San Lucas 4:35 - Mixteco Metlatónoc

³⁵ Saa ndukueꞌe Jesús xiꞌin tachi ndivaꞌa kan, ra kachi ra saa: ―¡Koo yaa yuꞌu kun! Ra saña tiaa ñaa ―kachi ra. Ra saa kùùn ña ndivaꞌa kan tiaa kan ndia nuu ñuꞌu, ra ke̱e ña kuaꞌan ña, ndi su kuëe nindoꞌo vaꞌa vi ra.

San Lucas 4:35 Referans Kwoze

San Lucas 4:41

Ra kuaꞌa ni tu na kuu mii tachi ndivaꞌa, va nduvaꞌa xa Jesús, ra iin ndaꞌyu koꞌo ña ndivaꞌa kan ta kee ña, ra kachi ña saa: ―¡Yoꞌo, kuvi Seꞌe Ndioxi! ―kachi ña xiꞌin ra. Ra nditäxi ra kaꞌan ña xiꞌin ra, saa chi xa kundaa va ini ña, ña kuu ra Cristo.

San Lucas 4:39

Ra saa kuyachin Jesús nuu ña, ra xaꞌndia ra chiñu nuu kueꞌe kan, ña na kee ña; saa ra ndikun nduvaꞌa va ña; ra ndakoo ña xavii ña xixi va na.

San Mateo 8:26

Saa ndikaꞌan ra xiꞌin ndia kachi ra saa: ―¿Nichuun ndiee ni iyuꞌvi ndo? ¿Ra nichuun loꞌo ni ndiaa ini ndo yuꞌu? ―kachi ra xiꞌin ndia. Ra saa ndakoo ra, ra ndikaꞌan ra xiꞌin tachi ra ndikaꞌan tu ra xiꞌin tiakuii va, saa ra ndikun xikoyaa va ña, saa ra iin kuu taxin va.

Apocalipsis 12:12

¡Ña kan ke na kusii ni ini ndivi, ra saa tu ndoꞌo na ndee ndivi va! ¡Ra ndoꞌo, na ndee nuu ñuꞌú, xiꞌin nuu tiañuꞌu, ra ndaꞌvi ni ndo! Saa chi timiaꞌa ri ^ndakava nuu ñuꞌú nuu ndee ndo ñáa̱, ra sáa̱ ni ini ri, saa chi ^kundaa ini ri ña saloꞌo ni va kii iyoo ri ―*kachi tachi kan xiꞌin yu.

San Lucas 11:22

Ndi su tu na kixi inka ra ndaku vaꞌa ka nuu ra, ra ra ndaku kan kuvi ra sa tiaa va, ra kindiaa ndiꞌi va ra ñaꞌa ra. Ra ndataꞌvi ra ña xiꞌin na itaꞌan xiꞌin va ra ―kachi Jesús xiꞌin na.

San Lucas 9:42

Ra ta kuyachin ra loꞌo kan ndixaa ra nuu Jesús, ra ndikun kuun tuku va tachi ndivaꞌa kan ra ñuꞌu, ra xaꞌa xaꞌni yiꞌi tuku va ña ra. Ra saa ndukueꞌe Jesús xiꞌin ña, ra sandaꞌa ra ra loꞌo kan, ra ndataxi ra ra ndaꞌa iva ra.

San Lucas 9:39

Chi ta xaa tachi ndivaꞌa yoꞌo, ra tiin ña ra, ra iin sandaꞌyu koꞌo ña ra, ra xaꞌni yiꞌi ña ra ndiakua lolo tava ña yuꞌu ra. Ra xa ndivaꞌa ni ña xiꞌin ra, ra xïin ña saña ña ra.

San Lucas 8:24

Ra saa sandoto ndia Jesús ra ndikaꞌan ndia xiꞌin ra kachi ndia saa: ―¡Tata Maestro! ¡Tata Maestro! ¡Kuandee itun yoꞌo xiꞌin yo kaꞌa mini! ―kachi ndia xiꞌin ra. Ra saa ndakoo Jesús ra xaꞌndia ra chiñu nuu tachi xiꞌin tiakuii, ra ndikun ndixkuiin va ña, ra iin yayaa kutaxin va.

San Marcos 9:26

Saa ra iin kokoꞌo nindaꞌyu tachi ndivaꞌa kan, ra iin xaꞌni yiꞌi tuku ña ra loꞌo kan, saa kita ña kuaꞌan ña, ra iin ta kaa ra ndixiꞌi kaa ra kanduꞌu ra xa ña, ra saa ndikaꞌan takundiꞌi na ndita kan kachi na saa: “Ndixiꞌi va ra loꞌo kaa” ―kachi na.

San Marcos 1:26

Ndia saa ra xaꞌni yiꞌi ña ra tiaa yoꞌo, ra iin cho choꞌo kuun ña ra, ra iin kokoꞌo nindaꞌyu ña, saa kita ña ini ra tiaa yoꞌo, kuaꞌan ña.

San Mateo 17:18

Ra saa xaꞌndia Jesús chiñu nuu tachi ndivaꞌa kan, ña na ^saña ña ra loꞌo kan, saa ra saña ndixa va ña ra, ra ndikun nduvaꞌa va ra.

San Marcos 4:39

Saa ndakoo Jesús, ra xaꞌndia ra chiñu nuu tachi kan, ña na kutuvi ña ra ndikaꞌan tu ra xiꞌin tiañuꞌu kan va kachi ra saa: ―Xavaꞌa, koo taxin kun, ―kachi ra xiꞌin ra. Saa ra ndikun ndixkuiin va tachi kan, ra yayaa kutaxin va.

San Lucas 4:23

Saa ndakuiin Jesús kachi ra saa xiꞌin na: ―Xa kundaa va ini yu chi vaxi kii ra kaꞌan ndo iin tuꞌun ndichi xiꞌin yu, kachi ndo saa: “Yoꞌo, ra xa tatan inka yuvi, na sa tatan kun mii kun vichin”, kachi ndo. Ra kaꞌan ka ndo: “A su yoꞌo kuvi ra kuaꞌa ni ña vaꞌa xa ñuu Capernaum; ra saa na sa tu kun yoꞌo va, chi yoꞌo kuvi ñuu kun”, kachi ndo xiꞌin yu ―kachi Jesús xiꞌin na.