San Lucas 7:40 - Mixteco Metlatónoc

⁴⁰ Ra saa ndikaꞌan Jesús xiꞌin ra kachi ra saa: ―Simón, iyoo iin ña kuni yu kaꞌan yu xiꞌin kun ―kachi ra. Ra saa ndakuiin ra Simón, kachi ra saa: ―Vaꞌa va, kaꞌan xiꞌin yu Tata Maestro ―kachi ra.

San Lucas 7:40 Referans Kwoze

San Juan 16:30

Ra vichin ke kundaa kaxi ini ndi ña kundaa ini kun xaꞌa takundiꞌi va ñaꞌa, saa chi vaꞌa ni ndakatüꞌun vi na yoꞌo, ra xa kaꞌan va kun ña kuni na ndakatuꞌun na. Ra xaꞌa ña kan ke kandixa va ndi yoꞌo ña kee kun nuu Ndioxi ―*kachi ndia.

San Juan 16:19

Ra kundaa va ini Jesús ña kuni ndia ndakatuꞌun ndia ra, ra saa ndikaꞌan ra xiꞌin ndia kachi ra saa: ―¿A xaꞌa ña ndikaꞌan yu xiꞌin ndo, ña saloꞌo ni kii kumani ra küni ka ndo yuꞌu, ra te xa na yaꞌa loꞌo kii, saa ra kuni tuku va ndo yuꞌu, ke ndakatuꞌun ndo xaꞌa?

San Juan 13:13

Ndoꞌo, ra Tata Maestro kachi ndo xiꞌin yu, ra vaꞌa kaꞌan va ndo, saa chi suvi kuvi va yu.

San Juan 3:2

Ra saa kuu, ra kee ra iin ñuu ndixaꞌan ra nuu Jesús, ra ndikaꞌan ra xiꞌin ra kachi ra saa: ―Maestro, kundaa va ini ndi ña ndixa ke Ndioxi kuvi va ra tiꞌvi yoꞌo xaa kun ña sañaꞌa kun nduꞌu, saa chi ndia nii na kuchüun sa ña xituꞌun ña xa kun yoꞌo, tu köo Ndioxi íin xiꞌin na ―kachi ra.

San Lucas 18:18

Ra saa kuu ra ndindakatuꞌun iin ra itia ra kuika ra kuu ra xikuaꞌa Jesús kachi ra saa: ―Tata Maestro, ra vaꞌa, ¿ni ke sa yu ña vaꞌa niꞌi taꞌvi yu kutiaku yu xiꞌin Ndioxi ndiaa ndikaa ndikuꞌun? ―kachi ra xiꞌin Jesús.

San Lucas 6:8

Ra xa kundaa va ini Jesús ña ndakani ini ndia. Ra saa ndikaꞌan ra xiꞌin ra kue̱ꞌe ndaꞌa kan, kachi ra saa: ―Ndakundichi ra na kuni takundiꞌi na yoꞌo ―kachi ra xiꞌin ra. Saa ra ndikun ndakundichi va ra kue̱ꞌe ndaꞌa kan maꞌñu na.

San Lucas 5:31

Ra saa ndakuiin Jesús, kachi ra saa xiꞌin ndia: ―Na iyoo vaꞌa ini, ra xiniñüꞌu vi na kan na xatatan, chi na ndiee ndoꞌo va ku na xiniñuꞌu na xatatan.

San Lucas 5:22

Ra kundaa kuaꞌa va ini Jesús ña ^ndakani ini ndia, ra saa ndikaꞌan ra xiꞌin ndia, kachi ra saa: ―¿Nichuun ndakani ini ndo ña köo ndiayu yu ña sakaꞌnu ini yu xaꞌa kuachi yuvi?

San Mateo 7:22

Ra te na xaa kii ña sandaku Ndioxi kuachi xiꞌin na ñuu yuuvi yoꞌo, ra kuaꞌa ni va na kaꞌan xiꞌin yu kii kan kachi na saa: “Tata, Tata, ¿nichuun ndaküꞌun nuu kun nduꞌu?, chi nduꞌu, ra xiꞌin kivi kun ndikaꞌan ndoso ndi tuꞌun Ndioxi nuu yuvi, ra xiꞌin kivi kun tava tu ndi tachi ndivaꞌa va, ra kuaꞌa ni tu ña xituꞌun va xa ndi xiꞌin kivi kun”, kachi na xiꞌin yu.

San Mateo 26:49

Ra te ndixaa ndixa ra Judas, saa ra ndikun kuyachin va ra nuu iin Jesús, ra ndikaꞌan ra xiꞌin ra kachi ra saa: ―¿A iyoo vaꞌa kun, Tata Maestro? ―kachi ra xiꞌin ra. Ra saa nditiandiaa yuꞌu ra nuu Jesús, ña ndikaꞌan Ndioxi ra xiꞌin ra.

San Lucas 7:39

Ra ta xini ra Simón ña xa ñaꞌa kan, saa xaꞌa ra ndakani ini ra, kaꞌan ra saa: “Süvi ndixa vi ra kaꞌan tuꞌun yuꞌu Ndioxi kuvi ra yoꞌo, saa chi tu ndixa suvi ra, saa ra xa kundaa va ini ra ndia ñaꞌa kuvi ña yoꞌo, saa chi süvi ña vaꞌa kuvi ña”, kaꞌan ra.

San Lucas 7:41

Ra saa xaꞌa Jesús ndakani ra iin tuꞌun ndichi kachi ra saa: ―Saa ndoꞌo uvi tiaa ndia xinika xuꞌun nuu iin ra satatu xuꞌun yuvi. Iin ra xinika uꞌun ciento denario, ra inka ra xinika uvi xiko uxi ña.