San Lucas 6:21 - Mixteco Metlatónoc

²¹ ’Vaꞌa ni kee ndoꞌo, na kaꞌun ini vichin, chi vaxi kii ra ndoo ndoso va ña nuu ndo. Vaꞌa ni kee ndoꞌo na xaku vichin, chi vaxi kii ra kusii ni ini ndo.

San Lucas 6:21 Referans Kwoze

San Juan 6:35

Ra saa ndikaꞌan Jesús xiꞌin na kachi ra saa: ―Yuꞌu kuvi ra kuu ixta ña ^taxi ña kutiaku yuvi. Ra na vaxi nuu yuꞌu, ra ndia nii ka kii käꞌun ini na, ra na kandixa yuꞌu, ra ndia nii ka tu kii ïchi ini na tiakuii va.

San Mateo 5:6

Ra vaꞌa ni kee tu ndoꞌo, na kaꞌun ini nima vichin, ra ndachi ini ndo ña kuni ndo kuni soꞌo ndo ña kaꞌan Ndioxi, chi vaxi kii ra kuni va soꞌo ndo tuꞌun ra.

Santiago 1:12

Vaꞌa ni kee yuvi na xa ndiee ini, ra kuëe ndiko ini na te vaxi tundoꞌo nuu na, ña xitondoso ña na, saa chi te xa na kuchuun na ña sa tiaa na nuu ña, ra niꞌi na ña kutiaku na, ra ña kan kuvi iin ñaꞌa ña ndiaa yaꞌvi ni kindoo Tata yo Ndioxi taxi ra ndaꞌa va yuvi na kuꞌvi ini xini ra.

San Lucas 1:53

Ra sakuxi ra na ndaꞌvi xiꞌi soko. Ra kindiaa ra ña xixi na kuika; ra ndia nii loꞌo ka ña nindäkoo ra ndaꞌa na kuxi na.

San Mateo 5:4

Ra vaꞌa ni kee ndoꞌo, na xáku vichin, chi vaxi kii ra ndoꞌo kuvi ndo kusii ni ini sa Ndioxi va.

Apocalipsis 7:16

Ra küvi ka na soko, ra nii ndächi ka tu ini na tiakuii va, ra nii ñuꞌù kaa, ra käꞌmi ka ña na, ra ndia nii loꞌo ka kaꞌni küni na.

San Lucas 6:25

’Ndaꞌvi ni ndoꞌo, na iyoo ña xixi vichin, chi vaxi kii ra kaꞌun ni ini ndo. ’Ndaꞌvi ni ndoꞌo, na ^xáku̱ vichin, chi vaxi kii ra kusuchi ni ini ndo ra kuaku ni ndo.

1 Corintios 4:11

Ndi su nduꞌu, ra ndia kii vichin ra ^ndoꞌo va ini ndi, saa chi kaꞌun va ini ndi, ra ichi tu ini va ndi, ra köo tu tikoto kundixi va ndi, ra kundivaꞌa ni tu na xiꞌin va ndi, ra köo tu veꞌe va ndi,

San Juan 4:10

Ra saa ndakuiin Jesús kachi ra saa xiꞌin ñaꞌa kan: ―Tu na kundaa ini kun ña kaꞌnu ña taxi Ndioxi, ra kundaa tu ini kun yoo kuvi ra kaꞌan xiꞌin kun ña taxi kun tiakuii koꞌo ra, saa ra mii va kun kuvi ña nduku tiakuii nuu ra, ra ra kan ra tiakuii ra taxi ña kutiaku va kun kuvi ra taxi ra koꞌo kun ―kachi Jesús xiꞌin ña.

Apocalipsis 21:3

Ra saa xini soꞌo yu ña ndiee ka vi ndikaꞌan iin tachi, chi ndivi kachi ña saa: ―Veꞌe ñuꞌu Ndioxi ra xa tiañu na yuvi va ndichi ña, ra koo ra xiꞌin na, ra na ñuu ra kuu na, ra mii ra kuvi ra kuu Ndioxi va na.

2 Corintios 12:10

Ra xaꞌa ña kuꞌvi ini yu xini yu Cristo, ra ra kusii ini va kuvi yu ña kuvita ini yu, ra saa tu ña ^kañaꞌa na xiꞌin va yu, ra saa tu ña ^kumani ndia ndia ka ñaꞌa nuu va yu, ra saa tu ña ^kanitaꞌan na xiꞌin va yu, ra saa tu ña ^ndoꞌo yu ña uꞌvi xaꞌa Cristo va. Saa chi ta kuvita ini yu, ke ndundaku vaꞌa ka ini va yu xiꞌin chiñu Ndioxi.

2 Corintios 11:27

Ra tiaa ni tu xachiñu va yu; ra ndoꞌo ni tu ini va yu; ra kuaꞌa ni tu ichi kïxi va yu; ra kuaꞌa ni tu ichi kaꞌun ini va yu, ra kuaꞌa ni tu ichí íchi̱ ini yu tiakuii va; ra kuaꞌa ni tu ichi iyoo suꞌun yu, ña xïxi va yu; ra kuaꞌa ni tu ichi xiꞌi yu vixin, ña köo tikoto kundixi va yu.

2 Corintios 6:10

Ra vaꞌa ni sava tu kusuchi ini va ndi, ndi su iin takundiꞌi kii va kusii ini ndi, ra vaꞌa ni ndaꞌvi ni va tu ndi, ndi su kuaꞌa ni va ña kuika ña kuu ña vaꞌa Ndioxi, ^taxi ndi ndaꞌa kuaꞌa ni yuvi; ra vaꞌa ni köo va ndia nii ñaꞌa ña iyoo nuu ña yuuvi yoꞌo nuu ndi, ndi su iyoo takundiꞌi va tu ñaꞌa ña taxi Ndioxi nuu ndi.

San Juan 11:35

Saa ra xaku va Jesús.

San Lucas 6:20

Ra saa ndakotoꞌni Jesús nuu na ndikun sata ra, ra ndikaꞌan ra xiꞌin na, kachi ra saa: ―Vaꞌa ni kee ndoꞌo, na ndaꞌvi, chi xa ndixaa va kii ña kaꞌndia Ndioxi chiñu nuu ndo.

San Lucas 6:22

’Vaꞌa ni kee ndo tu kundasi taꞌan na xiꞌin ndo, ra taxi na ndoꞌo, ra kañaꞌa na xaꞌa ndo, xaꞌa ña kandixa ndo yuꞌu, ra tiꞌvi Ndioxi xaa yoꞌo.