San Lucas 9:32 - Mixteco Metlatónoc

³² Ra nii kuni kusun ni va ra Pedro, ra saa tu ndia itaꞌan xiꞌin va ra, ndi su ndikïxi ndia. Ña kan ke vaꞌa xini ndia ña ndayeꞌe Jesús, xiꞌin uvi ndia ndita xiꞌin ra.

San Lucas 9:32 Referans Kwoze

San Juan 1:14

Ra ña kuu tuꞌun kan ke nduu iin tiaa va, ra ra kan kuvi ra kixi ndixiyo nuu ña yuuvi yoꞌo va. Ra xini nuu va ndi ndiee ña taxi iva ra ndaꞌa ra, ña kuu ra ra mituꞌun, ra ndañaꞌa ra mii ra nuu ndi ña kuu ra ra ndaa, ra kuꞌvi ni ini ra xini ra yoo.

2 San Pedro 1:16

Ra ña sañaꞌa ndi ndoꞌo, xaꞌa ndiee Tata yo Jesucristo, xiꞌin xaꞌa kii ña kixi ra, ra süvi iin tuꞌun chiꞌña ña ndisandaku mii ndi kuvi ña, chi ña xini nuu mii va ndi kuvi ña kaꞌnu ni Tata yo Jesucristo ña kan va ke sañaꞌa ndi ndoꞌo.

San Juan 17:24

’Ra na taxi kun ndaꞌa yu yo̱ꞌo̱, Tata, ra kuni yu ña na kundee na xiꞌin yu nuu koo yu, ra saa ke vaꞌa na kuni na ña kaꞌnu, ña taxi kun ndaꞌa yu; saa chi yoꞌo kuvi ra xa kuꞌvi ni ini xini yuꞌu te täan kukava xaꞌa ña yuuvi yoꞌo vi.

1 San Juan 3:2

Ñani yo, ña ndixa ke xa kundaa va ini yo ña kuu yo seꞌe Tata yo Ndioxi, ndi su küvi vi tandiaa yo ña kundaa ini yo xaꞌa ña nduvi ña sa ra xiꞌin yo kii ña vaxi, ndi su te xa na xaa kii ña nandiko Tata yo Jesucristo kixi ra, ra ta kuꞌva iyoo mii va ra ke koo yo, saa chi kuni yo ra ta kuꞌva kaa va ra.

San Marcos 14:40

Ra te nandiko ra, xaa tuku ra nuu ndee ndia, ra kixi tuku va ndia, chi iin vevee takaa maꞌna nuu ndia ra tiaa ni kuni kusu ndia, ra nii ninïꞌi ndia ni ke kachi ndia xiꞌin ra.