San Lucas 4:1 - Mixteco Metlatónoc

¹ Ra iyoo ni ndie̱e̱ Tachi Yii Ndioxi xiꞌin Jesús, ra saa ke̱e ra nuu ndikaa itia Jordán, ra ndakiꞌin Tachi Yii Ndioxi ra kuaꞌan ra iin iku yuu.

San Lucas 4:1 Referans Kwoze

Hechos 10:38

Ra xa kundaa tu ini ndo xaꞌa Jesús, ña taxi Ndioxi ndiee Tachi Yii ndaꞌa ra ña ndixiyo ña xiꞌin ra, ra xa kundaa tu ini ndo ña ndixika ra xa ra ña vaꞌa xiꞌin yuvi va, ra sandaꞌa tu ra na xindoꞌni ndaꞌa ndiee timiaꞌa va. Ra ña vaꞌa xa ra saa, ra mii va Ndioxi kuvi ra chindiee taꞌan xiꞌin ra.

San Lucas 4:18

Ndie̱e̱ Tachi Yii Ndioxi iyoo xiꞌin yu. Saa chi ra kan va kuvi ra ndikaxin yuꞌu ña ndatuꞌun yu tuꞌun vaꞌa xiꞌin na ndaꞌvi, ra tiꞌvi ra yuꞌu vaxi yu ña chindiee taꞌan yu xiꞌin na ndoꞌo ni ini, ra sakaku yu na ñuꞌu veꞌe kàà ra saña ndika na, ra ndakuiña tu yu nuu na kuaa va, ra sakaku tu yu na ndoꞌo tundoꞌo va.

San Juan 3:34

saa chi seꞌe Ndioxi ra tiꞌvi ra xaa, ra tuꞌun Ndioxi ke kaꞌan va ra, saa chi Ndioxi, ra taxi va ra takundiꞌi ndiee Tachi Yii ra ndaꞌa seꞌe ra.

San Juan 1:32

Ra saa ndakani ka ra Juan nuu na kachi ra saa: ―Yuꞌu kuvi ra xini Tachi Yii Ndioxi ña kee ña ndiví, ra ta kaa iin paloma, saa kaa ña, ra nduxinu ña xika ña sata ra.

San Mateo 3:16

Ra te ndakundichi suꞌva Jesús ña ndikita ra ini tiakuii kan ña chichi ra, ra saa ndanuña ndivi, ra xini ra nduxinu Tachi Yii Ndioxi sata ra; ra ta kaa iin paloma saa kaa ña.

San Lucas 4:14

Ra saa nandiko Jesús kuaꞌan ra chi Galilea, ra iyoo ni ndiee Tachi Yii Ndioxi xiꞌin ra, ra saa ndindutia ndoso tuꞌun xaꞌa ra iin takundiꞌi ñuu.

Hechos 8:39

Ra ta kee ndia ini tiakuii kan vaxi ndia, ra saa ndakiꞌin va Tachi Yii Ndioxi ra Felipe kuaꞌan ra xiꞌin ña, ndia saa ra ndixïni ka vi tiaa kan ra. Ra vaꞌa ni saa va, ndi su kusii ni va ini tiaa kan ndakiꞌin ra kuaꞌan ra ichi ña kuaꞌan ra.

Hechos 1:2

ra iin saa ndia kii te ndakuita ra kuanuꞌu ra ndiví va. Ra te kuni ka kunuꞌu ra ndivi ke xiniñuꞌu ra Tachi Yii ra ña ndakoo ra ndiayu ndaꞌa ndia ndikaxin ra.

San Lucas 2:27

Ra mii kii ndixaa ra José, xiꞌin ña María, xiꞌin ra loꞌo Jesús veꞌe ñuꞌu kaꞌnu, ña saxinu na ta kuꞌva kaꞌan ña tiaa ra Moisés, ra ndikaꞌan tu Tachi Yii Ndioxi xiꞌin ra Simeón ña na kuꞌun ra veꞌe ñuꞌu va.

San Lucas 3:3

Ra ke̱e ra kuaꞌan ra chi nuu ndikaa itia Jordán. Ra xaꞌa ra kaꞌan ndoso ra tuꞌun Ndioxi nuu yuvi na ke̱e iin takundiꞌi ñuu, ña na ndandiko ini na xaꞌa kuachi na, ra ndakuchi na, ra sakaꞌnu ini Ndioxi xaꞌa na.

San Lucas 3:38

Ra seꞌe ra Enós xikuu ra Cainán. Ra seꞌe ra Set xikuu ra Enós. Ra seꞌe ra Adán xikuu ra Set. Ra seꞌe Ndioxi xikuu ra Adán.