San Lucas 9:33 - Mixteco Metlatónoc

³³ Ra ta sakan ndixikutiaꞌa ndia ndita xiꞌin Jesús; ra saa ndikaꞌan ra Pedro, xiꞌin ra kachi ra saa: ―Tata Maestro, vaꞌa ni kuu ndee yo yoꞌo. Ra na savaꞌa ndi uni veꞌe tuvixin vali, ra iin ña kuu veꞌe yoꞌo, ra iin ña kuu veꞌe ra Moisés, ra iin ña kuu veꞌe ra Elías ―kachi ra xiꞌin Jesús. Ra nii ndikundäa ini ra ni ke kaꞌan ra xaꞌa vi.

San Lucas 9:33 Referans Kwoze

2 Corintios 4:6

Saa chi mii va Ndioxi, ra sandayeꞌe ñùꞌù ña kuu mii ra nuu ñaa, kuvi ra sandayeꞌe ñùꞌù ña kuu mii ra nima tu nduꞌu va, ra mii ñùꞌù kan ke chindiee taꞌan xiꞌin ndi ña vaꞌa kundaa ini ndi xaꞌa ndiee ra, ña kaꞌnu, ña yeꞌe kuu mii Tata yo Jesucristo va.

San Juan 14:8

Ra saa ndikaꞌan ra Felipe, kachi ra saa xiꞌin Jesús: ―Tata, na sa kun ña mani ñaꞌa kun Tata yo Ndioxi nuu ndi, ra kundaa ini ndi ―kachi ra.

San Lucas 5:5

Saa ndakuiin ra Simón, kachi ra saa: ―Tata Maestro, xa iinii ñuu ndaa ndixika ndi xaꞌa ri, ra ndia nii ri nditïin vi ndi. Ndi su tu xa mii kun kachi saa, ra vaꞌa, na chikaa tuku va ndi ña ―kachi ra.

San Marcos 10:38

Saa ndikaꞌan Jesús xiꞌin ndia kachi ra saa: ―Ndoꞌo, ra xïni ndo ni ke kaꞌan ndo xaꞌa vi. ¿A kiꞌin ndo kuenda ña kuchuun ndo ndoꞌo ndo tundoꞌo ña ndoꞌo yu, ra yaꞌa ndo xiꞌin yu nuu tundoꞌo ña vaxi nuu yu? ―kachi ra xiꞌin ndia.

San Mateo 17:14

Ra te xaa ndia nuu ndee yuvi kan, saa ra ndikun ndixaa iin tiaa xikusiti ra nuu Jesús, ra ndikaꞌan ra kachi ra saa:

San Mateo 17:4

Ra saa ndikaꞌan ra Pedro xiꞌin Jesús kachi ra saa: ―Tata Maestro, tiaa ni vaꞌa ña ndee yo yoꞌo vichin. Tu kuni kun ra na savaꞌa ndi uni veꞌe tuvíxi̱n vali: iin ña koo veꞌe yoꞌo, ra iin ña koo veꞌe ra Moisés, ra iin ña koo veꞌe ra Elías ―*kachi ra xiꞌin Jesús.

San Lucas 9:34

Ra sakan ta kaꞌan va ra, saa nduxinu viko sata ndia. Ra ta xini ndia viko kan ra ndiyuꞌvi ni ndia.

San Lucas 9:49

Ra saa ndikaꞌan ra Juan xiꞌin Jesús kachi ra saa: ―Tata Maestro, xini ndi iin tiaa, ra tava ra tachi ndivaꞌa xiꞌin kivi kun. Ra ndikaꞌan ndi xiꞌin ra, ña na kuniñüꞌu ka ra kivi kun, chi süvi ra itaꞌan xiꞌin yo kuvi ra ―kachi ra.