San Lucas 7:37 - Mixteco Metlatónoc

³⁷ Ra suvi mii ñuu kan iyoo iin ñaꞌa, ña iyoo ni kuachi, ra nduꞌu ni tuꞌun kiꞌvi xaꞌa ña. Ra ta kundaa ini ña ña ndixaa Jesús kuxi ra xiꞌin ra Simón, ra saa ndixaa ña ra niꞌi ña iin yuyu, ra iin chitu ndaa ña xiꞌin ndutia ra xaꞌan tami, tia yaꞌvi ni.

San Lucas 7:37 Referans Kwoze

San Lucas 5:32

Saa chi yuꞌu, ra växi yu chindiee taꞌan yu xiꞌin na vaꞌa, na köo kuachi, tuvi na. Chi xaꞌa na iyoo kuachi va ke xaa yu, ña vaꞌa na ndandiko ini na ra ndakiꞌin na ichi Ndioxi ―kachi Jesús xiꞌin ndia fariseo.

San Mateo 21:31

¿Ra ndia iin ndia kan kuvi ndia xiin xa suvi chiñu ña xaꞌndia iva ndia nuu ndia, tuvi ndo? ―kachi Jesús xiꞌin na. Ra saa ndakuiin na kachi na saa: ―Ra nuu va ku ra xiin xachiñu nuu iva ―kachi na. Ra saa ndikaꞌan ka Jesús xiꞌin na kachi ra saa: ―Ña ndixa ke kaꞌan yu xiꞌin ndo vichin, chi na kaya xuꞌun ndaꞌa na ñuu, ña kuaꞌan ndaꞌa gobierno ñuu Roma, xiꞌin na siꞌi na ixiko mii, ra xiꞌna ka va na kan kuvi na kunuu kiꞌvi nuu xaꞌndia Ndioxi chiñu nuu ndoꞌo.

1 San Pedro 4:18

Ra saa ke kachi tu tuꞌun Tata yo Ndioxi ña kachi suꞌva va: Tu yuvi na xa chiñu vaꞌa, ra uꞌvi ni saa kaku na saa ra, ¿ni ke sa tu yuvi ñaꞌa na na xïin kandixa Tata yo Ndioxi ña kaku na?, kachi ña.

1 Timoteo 1:9

Ra xa kundaa ini yo chi nditäxi vi Tata yo Ndioxi ndiayu ra ndaꞌa ra Moisés xaꞌa yuvi na xa kandixa ña kaꞌan ña, chi xaꞌa yuvi na xïin kandixa ña kaꞌan va ña kuvi ña taxi ra ña. Ta kuu yuvi iku, xiꞌin yuvi xïin kandixa Tata yo Ndioxi, xiꞌin yuvi kuachi, xiꞌin yuvi ñaꞌa xïin satoꞌo Tata yo Ndioxi, xiꞌin yuvi na xaꞌni iva, xiꞌin yuvi na xaꞌni siꞌi, xiꞌin yuvi na xaꞌni ñani taꞌan,

San Lucas 18:13

Ndi su tiaa ra kaya xuꞌun kan, ra xika va xikundichi ra. Ra nii ndixäa ndiee ini ra ña ndoniꞌi ra nuu ra ndivi, chi ndika va ra kani ndaꞌa ra kachi ra saa: “¡Tata Ndioxi, na kundaꞌvi ini kun kuni kun yuꞌu. Saa chi yuꞌu, ra iyoo ni kuachi yu!”, kachi ra.

San Lucas 5:30

Ra ndia fariseo, xiꞌin ndia sañaꞌa ndiayu Ndioxi ña ndakoo ra Moisés, ra xaꞌa ndia xa kuachi ndia ra ndikaꞌan ndia xiꞌin ndia itaꞌan xiꞌin Jesús, kachi ndia saa: ―¿Nichuun xixi ndo xiꞌin ndia kaya xuꞌun ndaꞌa yuvi, xiꞌin sava ka yuvi kuachi? Ra süvi na vaꞌa kuvi na ―kachi ndia.

Romanos 5:8

Ndi su siin va tu xa Ndioxi, chi ndañaꞌa va ra ña kuꞌvi ni ini ra ^xini ra yoo, ra vaꞌa ni iyoo ni va kuachi yo, ndi su tiꞌvi va ra Cristo kixi ra ña ndixiꞌi ra xaꞌa yo.

San Juan 11:2

Ra ña María, kuvi ña kosondiee ndutia xaꞌan tami xaꞌa Jesús, ra ndakuꞌva ña ña xiꞌin ixi xini ña.

1 Timoteo 1:15

Ra na kundaa ini kun chi tuꞌun ña kaꞌan yu xiꞌin kun yoꞌo, ra ña ndaa ni va kuvi ña, ña kan ke xiniñuꞌu kandixa takundiꞌi va yuvi ña: Tata yo Jesucristo kuvi ra kixi sakaku takundiꞌi va yuvi na iyoo kuachi, ndi su yuꞌu, ra iyoo ni ka va kuachi yu nuu na kan.

San Juan 9:31

Ra xa kundaa va ini yo chi Ndioxi, ra tiäa soꞌo vi ra tuꞌun ña kaꞌan yuvi kuachi xiꞌin ra, ndi su xini va tu soꞌo ra ña kaꞌan na ndasakaꞌnu kivi ra xiꞌin na xa ña kuni ra.

San Juan 9:24

Saa ndakana tuku va ndia judío ra ndixiyo kuaa kan, ra ndikaꞌan ndia xiꞌin ra kachi ndia saa: ―Chunaꞌa Ndioxi tu ndixa ña ndaa kuvi ña ndatuꞌun kun xiꞌin ndi; saa chi nduꞌu, ra kundaa va ini ndi ña kuu ra iin tiaa ra iyoo kuachi ―kachi ndia xiꞌin ra.

San Lucas 19:7

Ra ta xini yuvi kan ña ndakiꞌin Jesús kuaꞌan ra xiꞌin ra Zaqueo, saa ra xaꞌa na kañaꞌa na xaꞌa ra kachi na saa: ―¿Nichuun kuaꞌan Jesús veꞌe ra Zaqueo? Saa chi süvi ra vaꞌa kuvi ra ―kachi na.

San Lucas 7:34

Ra vichin xaa tu yuꞌu, ra tiꞌvi Ndioxi; ra ^xixi yu, ra ^xiꞌi yu vino, ra kaꞌan ndo xaꞌa yu: ña xixi ni yu, ra xiꞌi ni yu vino, ra itaꞌan tu yu xiꞌin yuvi kuachi, xiꞌin na maña na kaya xuꞌun kuaꞌan ndaꞌa gobierno ñuu Roma va, kachi ndo.

San Lucas 7:36

Iin ra nani Simón ra itaꞌan xiꞌin ndia fariseo ra ndixaꞌan ra ndikaꞌan ra xiꞌin Jesús ña kuꞌun ra kuxi ra xiꞌin ra. Ra saa ndixaa Jesús ndixkunduꞌu ra nuu mesa.