San Lucas 7:24 - Mixteco Metlatónoc

²⁴ Ra ta ndakiꞌin ndia tiꞌvi ra Juan kuanuꞌu ndia, ra saa xaꞌa Jesús kaꞌan ra xaꞌa ra Juan xiꞌin na ndee kan, kachi ra saa: ―¿Ndixa kaa tiaa ra ndixaꞌan ndo xini ndo iku yuu kan? ¿A xini ndo iin tiaa ra kisi ña, ta kuꞌva ndoꞌo iin ndoo ñuꞌu ta xika tachi?

San Lucas 7:24 Referans Kwoze

Efesios 4:14

Ra ta xa na kuxixa ini yo, saa ra köo ka vi yo ta kuꞌva iyoo na kuachi na kama ni ndasama ña xinituni, na kama ni ndakundikun ndia ndia ka ña sañaꞌa inka yuvi. Saa chi, saa ra kuïin ka vi yo ña taxi yo sandaꞌvi yuvi na maña yoo, ña kuꞌun yo inka ichi kiꞌvi.

San Lucas 3:2

Ra suvi mii kuiya kan ke xikuu ra Anás xiꞌin ra Caifás, sutu ndia kunaꞌnu nuu takundiꞌi ndia sutu ndia ñuu Israel, ra saa ke ndikaꞌan Ndioxi xiꞌin ra Juan, seꞌe ra Zacarías, iin iku yuu.

San Lucas 1:80

Saa kuu xaꞌnu ra loꞌo Juan xiꞌin ndiee Ndioxi, ra ndixinu tiaa va ra. Ra niña iku ichi va ndixiyo ra, iin saa ndia te ndixaa kii ña ndita ra ndikaꞌan ndoso ra tuꞌun Ndioxi nuu na ñuu Israel va.

2 San Pedro 3:17

Ra ña xa kundaa ini ndoꞌo xaꞌa takundiꞌi ña kuu, ñani yo, ra na täxi ndo ña sandaꞌvi ndia sañaꞌa tuꞌun chiꞌña kan ndoꞌo, saa chi tu na taxi ndo ña sandaꞌvi ndia ñaꞌa kan ndoꞌo, saa ra ^xaꞌa kuvita ini va ndo ra kundïkun ka vi ndo ña ndinuni ni kandixa ndo te yachi.

2 San Pedro 2:17

Ra ndia kaꞌan tuꞌun chiꞌña kan, ra köo mii yaꞌvi ndiaa vi ndia, saa chi ta kuꞌva iyoo pozo ña köo tiakuii ini, xiꞌin viko ña vaxi kuun savi, ra ndachi ña xa tachi va ke iyoo ndia; ra xaꞌa ña kan ke kuꞌun ndia nuu ñaa ña ndoꞌo ni ndia ndia ndikaa ndikuꞌun.

San Juan 1:23

Saa ndakuiin ra Juan kachi ra saa: ―Yuꞌu kuvi ra tiꞌvi Ndioxi vaxi iku iyu, ra ^kaꞌan yu xiꞌin ndo kachi yu saa: “Ndasandaku ndo nima ndo nuu Ndioxi”, ta kuꞌva kachi ra Isaías ra ndikaꞌan tuꞌun yuꞌu Ndioxi xinaꞌa ―*kachi ra xiꞌin ndia.

San Lucas 7:23

Ra vaꞌa ni ^kee yuvi na ndikun yuꞌu, ra kuëe xa uvi ini na xaꞌa tuꞌun ña kaꞌan yu xiꞌin na ―kachi Jesús xiꞌin ndia.

San Lucas 7:25

Ra tu süvi saa kaa ra, ¿ra ndixa ke kaa tiaa ra ndixaꞌan ndo xini ndo? ¿A xini ndo iin tiaa ra ndixi tikoto vaꞌa, ña yaꞌvi? Ra xa kundaa ini ndo chi na ndixi tikoto vaꞌa, ña savi, ra vaꞌa ni va iyoo na kan, ra veꞌe vaꞌa nuu ndee na Rey va ndee na.