chi nditäxi ndixa va Tata yo Ndioxi ña kiꞌvi na ndakindiee na xiꞌin ra, saa chi ndixïin na ña kandixa na ra.

Romanos 2:4

¡Ii!, ¿ra nichuun kundasi ndo, ña tiayu ni ini Ndioxi, xiꞌin ña kaꞌnu ni ini ra, xiꞌin ña ^xa ndiee ini ra xaꞌa takundiꞌi chiñu kiꞌvi ña ^xa ndo? ¿Ra a kundäa ini ndo xaꞌa ña tiayu ni va ra ke kuni ra ña na nandiko ini ndo nuu ra, ndakoo ndo chiñu kiꞌvi ña xa ndo?

Hechos 13:18

Ra uvi xiko saa kuiya ña ndixika na iku yuu, ra xïin va Ndioxi xa ndiee ini ra xiꞌin na.

Hechos 2:40

Ra ndataxi ni ka va ra Pedro nuu na, saa chi iin ndaa ra nindeè ra ña ndikaꞌan ra xiꞌin na, ña kachi ka ra saa: ―Sakaku ndo mii ndo nuu tundoꞌo ña vaxi nuu takundiꞌi na yuvi ñaꞌa na ndee vichin ―kachi ra xiꞌin na.

San Lucas 8:25

Ra saa ndikaꞌan ra xiꞌin ndia itaꞌan xiꞌin ra kachi ra saa: ―¿Nichuun kuëe kandixa ndo? ―kachi ra. Ra ndakanda ka vi ini ndia, ra ndiyuꞌvi ni ndia, ra saa xaꞌa ndakatuꞌun taꞌan ndia, kachi ndia saa: ―¿Yoo kuvi ra yoꞌo, ra ndia tachi xiꞌin tiakuii ra xaꞌndia ra chiñu nuu ña ra kandixa ña ra? ―kachi ndia xiꞌin taꞌan ndia.

San Mateo 16:4

Saa ndikaꞌan ka ra kachi ra saa: ―Yuvi ñaꞌa, na xïin kandixa Ndioxi ndee tiempo vichin, ra kuni na kuni na iin ña xituꞌun, ndi su ndia nii ña sä yu kuni na, chi ndia taꞌan ña ndoꞌo ra Jonás, ra ndikaꞌan ndoso tuꞌun Ndioxi xinaꞌa va ke sa yu kuni na ―kachi Jesús. Ndia saa ra ndakoo ra ndia, ra ndakiꞌin ra kuaꞌan va ra.

San Mateo 12:39

Ra saa ndakuiin Jesús kachi ra saa xiꞌin ndia: ―Yuvi ñàꞌa na xïin kandixa Ndioxi na ndee tiempo vichin, ra kuni na ña na sa yu iin ña xituꞌun kuni na, ndi su ndia nii ña xituꞌun sä yu kuni na, chi ndia taꞌan ña ndoꞌo ra Jonás, ra ndikaꞌan tuꞌun yuꞌu Ndioxi xinaꞌa va ke sa yu kuni na.

San Mateo 3:7

Ra te xini ra Juan ña kuaꞌa ka vi na fariseo xiꞌin na saduceo ndixa̱a̱ nuu íin ra, ña kuni na ña na sakuchi ra na, ra saa ndikaꞌan ra xiꞌin na kachi ra saa: ―¡Ndoꞌo yuvi ñaꞌa! ¿A xaꞌa ña ndakuchi ndo ke kuchuun ndo kaku ndo xaꞌa kuachi ndo, nuu tundoꞌo ndiee ña vaxi, tuvi ndo?

San Marcos 10:49

Saa xikundichi Jesús, ra xaꞌndia ra chiñu ña na kana na ra kuaa kan kixi ra. Ra saa kana na ra kuaa kan, kachi na saa xiꞌin ra: ―Kuayüꞌvi kun, ndakundichi koꞌo̱, chi kana ra yoꞌo ―kachi na.

San Marcos 10:14

Ra te xini Jesús ña xa ndia, saa ra nindaꞌyu ra nuu ndia kachi ra saa: ―Saña ndo na vali, na kixi na nuu yu, ra säsi ndo nuu na, chi na iyoo ta kuꞌva iyoo na vali yoꞌo ku na kuchuun kiꞌvi koo xiꞌin Ndioxi nuu xaꞌndia ra chiñu chi taxi na ña xaꞌndia chiñu ra nima na.

San Mateo 23:36

Ra ña ndaa kaꞌan yu xiꞌin ndo, chi xaꞌa nii na ndixiꞌi kan ke, kixi yaa va tundoꞌo sata ndoꞌo na ndee tiempo vichin ―*kachi Jesús xiꞌin na.

San Mateo 12:45

Ra saa ^ndakiꞌin tuku tachi ndivaꞌa kan kuaꞌan ña, ra ^nanduku ña inka uxa nuu tachi ndivaꞌa, ña kini ni ka nuu mii ña ^xaa xiꞌin ña, ra saa ^nandee takundiꞌi ña ini veꞌe kan, ña koo ña. Saa ra yuvi na ndoꞌo saa ña xindikaa tachi ndivaꞌa ini na, ra na ndiee ka ndasa va kuvi na, nuu ña ndixiyo na ta yachi. Ra suꞌva ke ndoꞌo tu yuvi ndivaꞌa, na ndee tiempo vichin va ―kachi Jesús xiꞌin ndia.

San Mateo 11:28

Ra takundiꞌi ndoꞌo, na kuñaa xachiñu, xiꞌin ndoꞌo, na kuñaa ndiso, ra naꞌa ndo nuu yu ra yuꞌu kuvi ra taxi ndakindiee ndo.

San Lucas 9:40

Ra xa xaku ndaꞌvi va yu nuu ndia itaꞌan xiꞌin kun, ña na tava ndia tachi ndivaꞌa yoꞌo, ndi su ndikuchüun vi ndia ña tava ndia ña ―kachi tiaa kan xiꞌin Jesús.

San Lucas 9:42

Ra ta kuyachin ra loꞌo kan ndixaa ra nuu Jesús, ra ndikun kuun tuku va tachi ndivaꞌa kan ra ñuꞌu, ra xaꞌa xaꞌni yiꞌi tuku va ña ra. Ra saa ndukueꞌe Jesús xiꞌin ña, ra sandaꞌa ra ra loꞌo kan, ra ndataxi ra ra ndaꞌa iva ra.