San Lucas 8:13 - Mixteco Metlatónoc

¹³ Ra ña ndikoyo tiañu yuu, kuvi yuvi na xini soꞌo tuꞌun Ndioxi. Ra kusii ni ini na ndakiꞌin na ichi Ndioxi, ndi su kuëe kunu ñuꞌu tioꞌo ña nima na, chi loꞌo ni va tiempo ^kandixa na, ra ta vaxi tundoꞌo nuu na, saa ra ndiko ini va na.

San Lucas 8:13 Referans Kwoze

San Juan 5:35

Ra ra Juan ra ta iyoo iin ñùꞌù ña vaꞌa ni tuun va ke ndixiyo ra kan, ra xiin va ndo kusii ini ndo xiꞌin ñùꞌù yeꞌe ña kuu mii ra iin kani loꞌo.

Judas 1:12

Ra ndia kaꞌan tuꞌun chiꞌña kan, ra ndia sandiꞌi va kuvi ndia xaꞌa viko ña ndatava ndo ña ndakaꞌan ndo xaꞌa Tata yo Jesucristo te xa xaa ndia nuu ndee ndo, saa chi kuëe kukaꞌan vi nuu ndia, chi xixi ndia ndiakua sakutu ndia tixi va ndia. Ra ta iyoo vi̱ko̱ ña vaxi kuun savi, ra ndachi ña xa tachi va ke iyoo ndia, ra iyoo tu ndia ta kuꞌva iyoo itun tun tuꞌun va na, ra köo ka yaꞌvi ndiaa nu, ra nii kuiꞌi tu küun ka ndaꞌa va nu.

2 San Pedro 2:22

Ra ña xa ndakoo ndia chiñu yakua kan, ra tuku va nandiko ndia ^xa ndia ña, saa ra ta kuꞌva kachi tuꞌun ndichi, ña kachi suꞌva va ke ^xa ndia: “Tina, ra tuku va nandiko ri xaxi ri xuxan ri”, ra xinu tu nuu tuꞌun ndichi ña kachi suꞌva va: “Kini, ra ta sakan ndiꞌi sakuchi na ri, ra ndikun nandiko tuku va ri kuaꞌan ri ndita ri nuu ndiaꞌyu”, kachi ña.

2 San Pedro 2:20

Ra ndia kaꞌan tuꞌun chiꞌña kan, ra suꞌva va ke kuu xiꞌin ndia: te sakan ndakundikun ndia Tata yo Jesucristo, ra sakaku va ra ndia nuu takundiꞌi ñaꞌa yakua iyoo nuu ña yuuvi yoꞌo. Ra saa kuu ra nandiko tuku va ndia ^xa ndia chiñu yakua kan, ra vichin, ra xa chiñu yakua kan va kuvi ña ^xaꞌndia chiñu nuu ndia; ra mii ña ndaa, ra tiaa ni ka va ndaku ^xaꞌndia chiñu kuachi kan nuu ndia vichin, nuu ña te täan ndakundikun ndia Tata yo Jesucristo.

Hebreos 10:39

Ndi su yoo, ra kuëe iyoo yo ta kuꞌva iyoo yuvi na nandiko chi sata, ra ndiꞌi xaꞌa na, chi yoo, ra Tata yo Ndioxi va kuvi ra ndiaa ini yo, ra ndiatu tu yo ña sakaku ra nima va yo.

Efesios 3:17

Saa chi saa ke vaꞌa koo Cristo nima ndo xaꞌa ña ndiaa ini ndo ra, ra saa ke kuvi koo ni tu ña kuꞌvi ini ña taxi Ndioxi va nuu ndo, ra koo ndaku nima ndo.

Santiago 2:26

Ra mii saa kuvi tu ña iyoo iki kuñu va yo, saa chi tu köo ña tiaku ña, saa ra köo yaꞌvi ndiaa vi ña, ra saa ke iyoo tu ña ndiaa ini yo Tata yo Ndioxi va, saa chi tu kuëe xa yo chiñu ña xaꞌndia ra nuu yo, saa ra küvi tu ndañaꞌa yo mii yo ña ndiaa ini va yo ra.

1 Timoteo 1:19

Ra ndia nii kii na nandïko ini kun ña ndiaa ini kun Tata yo Ndioxi, ra niña ña chiñu vaꞌa va na ^sa kun, ra saa ke ndia nii na nïꞌi taxi kuachi xaꞌa kun. Saa chi sava na, ra ndixïin vi na ña sa na ña vaꞌa yoꞌo, chi ña xa na ke kundasi va na ña, ra xaꞌa ña ke ndiꞌi tu xaꞌa ndiee na ña kundikun na Tata yo Jesucristo va.

1 Tesalonicenses 3:5

Ra xaꞌa ña ndikundäa ini yu xaꞌa ndo, kuvi ña ndiküvi ka kunduꞌu taxin yu, chi ña xa yu ke tiꞌvi yu ra ñani yo Timoteo ndixaa ra xitoꞌni ra ndoꞌo va, ña vaꞌa na kundaa ini ra, a ndiaa ka ini ndo Tata yo Jesús, saa chi ña ^ndiꞌi ini yu kuvi ña iyo ni kotondoso Timiaꞌa ndoꞌo, ra nandiko ini ndo, saa chi tu na nandiko ini ndo, saa ra ña uun va kuvi ña ndatuꞌun ndi xiꞌin ndo.

Colosenses 2:7

Ra iin ta kuꞌva iyoo ña kutuꞌva ndo ke na sa va ndo, ra iin takundiꞌi kii va na kondiaa ini ndo Tata yo Jesucristo, ra ta kuꞌva kachi tuꞌun ña kutuꞌva ndo ke na kutiaku va ndo, saa chi saa ke kuvi tandiaa ndo kuu ndo yuvi xixa, na xini vaꞌa va, ra iin takundiꞌi kii tu na ndataxi ndo tixaꞌvi ndaꞌa Tata yo Ndioxi va.

Gálatas 3:4

Ra tu ^ndakoo va tu ndo Cristo, ra ndakundikun tuku ndo ndiayu Ndioxi ña ndakoo ra Moisés, saa ra köo yaꞌvi ndiaa vi ña ndoꞌo ni ndo xaꞌa ña ndakundikun Cristo ta yachi.

Gálatas 3:1

¡¿Nichuun ke kiꞌvi ni xa ndo, na Galacia?! ¿Ra yoo kuvi na kava xini ndo, ña xïin ka ndo kandixa ndo ña ndaa? ¿A su ta ndikaꞌan ndoso ndi nuu ndo, ra iin kaxi kaxi va ndakani ndi xaꞌa Tata yo Jesucristo, ra xitakaa ndika cruz nuu ndo?

1 Corintios 15:2

Ra tu na ndakundiee ndo ña kundikun ndo tuꞌun vaꞌa kan, saa ra kaku va ndo, ndi su tu na nandiko va tu ndo, saa ra ña uun va ke kandixa ndo ña.

San Juan 15:6

Ra yuvi na ndïkun ndiaa yuꞌu, ra kutia va na, ra ndachi va tu na, ra ndoꞌo na ta kuꞌva ndoꞌo yoꞌo vali ndaꞌa teꞌe uva ña xitia ra ndachi ña, ra te ^ndiꞌi ndakaya na ña, ra taan na ña nuu ñùꞌù xixi va ña.

San Juan 15:2

Ra takundiꞌi yoꞌó vali ndaꞌa ña, ña kuëe taxi uva, ra kaꞌndia ndiꞌi va ra ña, ra ña taxi uva, tu ndaxatia va ra, ña vaꞌa kuaꞌa ni ka uva na taxi va ña.

Colosenses 1:23

ra ña vaꞌa na xaa ndo nuu Ndioxi, ra ña xiniñuꞌu va kuvi ña ndaku ni na koo nima ndo, ña kundikun ndo Tata yo Jesucristo, ña vaꞌa na ndaköo ndo tuꞌun vaꞌa xaꞌa Tata yo Jesucristo ña xini soꞌo ndo. Ra tuꞌun vaꞌa yoꞌo, ra xa iinii kuvi va nuu ña yuuvi xini soꞌo na ña, ra suvi kuvi tu ña kaꞌan ndoso yuꞌu, ra Pablo va.

1 Corintios 13:2

Ra vaꞌa ni na ^kaꞌan tu yu tuꞌun ña ^taxi Ndioxi va, ra nii na kundaa ini tu yu xiꞌin takundiꞌi va ña iyoo seꞌé, ra nii na koo kuaꞌa ni tu ña xinituni va nuu yu, ra nii na kondiaa ni va ini yu Ndioxi ña kuvi kaꞌan yu xiꞌin iku ña ndasama ña nuu iin ña, ndi su tu köo ña kuꞌvi ini ña taxi Ndioxi iyoo nima yu, saa ra ^köo vaꞌa yaꞌvi ndiaa vi yu.

San Marcos 6:20

Ndi su mii ra Herodes ra iyuꞌvi ini va ra xini ra ra Juan, chi kundaa ini ra ña kuu ra Juan iin tiaa vaꞌa, ra ndaa, ra yii; ña kan ke xindiaa va ra ra, ra nditäxi ra kuvi ra. Ra te xini soꞌo ra Herodes ña kaꞌan ra Juan xiꞌin ra, ra xaꞌa ndataꞌvi ña xi̱ni̱ ra, ra iin sana suꞌva ini ra, ra nii nïꞌi ra ni ke sa ra, ra vaꞌa ni saa ndo̱ꞌo va ra, su ndi kusii ka vi ini ra xini soꞌo ra ña kaꞌan ra Juan.

1 San Juan 2:19

Ra yuvi na kaꞌan yo xaꞌa yoꞌo, ra xiꞌin va yo ke xitaꞌan na te yachi, ra vichin, ra ndakoo va na ña ndikun na Tata yo Jesucristo, ndi su mii ña ndaa, ra süvi ndixa na ndixindikun Tata yo Jesucristo vi kuvi na, saa chi tu ndixa na ndixindikun Tata yo Jesucristo kuvi na, ra xiꞌin va yo ke kitaꞌan na. Ndi su xaꞌa ña ndixïin na kitaꞌan na xiꞌin yo, ra ña vaꞌa na kundaa ini yo xaꞌa na ña kuëe ndikun na Tata yo Jesucristo va kuvi ña.

San Lucas 8:12

Ra ña ndikoyo yuꞌu ichi, kuvi yuvi na xini soꞌo tuꞌun Ndioxi. Ra xaa timiaꞌa tava ri ña nima na, ña na kandïxa na Ndioxi ra käku na.

San Lucas 8:14

Ra ña ndikoyo tiañu ìñu̱, kuvi yuvi na xini soꞌo tuꞌun Ndioxi, ndi su kuee kuee naa ini va na xaꞌa tuꞌun Ndioxi. Ra xaꞌa ndakundiꞌi ini na xaꞌa ña kuika, xiꞌin xaꞌa ña sii ini iyoo nuu ña yuuvi yoꞌo va, ra xä ka na ña vaꞌa.