San Lucas 5:26 - Mixteco Metlatónoc

²⁶ Ra ndakanda ka vi ini yuvi xaꞌa ña xa Jesús. Ra ndasakaꞌnu ni na Ndioxi. Ra ndayuꞌvi ka vi ini na, kachi na saa: ―¿Ni ke yoꞌo? Ndia nii kii täan kuni yo ña, ra ndia vichin xini yo ña xituꞌun yoꞌo ―kachi na xiꞌin taꞌan na.

San Lucas 5:26 Referans Kwoze

San Mateo 9:8

Ra te xini takundiꞌi yuvi kan ña kuu, saa ra ndakanda ka vi ini na, ra ndasakaꞌnu ka vi na Ndioxi, xaꞌa ña taxi ra ndiee ra ndaꞌa na yuuvi yoꞌo.

San Lucas 7:16

Ra te xini yuvi kan ña ndatiaku ra, ra ndiyuꞌvi ni na. Ra xaꞌa na ^ndasakaꞌnu na Ndioxi, kachi na saa: ―Iin ra kaꞌnu, ra kaꞌan ndoso tuꞌun yuꞌu Ndioxi kuvi ra xaa nuu yo. Chi Ndioxi kuvi ra xaa chindiee taꞌan xiꞌin yo ―*kachi na.

Hechos 4:21

Ra saa ndikaꞌan ka na chiñu kan xiꞌin ndia ña sayuꞌvi na ndia, ndia saa ra sa̱ñá ndíka̱ va na ndia, saa chi ninïꞌi na ni ke sa na ña sándoꞌo na ndia, chi takundiꞌi na ñuu ra ^ndasakaꞌnu ka vi na Ndioxi xaꞌa ña xituꞌun kuu xini na.

San Lucas 8:37

Ra takundiꞌi na ñuu Gadara, ra xaku ndaꞌvi ni na nuu Jesús, ña na kuꞌun ra inka xiyo, chi iyuꞌvi ni na ^xini na ra. Saa ndandaa Jesús ini itun kan ra ndakiꞌin ra kuaꞌan va ra xiꞌin ndia itaꞌan xiꞌin ra.

San Lucas 5:8

Ra ta xini ra Simón ña xa Jesús, saa ra ndikun ndakusiti ra nuu ra, ra kachi ra saa: ―Tata, tiaa ra iyoo kuachi va kuvi yuꞌu, ndi su yoꞌo, ra ra yii va kuvi kun. Ña kan ke küvi kitaꞌan yu xiꞌin kun, ra vaꞌa ka na kutiaꞌa va kun nuu yu ―kachi ra xiꞌin Jesús.

San Marcos 2:12

Saa ra ndikun ndakoò ra nduchiꞌña kan ra ndakiꞌin ra ixto ra, ra ndakiꞌin ra kuanuꞌu ra, ra xini takundiꞌi na yuvi kan. Ra ndakanda ka vi ini na, ra ndasakaꞌnu ka vi na Ndioxi kachi na saa: ―¿Ni ke yoꞌo? chi ndia nii kii täan kuni yo ña ―kachi na.

San Mateo 28:8

Ra saa kee na siꞌi kan ndakiꞌin na xinu na kuaꞌan na ndatuꞌun na xiꞌin ndia xitaꞌan xiꞌin Jesús, ña xa ndatiaku va ra. Ra tiaa ni iyuꞌvi na, ndi su tiaa ni kusii tu ini va na xaꞌa tuꞌun ña ndikaꞌan ra tatun Ndioxi kan.

San Mateo 12:23

Saa ra takundiꞌi yuvi na xini ña kuu kan, ra ndakanda ka vi ini na, ra iin ndakatuꞌun taꞌan na kachi na saa: ―¿A ra yoꞌo kuvi ra kuu ndiseꞌe ra David, ra tiꞌvi Ndioxi kixi sakaku yoo? ―kachi na xaꞌa Jesús.

Gálatas 1:24

Ra ndasakaꞌnu ni na Tata yo Ndioxi, xaꞌa ña kundaa ini na xaꞌa chiñu ña ^xa yu.

San Lucas 1:65

Ra ndakanda ka vi ini na taꞌan ra Zacarías ta xini soꞌo na xaꞌa ña kuu kan. Ra iin ndisaa kuvi ñuu kuñuꞌu ña ndikun chi Judea ndindutia ndoso tuꞌun xaꞌa ña kuu.