San Lucas 8:48 - Mixteco Metlatónoc

⁴⁸ Ra saa ndikaꞌan Jesús xiꞌin ña, kachi ra saa: ―Seꞌe, xaꞌa ña ndiaa ini kun yuꞌu va ke xa nduvaꞌa kun. Ra vichin kuanuꞌu, ra ndïꞌi ka ini kun ―kachi ra xiꞌin ña.

San Lucas 8:48 Referans Kwoze

San Lucas 7:50

Saa ndikaꞌan Jesús xiꞌin ñaꞌa kan, kachi ra saa: ―Xaꞌa ña kandixa kun yuꞌu va ke ndikaku kun, ra vichin kuanuꞌu, ra ndïꞌi ka ini kun ―kachi ra xiꞌin ña.

San Mateo 9:22

Ra saa ndikokuiin Jesús, ra ndakotoꞌni ra nuu ña, ra ndikaꞌan ra xiꞌin ña kachi ra saa: ―Kuayüꞌvi kun seꞌe, chi xa nduvaꞌa va kun, xaꞌa ña ndiaa ini kun yuꞌu ―kachi ra xiꞌin ña. Saa ra ndikun mii hora kan ke nduvaꞌa va ña.

Hebreos 4:2

Ra ta kuꞌva iyoo na xii xikua yo kuvi tu ña iyoo yoo va, saa chi xini soꞌo na kan tuꞌun Tata yo Ndioxi ra xini tu soꞌo yoo va ña, ndi su ndixïyo yaꞌvi ndiaa vi ña xini soꞌo na ña, saa chi ndixïin na kandixa na ña kaꞌan ña.

Hechos 14:9

Ra tiaa ka vi soꞌo ra ña kaꞌan ra Pablo nduꞌu ra, ra saa iin kaxi kaxi ndakotoꞌni ra Pablo nuu ra, ra kundaa ini ra ña ndinuni ni va kandixa tiaa kan, ña kuchuun Ndioxi sandaꞌa ra ra.

San Lucas 17:19

Ra saa ndikaꞌan Jesús xiꞌin tiaa kan kachi ra saa: ―Ndakundichi ra kuaꞌan nuu ra sutu; saa chi xaꞌa ña kandixa va kun ke nduvaꞌa kun ―kachi Jesús xiꞌin ra.

San Marcos 5:34

Saa ndikaꞌan Jesús xiꞌin ña kachi ra saa: ―Seꞌe, xaꞌa ña kandixa kun yuꞌu ke xa ndikaku kun. Ra kuanuꞌu veꞌe kun, ra ndïꞌi ka ini kun, chi xa nduvaꞌa va kun ―kachi ra xiꞌin ña.

2 Corintios 6:18

ra kuu yu Tata ndo, ra ndoꞌo ndia tiaa xiꞌin na siꞌi kuu seꞌe va yu, kachi Tata yo Ndioxi ra kaꞌnu ndikaꞌan ra.

San Lucas 18:42

Ra saa ndikaꞌan Jesús xiꞌin ra kachi ra saa: ―¡Kotoꞌni! Chi xaꞌa ña kandixa va kun ke nduvaꞌa kun ―kachi ra.

San Mateo 8:13

Ra te ndiꞌi saa ndikaꞌan Jesús xiꞌin ra soldado kan kachi ra saa: ―Kuanuꞌu veꞌe kun, chi ra xachiñu nuu kun, ra xa nduvaꞌa va ra, chi ta kuꞌva ^kandixa kun saa kuu va ―kachi Jesús xiꞌin ra. Saa ra ndikun mii hora kan nduvaꞌa ndixa va ra xachiñu nuu ra soldado kan.

San Mateo 12:20

Ra yuvi na xa takueꞌe, na ndoꞌo, ta kuꞌva ndoꞌo iin ndoo ñuꞌu tun xa nditaꞌnu, ra satakuëꞌe ka ra na; ra nii iꞌva loꞌo ña sakan ndixikun, ndäꞌva ra, ra saa ke ^sa va ra ndia te xaa kii ña ndakiꞌin ra kaꞌndia ra chiñu xiꞌin ña ndaa va.

San Mateo 9:2

Ra saa kuu, ra ndixaa va sava na xiꞌin iin ra kueꞌe küvi kaka, ra kanduꞌu ra nuu ixto ndixaa ra xiꞌin na nuu Jesús. Ra te xini Jesús ña ndinuni ni ndiaa ini na ra, ña kuchuun ra sanduvaꞌa ra ra nduchiꞌña kan, ra saa ndikaꞌan ra xiꞌin ra nduchiꞌña kan kachi ra saa: ―Kusüchi ini kun seꞌe, chi xa xa kaꞌnu va ini yu xaꞌa kuachi kun ―kachi ra xiꞌin ra.

San Lucas 8:47

Ra te kundaa ini ñaꞌa yoꞌo ña ndiküvi koo seꞌe, ña ndoꞌo ña, ra iyuꞌvi ka vi ña, ra iin ndiakua kisi ña ña xaa ña ndixkusiti ña nuu Jesús. Ra nuu ndiꞌi na ndakani ña ni xaꞌa ke nditiandiaa ndaꞌa ña tikoto ra. Chi ta nditiandiaa ndaꞌa suꞌva ña tikoto ra, saa ra ndikun nduvaꞌa va ña.