San Lucas 6:35 - Mixteco Metlatónoc

³⁵ Kuꞌvi ini ndo kuni ndo na saa ini xini ndoꞌo, ra sa ndo ña vaꞌa xiꞌin na. Ra tu chindiee ndo xuꞌun na ra ndiätu ini ndo ña ndakiꞌin ndo ña ndaꞌa na. Saa ke niꞌi ndo ña vaꞌa nuu Ndioxi, ra kunani ndo seꞌe Ndioxi ra kaꞌnu. Chi vaꞌa ni ini Ndioxi xiꞌin takundiꞌi va yuvi, nii na köo ña toꞌo kuvi na, ra nii na yuvi ñaꞌa kuvi va na.

San Lucas 6:35 Referans Kwoze

San Juan 13:35

Ra tu saa na sa ndo, ña kuꞌvi ni ini ndo kuni taꞌan ndo, saa ra kundaa ini takundiꞌi va yuvi ña kuu ndo ndia itaꞌan xiꞌin yu ―kachi Jesús xiꞌin ndia.

2 Corintios 8:9

Ra xa kundaa va ini ndo chi Tata yo Jesucristo, ra tiayu ni ra, ra ndaꞌvi ni tu ini va ra. Saa chi vaꞌa ni ra kuika va kuvi ra, ndi su xiin va ra ña nduu ra ra ndaꞌvi xaꞌa ña ^kuꞌvi ni ini ra xini ra ndoꞌo, ña vaꞌa na ndukuika ndo xaꞌa ña nduu ra, ra ndaꞌvi.

San Juan 15:8

Ra na kundaa ini ndo, chi ndukaꞌnu ni va Tata yu Ndioxi, te kuaꞌa ni kuiꞌi ^taxi ndo, ra saa ke ndañaꞌa tu ndo mii ndo ña ndikun ndo yuꞌu va.

Hechos 14:17

Ra vaꞌa ni saa xa va na, ndi su ndixikuïin vi ra ña sa ra ña vaꞌa xiꞌin na xaꞌa ña ndañaꞌa ra mii ra ña kuu ra Ndioxi. Ra ra kan kuvi ra sakuun savi ña kan ke vaꞌa kana ña chiꞌi yo, ra vaꞌa ni xa ña, ña kan ke vaꞌa iyoo ña xixi yo, ra vaꞌa iyoo yo ―kachi ra Pablo xiꞌin na.

San Lucas 1:32

Chi ra loꞌo yoꞌo, ra ra kaꞌnu ni kuu ra, ra “Seꞌe Ndioxi Ra Kaꞌnu kuvi ra” kachi na. Ra taxi Ndioxi ndie̱e̱ ndaꞌa ra, ña kuu ra rey, ta kuꞌva ndixiyo ra rey David, xii xikua ra, ra xaꞌndia chiñu nuu na Israel.

San Marcos 5:7

Ra iin kokoꞌo ndaꞌyu tachi ndivaꞌa ña ñuꞌu ini ra, ra kachi ña saa xiꞌin Jesús: ―¡Jesús, Seꞌe Ndioxi ra kaꞌnu! ¿Ni ke kuni kun xiꞌin yu? Xakundaꞌvi yu nuu kun xiꞌin nuu Ndioxi, ña na sandöꞌo kun yuꞌu. ¡Ndaꞌvi ni yu! ―kachi ña xiꞌin Jesús.

San Mateo 5:9

Ra vaꞌa ni kee tu ndoꞌo, na ndachutaꞌan mani yuvi na kanitaꞌan va, saa chi ndoꞌo kuvi ndo kunani seꞌe Ndioxi va.

San Lucas 6:36

Ra na kundaꞌvi ini ndo kuni taꞌan ndo, ta kuꞌva kundaꞌvi ini Ndioxi xini ra ndoꞌo.

2 Timoteo 3:2

Saa chi kii kan, ra xaꞌa sava yuvi ña ndakundiꞌi ni ini na takua xaꞌa mii va na, ña vaꞌa ni koo na kuni na, ra kuni na ña koo ni tu xuꞌun va na, ra kutiaa ni tu ini na xiꞌin mii va na, ra ndakani tu ini na ña ndiaa yaꞌvi ni ka na nuu inka yuvi, ra kañaꞌa tu na xaꞌa Tata yo Ndioxi va, ra kuïin tu na kandixa na na iva siꞌi va na, ra nii kusïi tu ini na xiꞌin ndiee ña chikaa inka yuvi xiꞌin na, ra nii ña kundikun na Tata yo Ndioxi ke kuïin vi na,