San Lucas 7:16 - Mixteco Metlatónoc

¹⁶ Ra te xini yuvi kan ña ndatiaku ra, ra ndiyuꞌvi ni na. Ra xaꞌa na ^ndasakaꞌnu na Ndioxi, kachi na saa: ―Iin ra kaꞌnu, ra kaꞌan ndoso tuꞌun yuꞌu Ndioxi kuvi ra xaa nuu yo. Chi Ndioxi kuvi ra xaa chindiee taꞌan xiꞌin yo ―*kachi na.

San Lucas 7:16 Referans Kwoze

San Lucas 7:39

Ra ta xini ra Simón ña xa ñaꞌa kan, saa xaꞌa ra ndakani ini ra, kaꞌan ra saa: “Süvi ndixa vi ra kaꞌan tuꞌun yuꞌu Ndioxi kuvi ra yoꞌo, saa chi tu ndixa suvi ra, saa ra xa kundaa va ini ra ndia ñaꞌa kuvi ña yoꞌo, saa chi süvi ña vaꞌa kuvi ña”, kaꞌan ra.

San Mateo 9:8

Ra te xini takundiꞌi yuvi kan ña kuu, saa ra ndakanda ka vi ini na, ra ndasakaꞌnu ka vi na Ndioxi, xaꞌa ña taxi ra ndiee ra ndaꞌa na yuuvi yoꞌo.

San Lucas 1:68

Kaꞌnu ni na koo Ndioxi, ra kiꞌin kuenda xiꞌin yoo, na ñuu Israel, chi xa xaa va ra sakaku ra yoo.

San Lucas 5:26

Ra ndakanda ka vi ini yuvi xaꞌa ña xa Jesús. Ra ndasakaꞌnu ni na Ndioxi. Ra ndayuꞌvi ka vi ini na, kachi na saa: ―¿Ni ke yoꞌo? Ndia nii kii täan kuni yo ña, ra ndia vichin xini yo ña xituꞌun yoꞌo ―kachi na xiꞌin taꞌan na.

San Lucas 2:20

Ra saa nandiko ndia paxto kan kuanuꞌu va ndia. Ra kusii ka vi ini ndia xaꞌa ña xini soꞌo ndia xiꞌin ña xini ndia ra ^ndasakaꞌnu ka vi ndia Ndioxi kuaꞌan ndia. Chi iin ta iyoo ña ndikaꞌan ra tatun Ndioxi xiꞌin ndia, ra iin saa ke iyoo ña xini va ndia.

San Lucas 1:65

Ra ndakanda ka vi ini na taꞌan ra Zacarías ta xini soꞌo na xaꞌa ña kuu kan. Ra iin ndisaa kuvi ñuu kuñuꞌu ña ndikun chi Judea ndindutia ndoso tuꞌun xaꞌa ña kuu.

San Mateo 21:11

Saa ndakuiin na kuaꞌan xiꞌin Jesús kachi na saa xiꞌin na: ―Ra yoꞌo kuvi Jesús ra kaꞌan tuꞌun yuꞌu Ndioxi, ra kee ñuu Nazaret ña ndikun ndiaa Galilea ―kachi na xiꞌin na.

San Mateo 15:31

Ra te xini takundiꞌi yuvi kan ña kuu, saa ra ndakanda ka vi ini na, saa chi xini na, ndakaꞌan na miꞌmi, ra nduvaꞌa tu na lundu: na köo ndaꞌa, na köo xaꞌa va, ra vaꞌa ndakaka na küvi kaka, ra nduvaꞌa tu nuu na kuaa va. Ra saa xaꞌa yuvi kan ^ndasakaꞌnu ka vi na Ndioxi, ra nduꞌu ndivi, ra kuu Ndioxi na ñuu Israel.

Gálatas 1:24

Ra ndasakaꞌnu ni na Tata yo Ndioxi, xaꞌa ña kundaa ini na xaꞌa chiñu ña ^xa yu.

Hechos 5:5

Ra te xini soꞌo ra Ananías tuꞌun yoꞌo, saa ra ndikun mii kan nduva ra ndixiꞌi va ra. Ra takundiꞌi yuvi na kundaa ini ña ndoꞌo ra Ananías, ra ndiyuꞌvi ka vi na.

San Juan 9:17

Ra saa nindakatuꞌun tuku va ndia ra ndixiyo kuaa kan kachi ndia saa: ―¿Ndia tiaa kuvi ra sandaꞌa nuu kun tuvi kun? ―kachi ndia xiꞌin ra. Ra saa ndakuiin ra kachi ra saa xiꞌin ndia: ―Iin ra kaꞌan ndoso tuꞌun yuꞌu Ndioxi va kuvi ra tuvi yu ―kachi ra xiꞌin ndia.

San Juan 6:14

Ra te xini yuvi kan ña xituꞌun xa Jesús, ra saa ndikaꞌan na kachi na saa: ―Ña ndixa ke ra kaꞌan tuꞌun yuꞌu Ndioxi, ra iyoo tuꞌun kixi nuu ña yuuvi yoꞌo kuvi ndixa va ra yoꞌo ―*kachi na.

San Juan 4:19

Saa ndikaꞌan ña xiꞌin Jesús kachi ña saa: ―Tata, ña tuvi yu, ra ra kaꞌan tuꞌun yuꞌu Ndioxi va kuvi kun.

San Juan 1:25

Ra ndindakatuꞌun ndia ra kachi ndia saa: ―¿Nichuun ^sakuchi kun yu̱vi tu süvi Cristo kuvi kun, ra nii süvi tu ra Elías kuvi kun, ra nii süvi tu ra ka̱ꞌa̱n tuꞌun yuꞌu Ndioxi kuvi va kun? ―kachi ndia xiꞌin ra.

San Juan 1:21

Ra saa ndindakatuꞌun tuku va ndia ra kachi ndia saa: ―¿Yoo kuvi yoꞌo, tu saa? ¿A ra Elías, ra ndikaꞌan tuꞌun yuꞌu Ndioxi xinaꞌa kuvi kun? ―kachi ndia xiꞌin ra. Ra saa ndakuiin ra Juan kachi ra saa: ―Süvi yu ―kachi ra. Ra saa ndindakatuꞌun tuku va ndia ra kachi ndia saa: ―¿A yoꞌo kuvi ra iyoo tuꞌun xaꞌa kixi kaꞌan ndoso tuꞌun yuꞌu Ndioxi? ―kachi ndia xiꞌin ra. Ra saa ndakuiin ra kachi ra saa: ―Süvi yuꞌu kuvi ra ―kachi tuku va ra.

San Lucas 24:19

Ra saa nindakatuꞌun Jesús ndia, kachi ra saa: ―¿Ni ke kuu? ―kachi ra xiꞌin ndia. Saa ndakuiin ndia, kachi ndia saa: ―Xaꞌa Jesús, ra ke̱e ñuu Nazaret, ke ndatuꞌun ndi, chi iin ra ndikaꞌan tuꞌun yuꞌu Ndioxi kuvi ra. Ra ndixiyo ni ndiee Ndioxi xiꞌin ra. Ra kuaꞌa ni ña vaꞌa xa ra xiꞌin na ñuu Israel.

San Lucas 9:19

Saa ndakuiin ndia, kachi ndia saa: ―Sava na kaꞌan ña kuu kun ra Juan ra sakuchi yuvi; ra sava tu na kaꞌan ña kuu kun ra Elías va; ra sava tu na kachi saa ña kuu kun ndia iin ra ndikaꞌan tuꞌun yuꞌu Ndioxi xinaꞌa va, ra ndatiaku kun, kachi na xaꞌa kun ―kachi ndia xiꞌin ra.

San Lucas 8:37

Ra takundiꞌi na ñuu Gadara, ra xaku ndaꞌvi ni na nuu Jesús, ña na kuꞌun ra inka xiyo, chi iyuꞌvi ni na ^xini na ra. Saa ndandaa Jesús ini itun kan ra ndakiꞌin ra kuaꞌan va ra xiꞌin ndia itaꞌan xiꞌin ra.

San Lucas 5:8

Ra ta xini ra Simón ña xa Jesús, saa ra ndikun ndakusiti ra nuu ra, ra kachi ra saa: ―Tata, tiaa ra iyoo kuachi va kuvi yuꞌu, ndi su yoꞌo, ra ra yii va kuvi kun. Ña kan ke küvi kitaꞌan yu xiꞌin kun, ra vaꞌa ka na kutiaꞌa va kun nuu yu ―kachi ra xiꞌin Jesús.

San Mateo 28:8

Ra saa kee na siꞌi kan ndakiꞌin na xinu na kuaꞌan na ndatuꞌun na xiꞌin ndia xitaꞌan xiꞌin Jesús, ña xa ndatiaku va ra. Ra tiaa ni iyuꞌvi na, ndi su tiaa ni kusii tu ini va na xaꞌa tuꞌun ña ndikaꞌan ra tatun Ndioxi kan.

Hechos 7:37

Ra suvi mii ra Moisés kan kuvi tu ra ndikaꞌan xiꞌin na xii xikua yo kachi ra suꞌva va: “Tiꞌvi Ndioxi iin mii ra ñuu Israel ña kixi ra kaꞌan ndoso ra tuꞌun yuꞌu ra, ta kuꞌva iyoo yuꞌu, ra na kandixa ndo ra”, kachi ra.

San Lucas 19:44

Ra kaꞌni ndiꞌi va na seꞌe vali ndo, ra ndia nii nuu ndita veꞌe ndo ke kuñäꞌa ka vi; saa chi ndixïin ndo ña sakaku yu ndoꞌo, kii ña xaa yu sakaku yu ndoꞌo vichin ―kachi Jesús xiꞌin na.

San Lucas 7:15

Ra saa ndatiaku va ra loꞌo kan, ra ndakunduꞌu ra nuu ixto, ra xaꞌa ra kaꞌan ra, ra saa ndataxi Jesús ra ndaꞌa siꞌi ra.