San Lucas 5:33 - Mixteco Metlatónoc

³³ Ra saa ndikaꞌan ndia xiꞌin Jesús, kachi ndia saa: ―Na itaꞌan xiꞌin ra Juan, xiꞌin na itaꞌan xiꞌin ndia fariseo, ra kuaꞌa ni va ichi xïxi na, ña iyoo suꞌun na, ra kaꞌan ni tu na xiꞌin Ndioxi va. ¿Ra nichuun iyöo suꞌun tu ndia itaꞌan xiꞌin yoꞌo? Chi niña ndia xixi va kuvi ndia ―kachi ndia xiꞌin Jesús.

San Lucas 5:33 Referans Kwoze

San Lucas 20:47

Ra sandaꞌvi ni tu ndia na siꞌi na ndukuaan va, ra ndakiꞌin ndiaa ndia ñaꞌa ña kuu mii na ndaꞌa na. Ra ña kuni ndia kindoo vaꞌa ndia nuu na ñuu, ra naꞌa ka vi kaꞌan ndia xiꞌin Ndioxi. Ra ña xa ndia ña yoꞌo, ra chee ni ka va tundoꞌo vaxi nuu ndia sa Ndioxi ―kachi Jesús xiꞌin ndia itaꞌan xiꞌin ra.

San Lucas 18:12

Yuꞌu, ra uvi kii xïxi yu iin semana; ra soko yu nuu xuꞌun ña xakanaa yu”, kachi ra fariseo kan xiꞌin Ndioxi.

Hechos 9:11

Ra saa ndikaꞌan Tata yo Jesús xiꞌin ra kachi ra saa: ―Sanduvi ra kuꞌun kun yaꞌya kaꞌnu ña nani Yaꞌya Ndakú, ra ta xa na xaa kun veꞌe iin ra nani Judas, ra na ndakatuꞌun kun xaꞌa iin tiaa ra nani Saulo ra kee ñuu Tarso. Saa chi kaꞌan ra xiꞌin yu vichin.

San Juan 3:25

Ra saa xaꞌa sava ndia itaꞌan xiꞌin ra Juan ña xa kuachi ndia xiꞌin na judío xaꞌa ña yunaꞌa na xa na ña ndasa vii na xiꞌin mii na xiꞌin ña ndakatia na ñaꞌa ña kuu mii na ña saxinu na ndiayu Ndioxi.

San Juan 1:35

Ra saa kuu inka tuku kii, ra íin tuku va ra Juan nuu sakuchi ra yuvi xiꞌin uvi ndia itaꞌan xiꞌin ra.

San Lucas 11:1

Saa kuu iin kii ke̱e Jesús kuaꞌan ra kaꞌan ra xiꞌin Ndioxi. Ra ta ndiꞌi ndikaꞌan ra xiꞌin Ndioxi, ra saa ndikaꞌan iin ra itaꞌan xiꞌin ra kachi ra saa xiꞌin ra: ―Tata, sa ña mani sañaꞌa kun nduꞌu kaꞌan ndi xiꞌin Ndioxi, ta xa ra Juan, ra sakuchi yuvi, ña sañaꞌa ra ndia xitaꞌan xiꞌin ra ña kaꞌan ndia xiꞌin Ndioxi ―kachi ra xiꞌin Jesús.

San Marcos 12:40

Ra sandaꞌvi ni tu na, na siꞌi na ndukuaan va, chi kindiaa na ñaꞌa ña ku mii na ndaꞌa na. Ra ña kuni na kindoo vaꞌa na nuu na ñuu, ra naꞌa ka vi kaꞌan na xiꞌin Ndioxi. Ra ña xa na ña yoꞌo, ra chee ni ka tundoꞌo vaxi nuu na sa Ndioxi ―kachi Jesús.

San Mateo 23:13

’Ra ndaꞌvi ni ndoꞌo, ndia maestro sañaꞌa ndiayu Ndioxi ña ndakoo ra Moisés, xiꞌin ndoꞌo ndia fariseo, saa chi chiꞌña ni tuꞌun ndo, ra ndasi ndo yeꞌe ña kuu ichi nuu xaꞌndia Ndioxi chiñu, ra täxi ndo kiꞌvi yuvi, ra nii mii tu ndo xïin kiꞌvi va, ra na kuni kiꞌvi, ra nii täxi tu ndo kiꞌvi na kan va.

San Lucas 2:37

Ra xa kumi xiko kumi kuiya ke kindoo kuaan ña. Ra nii ndixikütiaꞌa ña veꞌe ñuꞌu kan chi ñuu kaꞌñu va xindikaa ña ndikaꞌan ña xiꞌin Ndioxi, ra ndixiyo suꞌun ña ña ndixïxi ña sava.

San Lucas 5:32

Saa chi yuꞌu, ra växi yu chindiee taꞌan yu xiꞌin na vaꞌa, na köo kuachi, tuvi na. Chi xaꞌa na iyoo kuachi va ke xaa yu, ña vaꞌa na ndandiko ini na ra ndakiꞌin na ichi Ndioxi ―kachi Jesús xiꞌin ndia fariseo.

San Lucas 5:34

Ra saa ndakuiin Jesús, kachi ra saa: ―Na ndee kusii ini xiꞌin migo na nuu iyoo viko tandaꞌa, ra küvi vi koo suꞌun na, ña koo na saa soko, chi ta íin va ra tandaꞌa xiꞌin na, ña kan ke küvi koo suꞌun na.