San Lucas 5:24 - Mixteco Metlatónoc

²⁴ Ra ña na kundaa vaꞌa ini ndo, ra vichin nuu ndo yoꞌo, na sandaꞌa yu ra yoꞌo, saa ke kundaa ini ndo chi yuꞌu kuvi ra tiꞌvi Ndioxi xaa, ra kuu mii yu ndiayu ña sakaꞌnu ini yu xaꞌa kuachi na yuuvi ―kachi ra xiꞌin ndia. Ra saa ndikaꞌan ra xiꞌin ra nduchiꞌña kan, kachi ra saa: ―Ndakoò, ra ndakiꞌin kun ixto kun, ra kunuꞌu kun veꞌe kun ―kachi ra xiꞌin ra.

San Lucas 5:24 Referans Kwoze

Apocalipsis 1:13

ra tiañu uxa saa kaa ña xixi ñùꞌù kan, xini yu ndichi iin tiaa, ra ta kuni koo kuvi ra kee nuu Ndioxi saa kuni koo ra, ra ndixi ra iin tikoto kani, ra ndia nuu xaꞌa ra nduxinu ña, ra isuvi iin ñi̱i̱ ña oro ndika ra.

Hechos 14:10

Saa ndikaꞌan ra Pablo xiꞌin ra, kachi ra saa: ―Ndakundichi ndaku xiꞌin xaꞌa kun ―kachi ra. Saa ra iin kandita tiaa kan ña ndakundichi ra, ra saa xaꞌa xika va ra.

Hechos 9:40

Ra saa ndikaꞌan ra Pedro xiꞌin takundiꞌi na ndee veꞌe kan ña na kee na chi keꞌe, ra saa ndakusiti ra ra ndikaꞌan ra xiꞌin Ndioxi, ra te ndiꞌi saa ndikokuiin ra ndakutoꞌni ra chi nuu kanduꞌu ña, ra ndikaꞌan ra xiꞌin ña kachi ra saa: ―Tabita, ndakoo ―kachi ra. Ra saa ndakotoꞌni ña, ra ta xini ña ra Pedro, ra saa ndakoo ña ndakunduꞌu ña.

Hechos 9:34

Ra saa ndikaꞌan ra Pedro xiꞌin ra kachi ra saa: ―Eneas, ndakoo ra ndatuvi kun ixto kun saa chi xa ^nduvaꞌa va kun vichin xa Jesucristo ―kachi ra xiꞌin ra. Saa ra ndikun nduvaꞌa ndixa va ra Eneas ra ndakoo va ra.

Hechos 5:31

Ra mii Ndioxi kuvi tu ra ndasachee Jesús va, ña kan ke vaꞌa nduu ra ra xaꞌndia ra chiñu nuu yo, ra sakaku ra yoo, ra ^taxi tu ra ndiayu ndaꞌa yoo na Israel, ña na nandiko ini yo xaꞌa kuachi yo ra koo kaꞌnu ini ra xaꞌa yo.

San Juan 17:2

Saa chi yoꞌo kuvi ra taxi takundiꞌi ndiayu ndaꞌa yu, ña kaꞌndia chiñu yu nuu takundiꞌi na yuuvi, ra taxi yu ña kutiaku takundiꞌi na taxi kun ndaꞌa yu ndia ndikaa ndikuꞌun.

San Juan 11:43

Ra te ndiꞌi ndikaꞌan ra tuꞌun yoꞌo, ra saa ndiee ka vi ndikaꞌan ra kachi ra saa: ―¡Lázaro, kita keꞌe! ―kachi ra.

San Juan 5:27

Ra taxi tu ra ndiayu ndaꞌa ra ña sandaku ra kuachi xiꞌin takundiꞌi yuvi va, xaꞌa ña kuu ra ra xaa ña yuuvi yoꞌo.

San Juan 3:13

’Ra na kundaa ini ndo chi ndia nii yuvi täan ndaa ndivi, ra nuu tuku na, ndi su iyoo va indaa ra kee ndivi, ra ra kan kuvi ra xaa nuu ña yuuvi yoꞌo vichin va.

San Lucas 8:54

Ra saa tiin Jesús ndaꞌa ña. Ra ndiee ni ndikaꞌan ra xiꞌin ña, kachi ra saa: ―¡Ña loꞌo, ndakoo! ―kachi ra xiꞌin ña.

San Lucas 7:14

Ra saa kuyachin Jesús ra nditiandiaa ndaꞌa ra ixto ndii kan. Ra ndikun ndixkundita va ndia kuaꞌan xiꞌin ndii. Ra ndikaꞌan Jesús, kachi ra saa: ―Ra loꞌo, xiꞌin yoꞌo kaꞌan yu: ¡Ndakoo! ―kachi ra.

San Lucas 5:13

Ra saa nditandiaa ndaꞌa Jesús ra ndoꞌo kueꞌe tiaꞌyu kan ra ndikaꞌan ra xiꞌin ra, kachi ra saa: ―Kuni va yu; ra na nduvaꞌa kun ―kachi ra xiꞌin ra. Ra ndikun saa ndindoñuꞌu va kue̱ꞌe̱ tiaꞌyu kan sata tiaa kan.

San Mateo 28:18

Ra saa kuyachin Jesús nuu ndia, ra ndikaꞌan ra xiꞌin ndia kachi ra saa: ―Ndaꞌa yuꞌu ke ndataxi Ndioxi takundiꞌi ndiayu ña kaꞌndia yu chiñu ndivi, ra saa tu nuu ña yuuvi yoꞌo va.

San Mateo 26:64

Ra saa ndakuiin Jesús kachi ra saa xiꞌin ra: ―Xa mii kun ku ra ndikaꞌan va, ra suvi kuvi va yu. Ra na kundaa ini ndo vichin, chi kuni ndo yuꞌu ra xaa yoꞌo, ña ndakunduꞌu yu chi xitia kuaꞌa Ndioxi ra kaꞌnu, ndivi nuu xaꞌndia ra chiñu, ra ndiko yu kixi yu iin nuu viko yaa ―kachi Jesús xiꞌin ra.

San Mateo 25:31

’Te na ndiko yuꞌu ra xaa yoꞌo, kixi yu xiꞌin takundiꞌi ndiee yu, ra kixi takundiꞌi tu na tatun va yu xiꞌin yu, ra saa ke ndakunduꞌu yu tiayu kaꞌnu ña kaꞌndia yu chiñu.

San Mateo 16:13

Ra ta ndixaa Jesús chi ñuu Cesarea ña ndikun ndiaa ñuu Filipo, ra saa nindakatuꞌun ra ndia itaꞌan xiꞌin ra kachi ra saa: ―¿Yoo kuvi yuꞌu ra xaa yoꞌo, kachi yuvi xaꞌa yu? ―kachi ra xiꞌin ndia.

San Mateo 9:6

Ra nuu ndo saa na sandaꞌa yu ra, ra saa ke kundaa ini ndo chi yuꞌu, ra xaa yoꞌo, ra kuu mii yu ndiayu ña sakaꞌnu ini yu xaꞌa kuachi yuvi na ndee nuu ñuꞌu yoꞌo ―kachi Jesús xiꞌin na. Ra saa ndikaꞌan ra xiꞌin ra nduchiꞌña küvi kaka kan kachi ra saa: ―Ndakoo, ra ndakiꞌin kun ixto kun ra kunuꞌu kun veꞌe kun ―kachi ra xiꞌin ra.

San Mateo 4:24

Ra iin takundiꞌi ñuu ña ndikun ndiaa ñuu Siria, ndindutia ndoso tuꞌun xaꞌa Jesús, ña kuaꞌa ni ña xituꞌun xa ra, ra iin takundiꞌi na xiꞌi, ra vaxi na xiꞌin na nuu ra. Ra ndia ndia ka mii nuu kueꞌe ke ndoꞌo va na, takuu sava na tiin tachi ndivaꞌa, xiꞌin na kueꞌe na küvi kaka, xiꞌin na xiꞌi yiꞌi, ra yo̱o̱ ka mii kuvi va na, chi iin nduvaꞌa yaa va na xa Jesús.

San Lucas 5:18

Ra saa kuu, ra ndixaa sava tiaa xiꞌin iin ra xiꞌi ra ndachi xaꞌa küvi kaka, ra kanduꞌu ra nuu ixto ndixaa ra xiꞌin ndia. Ra ndixika nduku ndia kiꞌvi ndia ña chikanduꞌu ndia ra ini veꞌe nuu nduꞌu Jesús.

San Lucas 5:23

¿Ra ni ke vaꞌa kachi yu xiꞌin ra yoꞌo, tuvi ndo? ¿A vaꞌa ka na kachi yu ña: “Xa xakaꞌnu ini yu xaꞌa kuachi kun”? ¿Ra a vaꞌa ka na kaꞌan yu xiꞌin ra: “Ndakoo, ra kaka xaꞌa kun kunuꞌu kun”?, kachi yu.